Լրահոս

Հայաստանի վարչապետ Նիկոլ Փաշինեան համոզուած է, թէ կլոպալ փոփոխութիւնները «Խաղաղութեան խաչմերուկ» նախագծին համաշխարհային նշանակութիւն կը վերագրեն։

Հայաստանի ֆութպոլի ազգային հաւաքականը երէկ Երեւանի մէջ հիւրընկալեց Հիւսիսային Մակեդոնիան, որու դիմաց 2-0 արդիւնքով պարտութիւն կրեց։ ՈՒԷՖԱ-ի Եւրոպայի ազգերու լիկի շրջանակներէն ներս տեղի ունեցաւ այս հանդիպումը։

ԺԱ­ՄԱ­ՆԱԿ-ի գլխա­ւոր խմբա­գիր Ա­րա Գօ­չու­նեան կը տե­ղե­կաց­նէ Նիւ Եոր­քէն.-

Հայ­կա­կան բա­րե­գոր­ծա­կան ընդ­հա­նուր միու­թեան (ՀԲԸՄ) 93-րդ ընդ­հա­նուր ժո­ղո­վը կ՚ըն­թա­նայ Նիւ Եոր­քի մէջ, ուր ե­րէկ օ­րուան տե­ւո­ղու­թեան բազ­մա­կող­մա­նի ու խտա­ցեալ աշ­խա­տանք ծա­ւա­լուե­ցաւ, իսկ այ­սօր ծրա­գի­րը կ՚եզ­րա­փա­կուի՝ բուն ընդ­հա­նուր ժո­ղո­վի գու­մա­րու­մով հան­դերձ։

Հայաստանի Հանրապետութեան նախագահ Վահագն Խաչատուրեան, որ աշխատանքային այցելութիւն մը տուաւ Աշխապատ, հանդիպումներ ունեցաւ Թիւրքմենիստանի նախագահ Սերտար Պերտիմուհամմետովի, ինչպէս նաեւ երկրի ազգային առաջնորդ եւ խորհրդարանի նախագահ Կուրպանկուլի Պերտիմուհամմետովի հետ։

Ռուսաստանի նախագահ Վլատիմիր Փութին եւ Իրանի նախագահ Մեսուտ Փեզեշքիան երէկ հանդիպում մը ունեցան Աշխապատի մէջ, ուր կը գտնուէին Թիւրքմենիստանի տանտիրութեամբ կազմակերպուած՝ «Ժամանակներու եւ քաղաքակրթութիւններու փոխկապակցուածութիւնը. խաղաղութեան եւ զարգացման հիմք» խորագրեալ միջազգային ֆորումին։

Ատրպէյճան կը շարունակէ պաշտօնական բնագաւառէն ներս սերտօրէն համագործակցիլ Թուրքիոյ եւ Իսրայէլի հետ։ «Forbes»ի հաղորդումներով, Թուրքիան ու Իսրայէլը կ՚արդիականացնեն Ատրպէյճանի զինանոցի՝ Ռուսաստանի կողմէ արտադրուած հին ռազմական սարքաւորումները։

ԺԱՄԱՆԱԿ-ի գլխաւոր խմբագիր Արա Գօչունեան կը տեղեկացնէ Նիւ Եորքէն.-

Հայկական բարեգործական ընդհանուր միութեան (ՀԲԸՄ) 93-րդ ընդհանուր ժողովը այսօր արդէն կը բացուի Նիւ Եորքի մէջ։ Երէկ, ընդհանուր ժողովի շրջանակներէն ներս նախատեսուած աշխատանքին սկիզբը բնորոշեցին ՀԲԸՄ-ի Երիտասարդ արհեստավարժներու քննարկումները։

ՍԱԳՕ ԱՐԵԱՆ

Ամերիկայի Միացեալ Նահանգներու նախագահական ընտրութեան ընդառաջ՝ երկրագունդը քաոսի բոյն:
Արցախի 44-օրեայ պատերազմը դարձաւ աշխարհակարգի փլուզման առաջին լուրջ ազդանշաններէն մին: Այսօր գոյութիւն չունի միջազգային գերակշիռ ոստիկան մը ու շատ սակաւաթիւ երկիրներ զերծ են հաւանական վտանգներէ:

Հայաստանի Հանրապետութեան նախագահ Վահագն Խաչատուրեան այս օրերուն աշխատանքային այցելութիւն մը կու տայ Աշխապատ, ուր երէկ դիմաւորուեցաւ Թիւրքմենիստանի փոխ-վարչապետ Մեհմետհան Չաքի եւ Պերտի Մուրատի կողմէ։

ՄԱԿ-ի ընդհանուր ժողովի առաջին կոմիտէի նիստերու շրջանակներէն ներս նախատեսուած է «Միջուկային հնգեակ»ի հանդիպումը։ Երբ ներկայիս Արեւմուտք-Ռուսաստան բեւեռացումը կը բնորոշէ միջազգային օրակարգը, այս ձեւաչափով նախատեսուած ժողովը արդէն դարձած է ուշագրաւ։