Լրահոս

Հայ կանանց միջազգային ընկերակցութեան 9-րդ խորհրդաժողովը այս առաւօտ սկսաւ Երեւանի մէջ:
Բացման նիստին ներկայ էին Հայաստանի կառավարութենէն նախարարներ Ժաննա Անդրէասեան եւ Անահիտ Աւանէսեան:

Լոս Անճելըսի պոլսահայ միութեան մէջ տեղի ունեցաւ «Ձկնորսներու խրախճանք» մը, որ մեծ ոգեւորութեան առիթ դարձաւ։ Շուրջ 150 հոգի համախմբուեցաւ ընթրիքի սեղաններուն շուրջ, մինչ ճաշացուցակը պատրաստուած էր ծովային ճոխ տեսականիով։

ԱՐԱՄ ԱԲՐԱՀԱՄԵԱՆ

Եթէ կ՚ուզէք կռիւ ստեղծել ընդդիմադիր որեւէ շարժման մէջ, հարցուցէք. «Իսկ ո՞վ է վարչապետի ձեր թեկնածուն»: Գրեթէ անվրէպ աշխատող գործիք է. 10-20 հոգիի մը մէջ կ՚արթննայ «էկօ»ն եւ անոնք կա՛մ բարձրաձայն, կա՛մ հոգիի խորքին հարց կու տան. «Իսկ ինչո՞ւ ոչ ես»:

Երեւանի մէջ, Հանրապետութեան հրապարակին վրայ միշտ լարուածութիւն. ոստիկանութիւնը կառավարութեան շէնքը «Տաւուշը՝ յանուն հայրենիքի» շարժման ցուցարարներուն դէմ պաշտպանութեան տակ առաւ այս առաւօտեան նիստէն առաջ:
Քոնստանդին Զատուլին. «Փաշինեանի իշխանութեան իւրաքանչիւր օրը Կովկասի եւ ամբողջ Արեւելքի մէջ նուաստացում է Ռուսաստանի համար»:

Վարչապետ Նիկոլ Փաշինեանի յայտարարութիւնները Ազգային ժողովի մէջ. «Հայաստանի Հանրապետութեան մէջ եկեղեցւոյ դէմ արշաւ չկայ, չէ եղած ու չ՚ըլլար, իսկ եթէ այդպիսի բան մը նկատելի է, ուրեմն սա պէտք է տեսնել ուրիշ տեղ, ինչ որ կապ չունի կառավարութեան, կառավարող մեծամասնութեան հետ»:
«Երբ 2018-ին ստանձնեցինք իշխանութիւնը, շարունակեցինք կղերաֆէոտալ աւանդութիւնները, ինչ որ մեր ամենամեծ ամօթն է։ Այժմ մենք մեր մէջ կը յաղթահարենք այդ մտածելակերպը»:

Հայաստանի արտաքին գործոց նախարար Արարատ Միրզոյեան երէկ հեռախօսազրոյց մը ունեցաւ Իրանի արտաքին գործոց նախարարի պաշտօնակատար Ալի Պաղերի Քանիի հետ։ Միրզոյեան կրկնեց հայկական կողմին վշտակցութիւնները Իրանի մէջ՝ այժմ արդէն նախկին նախագահ Իպրահիմ Ռայիսիի մահուան կապակցութեամբ։

Թուրքիա վերահաստատեց իր խրախուսանքը՝ Հայաստան-Ատրպէյճան յարաբերութիւններու կարգաւորման ի նպաստ:
«Երեւանի եւ Պաքուի միջեւ կայ մթնոլորտի էական փոփոխութիւն, բայց սա չի նշանակեր, թէ կը մնայ միայն խաղաղութեան պայմանագրին ստորագրումը»:

Ազգային կրթութեան նախարար Եուսուֆ Թեքին երէկ այցելեց Հէյպելի կղզիի յունաց վանքը, ինչ որ արձագանգ գտած է նաեւ տեղական մամուլին մէջ։ Տասնամեակներէ ի վեր փակ է այս վանքը եւ անոր վերաբացումը միշտ օրակարգի վրայ է՝ հաշուի առնելով, որ առարկայ է միջազգային հետաքրքրութեան։

Հայաստանի ներքին քաղաքական կեանքի ալեկոծումները կը շարունակուին, ինչ որ կը պայմանաւորէ նաեւ 28 Մայիսի՝ Հանրապետութեան տօնի մթնոլորտը։ «Տաւուշը՝ յանուն հայրենիքի փրկութեան» շարժումը, թէեւ բազմամարդ հանրահաւաքներ կազմակերպել չյաջողելով հարցականի տակ կը թողու իր ներուժը, սակայն իշխանափոխութեան հարցը կը շարունակէ առաջնահերթօրէն զբաղեցնել երկրի օրակարգը։

Հայաստանի հիւսիսին շաբաթավերջին պատահած ջրհեղեղի հետեւանքները մեղմացնելու ուղղեալ նախաձեռնութիւնները կը շարունակուին։ Կառավարութիւնը 300 միլիոն դրամ յատկացուցած է հեղեղներէն տուժած համայնքներու եւ շրջաններու հրատապ խնդիրներու լուծման նպատակով։