Արխիւ

Տիկնիկային թատրոնի խաղացանկը կը համալրուի նոր ներկայացումներով։ Այսպէս, Հայաստանի «Յովհաննէս Թումանեան» պետական տիկնիկային թատրոնին մէջ 2019 թուականին կը բեմադրուին հետաքրքրական ներկայացումներ ինչպէս երեխաներու, այնպէս ալ՝ մեծահասակներու համար: Թատրոնը կը մասնակցի միջազգային փառատօներու, հիւրախաղերու կը մեկնի Հայաստանի մարզեր:

Միացեալ Նահանգներու Ծերակոյտի անդամներէն Կրահամ երէկ շփումներ ունեցաւ Անգարայի մէջ:
Թուրքիա պիտի չհանդուրժէ, որ իր հարաւային սահմաններու երկարութեամբ ստեղծուի ահաբեկչական նրբանցք մը:

Դէպի Արաբական Միացեալ Էմիրութիւններ պաշտօնական այցելութեան ծիրէն ներս, Հայաստանի Հանրապետութեան նախագահ Արմէն Սարգսեան աւարտելով Ապու Տապիի շփումները, երէկ հանդիպումներ ունեցաւ Շարժայի եւ Տուպայիի մէջ։ Այսպէս, Արմէն Սարգսեան տեսակցեցաւ Շարժայի կառավարիչ Շէյխ Սուլթան պին Մուհամմէտ էլ Քասըմի եւ Տուպայիի մէջ ալ Արաբական Միացեալ Էմիրութիւններու փոխ-նախագահ ու վարչապետ, պաշտպանութեան նախարար Շէյխ Մուհամմէտ պին Ռաշիտ էլ Մաքթումի հետ։

Երուսաղէմի հայոց պատրիարքը հիւրընկալեց Իսթանպուլէն մեկնած հաւատացեալներու խումբը:
Պոլսահայ ուխտաւորները տէրունակոխ սրբավայրերու մէջ կ՚անցընեն ոգեւոր ցնծութեան անմոռանալի օրեր:

Yerepuni.news լրատուական ցանցի կայքէջին վրայ, Յարութիւն Պէրպէրեանի ստորագրութեամբ, վերջերս լոյս տեսաւ յօդուած մը, ուր կ՚արժեւորուի սփիւռքահայ յայտնի մտաւորական Գրիգոր Պըլտեանի աշխատանքը։ Այստեղ յատուկ ուշադրութիւն կը կեդրոնացուի Պըլտեանի «Ֆրանսահայ գրականութիւն 1922-1972. նոյնէն այլը» գիրքին վրայ։ Ստորեւ որոշ յապաւումներով կը ներկայացնենք այս նիւթը։

Ա­ՆԻ ԲՐԴՈ­ՅԵԱՆ-ՂԱԶ­ԱՐԵԱՆ

-Այս արծաթեայ հին իրերը յաճախ գրաւած են ուշադրութիւնս, Հայկա՛ն, գիտեմ որ հնութիւնը կը սիրես, սակայն ասոնք սովորական իրերու տպաւորութիւնն ունին՝ փորագրութիւն, թուական, կամ որեւէ արժէք ներկայացնող արձանագրութիւն մը չկայ անոնց վրայ: Վստահաբար անոնք իւրայատուկ իմաստ մը կը կրեն քեզի համար:

Հայաստանի եւ Ատրպէյճանի արտաքին գործոց նախարարները՝ Մնացականեան եւ Մամետեարով երէկ հանդիպում մը ունեցան Փարիզի մէջ:
ԵԱՀԿ-ի Մինսքեան խմբակի համանախագահները կը պատրաստուին մօտաւոր ապագային այցելութիւն մը տալ Լեռնային Ղարաբաղի հակամարտութեան տարածքաշրջան:

ՎԱՐՈՒԺ  ԹԷՆՊԷԼԵԱՆ

Տպագիր հայ մամուլը կ՚ապրի տագնապ մը, եւ այդ տագնապին մէկ կարեւոր պատճառը թերեւս նոյնինքն արդիականութեան եւ անցեալէն ժառանգուած իտէալականութեան բախումն է, յաճախ մէկը միւսին զոհելու մօտեցումին կամ անդիմագիծ ներդաշնակումի փորձերուն հետեւանքով։
Նախ պէտք է նշել, որ տպագիր մամուլի տագնապը համաշխարհային տագնապ է յատկապէս համացանցի զարգացումէն ետք մամուլի թուայնացումին եւ բոլորին մատչելի դարձած լրատու կայքէջերուն (որակաւոր, անորակ եւ երբեմն զուտ բամբասանքային տարբերակներով) անհամեմատ տարածումին պատճառով:

Գրեց՝ ԱՆՈՒՇ ԹՐՈՒԱՆՑ

Խմբագիր, ուսուցչուհի, գրող Մառի (Մարի) Պէյլէրեանի ծանօթ ժողովածոն՝ «Դէպի վեր»ը, թուայնացուած է: Թուայնացուած է նաեւ պոլսահայ կին գործիչին հրատարակած «Արտէմիս» անունով ամսահանդէսը, որ, ըստ լեզուաբան Հրաչեայ Աճառեանի, կանանց խնդիրներուն նուիրուած առաջին հայ թերթն էր: