Արխիւ

ԱՆՈՒՇ ԹՐՈՒԱՆՑ

Վերջին շրջանին շատ կը խօսուի, որ հայոց եկեղեցին եւ պետութիւնը մեր պետութեան համար կարեւորագոյն հարցերու մէջ դարձած են անջատ գործող կառոյցներ եւ չեն գործակցիր իրարու հետ: Մանաւանդ այսօր, երբ Հայաստանը կեցած է նորագոյն մարտահրաւէրներու առջեւ եւ վճռական օրեր կ՚ապրի, շատ կը կարեւորուի հայոց եկեղեցւոյ եւ պետութեան միասնականութիւնը:

ՍԱԳՕ ԱՐԵԱՆ

Զաւէն Պարտաքճեան. «Աշխարհ առանց պատերազմի շրջան չունի եւ մենք ալ ապրեցանք այդ դժուար օրերը»:
«Կարեւոր է, որ դիմացիդ քարերը հաւաքես, որպէսզի հնարաւորինս ճանապարհ բանաս քեզմէ վերջ գալիքներուն համար»:

ՀՐԱՅՐ ՏԱՂԼԵԱՆ

Հայկական հին գաւառներու մէջ կրթական վիճակն ու թրքախօսութեան աստիճանը գիտնալու համար անպայմանօրէն պէտք է կարդալ ուսուցչուհի եւ հրապարակագիր Արշակուհի Թէոդիկի (որ կինն էր հայ բանասէր Թէոդիկի) «Ամիս մը ի Կիլիկիա» աշխատութիւնը, որ շրջելով բազմաթիւ հայկական գաւառներ գրի առած է իր տպաւորութիւնները:

ՀՐԱՅՐ ՏԱՂԼԵԱՆ

Երբեք պէտք չէ զարմանալ, որ այսօր մանաւանդ սփիւռքի մէջ ապրող մեր մանուկները, պատանիներն ու երիտասարդները հայերէն չեն գիտեր, որովհետեւ այդ մէկը մեր օրերուն յատուկ երեւոյթ մը չէ. Պոլսոյ, Թիֆլիզի, ինչպէս նաեւ հայկական այլ գաւառներու մէջ հայերէն չգիտցող մանուկներուն թիւը շատ շատ էր. այնքան շատ, որ Նիկողայոս Տէր-Ղեւոնդեան 1910 թուականին կը հրատարակէր «Արփիկ» խորագրով աշխատութիւն մը, որուն բացատրութեան մէջ կը գրէ. «Այբբենարան հայախօս եւ օտարախօս հայ մանուկների համար»:

ՎԱՐԱՆԴ ՔՈՐԹՄՈՍԵԱՆ

Այսօրուան մեր սիւնակով սիրելի ընթերցողներուն կը ներկայացնենք լուսահոգի Զարեհ Արքեպիսկոպոսի մէկ քարոզը, խօսուած Ս. Մարիամ Աստուածածինի վերափոխման տօնին առիթով:

Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Պատրիարքարանի ամարանոցին մէջ ընդունեց Կղզեաց հոգեւոր հովիւ եւ Պէյօղլուի սուրբ եկեղեցեաց քարոզիչ Տ. Յարութիւն Վրդ. Տամատեանը, յայտնի երաժիշտ Մաժակ Թօշիկեանը, Էսաեան սանուց միութեան վարչութեան ատենապետուհի Մարիամ Տրամէրեանը, «Մարալ» երգի-պարի համոյթի գեղարուեստական ղեկավար Կարպիս Չափքանը եւ գլխաւոր պարուսոյց Իրիս Չափքանը։

Յայտնի գիւղագիր Մկրտիչ Մարկոսեան երէկ երեկոյեան յատկանշական ձեռնարկով մը ոգեկոչուեցաւ Մեծ կղզիի մէջ։ Մկրտիչ Մարկոսեանի մահուան առաջին տարելիցին առթիւ կազմակերպուած հաւաքոյթը տեղի ունեցաւ «Չելիք Կիւլերսոյ» մշակոյթի կեդրոնի համալիրէն ներս։

Ռուսաստան-Ուքրայնա պատերազմի պայմաններով արդէն ամբողջ աշխարհի տեսակէտէ լուրջ հարց մը դարձած է հացահատիկի մատակարարումը։ Թուրքիոյ ջանքերով կեանքի կոչուած Սեւ ծովու նախաձեռնութիւնը, որով «հացահատիկի միջանցք մը» բացուած էր, արդէն ամիսէ մը ի վեր դադրած է։ Ռուսաստան մերժած է երկարաձգել այդ գործարքը՝ հաշուի առնելով իր զգայնութիւնները։ Ստեղծուած իրավիճակին մէջ միջազգային բեմահարթակի վրայ զանազան որոնումներ յառաջ կը տարուին հացահատիկի գործարքը փոխարինելու համար։

Թեհրան-Ռիատ առանցքին վրայ ձիւնահալը թափով կը շարունակուի՝ ամենաբարձր մակարդակի վրայ այցելութիւններու փոխանակումով։ «Արմէնփրէս»ի հաղորդումներով, Իրանի արտաքին գործոց նախարար Ամիր Ապտուլլահիան այս օրերուն կ՚այցելէ Սէուտական Արաբիա։