Արխիւ

Պաքըրգիւղի ընտանիքին տարեմուտի խանդավառութիւնը բնորոշուեցաւ Տատեան վարժարանի երդիքին տակ կազմակերպուած համերգներով, որոնք բացառիկ բարձր տրամադրութեան առարկայ դարձան։ 

Իրանի Քիրման քաղաքին մէջ երէկ պատահած իրերայաջորդ պայթումները մեծ թիւով զոհեր խլեցին եւ մտահոգութիւն յառաջացուցին:
Ռայիսի յետաձգեց Թուրքիա պաշտօնական այցելութիւնը, Էրտողան հեռախօսազրոյցի ընթացքին ցաւակցութիւն յայտնեց իր պաշտօնակցին:

Արտաքին գործոց նախարար Հաքան Ֆիտան այս շաբաթավերջին պիտի հիւրընկալէ Ամերիկայի Միացեալ Նահանգներու պետական քարտուղար Էնթընի Պլինքընը։ Ըստ պաշտօնական աղբիւրներուն, Հաքան Ֆիտան նշեց, որ յունուարի 6-ին Էնթընի Պլինքըն պիտի ըլլայ իր հիւրը, այսպէս ծրագրուած է ներկայիս, եթէ վերջին պահուն փոփոխութիւն մը չըլլայ։

ՀՐԱՅՐ ՏԱՂԼԵԱՆ

Հայաստանը շատ մը հայերու համար ինչքան ալ յետամնաց, անհաճոյ վայր մը թուի ըլլալ, օտարներու համար կը շարունակէ գեղեցիկ ու զմայլելի վայր մը ըլլալ: Այդ մէկը փաստելու համար բաւարար է նայիլ վիճակագրութիւններուն. 2022 թուականին պետական յայտարարութեան համաձայն, Հայաստան մուտք գործած էր մօտաւորապէս 1.670.000 զբօսաշրջիկ, սակայն 2023 թուականի վիճակագրութիւններու համաձայն այդ թիւը բարձրացած է 31 առ հարիւր տոկոսով, հասնելով մօտաւորապէս 2.200.000-ի:

Երէկ, Պէյօղլուի Սուրբ Երրորդութիւն եկեղեցւոյ մէջ տարեմուտի առթիւ տեղի ունեցաւ Արեւագալի արարողութիւն, որուն հանդիսապետեց Տ. Յարութիւն Վարդապետ Տամատեան։ Երգեցողութիւնները կատարուեցան՝ ղեկավարութեամբ Թադէոս Գարափեքմէզի։

Հայաստանի Հանրային հեռուստաընկերութեան կողմէ Ամենայն Հայոց Վեհափառ Հայրապետի Ամանորի պատգամին չհեռարձակուիլը ծնած է լուրջ բանավէճ մը:
Լռութիւն… ինչո՞ւ եւ մինչեւ ե՞րբ:
Մասնագիտական տեսակէտ. «Խախտուած է հաստատութիւն-գործառոյթ-լիազօրութիւն եռամիասնութեան սահմանադրական ներդաշնակութիւնը, ինչ որ դատական քննութեան առարկայ պէտք է դառնայ»:

ՍԱԳՕ ԱՐԵԱՆ

Կազզէի պատերազմին առումով ներկայ տարեմուտի դրութեամբ տակաւին շատ բան աղօտ է, սակայն յառաջիկայ շաբաթներուն կարգ մը հանգամանքներ կրնան յստականալ՝ մինչ Իսրայէլի բանակի զինուորներու վկայութիւնները կը բացայայտեն խորապէս մտահոգիչ պատկեր մը:
Նախագահական ընտրութեան ընդառաջ Ամերիկայի Միացեալ Նահանգներ ամենայն զգուշութեամբ կը հետեւի իրադարձութիւններուն: Նեթանիյահուի ընդդիմադիրները գերիներու ընտանիքներուն հետ կը նոյնացնեն իրենց պահանջները՝ հաշուարկելով, որ այս բոլորէն վերջ իրենք պիտի ըլլան հիմնական շահառուն:

Հայկական բարեգործական ընդհանուր միութեան Կեդրոնական վարչութեան նախագահ Պերճ Սեդրականեանի պատգամը՝ 2024 թուականի տարեմուտին առթիւ:
«Մեր ազգի գոյապայքարի ճանապարհին՝ որպէս աշխարհատարած ժողովուրդ, մեր պատասխանատուութիւնն է որդեգրել ինքնակամ կողմնորոշում եւ նախաձեռնութիւն»:

Մայր Աթոռ Սուրբ Էջմիածնի եւ Հայաստանի Հանրային հեռուստաընկերութեան միջեւ ներկայ տարեմուտին ստեղծուած է լուրջ լարուածութիւն մը։ Ամանորի գիշերը, Հանրային հեռուստատեսութեան կողմէ Տ.Տ. Գարեգին Բ. Ամենայն Հայոց Վեհափառ Հայրապետի պատգամի հրապարակման քմահաճ մերժումը արդէն ցասում յառաջացուցած է՝ մանաւանդ սփիւռքի շրջանակներու հիասթափութիւն պատճառելով։