Արխիւ

Shell միջազգային նշանաւոր հեղուկ վառելանիւթի վաճառանիշը արդէն մուտք գործած է Հայաստան։ Վերջին օրերուն հանդիսաւոր արարողութիւնով մը բացուեցաւ Shell-ի Հայաստանի մասնաճիւղը։

Երեւան եւ Պաքու Ուաշինկթընի բանակցութիւններով խորացուցին չլուծուած հարցերու շուրջ դիրքորոշումներու ըմբռնումը:
Ըստ Պետական քարտուղար Էնթընի Պլինքընի, Հայաստան-Ատրպէյճան վերջնական համաձայնութեան հասնելու համար դեռ կայ դժուար աշխատանք:

Մեր ընթերցողներուն կու գանք տեղեկացնել, թէ ԺԱՄԱՆԱԿ-ի վարչութիւնն ու խմբագրութիւնը համախոհաբար որոշած են թերթիս համար ակամայ սահմանել նոր սակագին մը։ ԺԱՄԱՆԱԿ օրաթերթը այսօրուընէ սկսեալ կը վաճառուի 3 (երեք) թրքական լիրա փոխարժէքով։

Մայր Աթոռ Սուրբ Էջմիածնի մէջ, Գէորգեան հոգեւոր ճեմարանի 2022-2023 կրթական շրջանը եզրափակուեցաւ հանդիսաւոր արարողութիւնով մը։ Տ.Տ. Գարեգին Բ. Ամենայն Հայոց Կաթողիկոսի բարձր հովանաւորութեամբ եւ օրհնութեամբ կազմակերպուած հանդէսը տեղի ունեցաւ Ճեմարանի հանդիսութիւններու դահլիճի երդիքին տակ։

ԱՆՈՒՇ ԹՐՈՒԱՆՑ

ԺԱՄԱՆԱԿ թերթի հիմնադիրներէն Քասիմ (Միսաք Գօչունեան) 1907 թուականին Պոլիս տպուած իր «Տունէն ներս» գիրքին մէջ առօրեայ կեանքի, մարդկային յարաբերութիւններու եւ կենսակերպի մասին հետաքրքրական բազում նիւթեր հեղինակած է: Գիրքին հրատարակիչը՝ Զ. Պէրպէրեան, ընծայաթերթին մէջ օրին գրած է, որ Քասիմ միակ գրողն է, որ ձեռնահասօրէն պրպտած, ուսումնասիրած է ամէն դասակարգի ընտանեկան, առեւտրական, ներքին կեանքը, եւ վէպերու, յօդուածներու, պատմութիւններու ձեւին տակ վերլուծած է բոլոր երեւոյթները կեանքին:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Ոսկեղջիւրի (Խրիսօ, կամ Խրիսու գերաս) ձախ եզրի ոսկեգոյն ափերուն վրայ թառող խորանաձեւ այս ոստանը, ինչպէս Պոյլսոյ բազմաթիւ թաղեր, իր անունը կ՚առնէ Միքայէլ Մօնօմախօս կայսեր շինել տուած նաւահանգիստի պարիսպէն դէպի ծով բացուող այն պատմական դռնէն՝ որ կը կոչուէր՝ «Պալաթիանի թիռա», այսինքն՝ դուռն Պալաթի։ Ահաւասիկ այս պատճառով է, որ այս թաղը կը կոչուի Պալաթ։

ՎԱՐԱՆԴ ՔՈՐԹՄՈՍԵԱՆ

Հարցում. Մարդ պէ՞տք է ուշադրութիւն դարձնէ իր քալած ճանապարհին:
Պատասխան. Անշուշտ որ մարդ պէտք է ուշադրութիւն դարձնէ իր քալած ճանապարհին, յատկապէս այս օրերուն, երբ տեղեկատուական աշխարհը՝ համացանցով վահանուած այսպէս կամ այնպէս իր համատարած տիրակալութիւնը պարտադրած է մարդկութեան վրայ:

ՀՐԱՅՐ ՏԱՂԼԵԱՆ

Մանկասարեան Յիսուսի չհաւատալով Աւետարանիչներուն կ՚ուզէ Յիսուսի գոյութիւնը գտնել ժամանակակից պատմաբաններու մօտ, սակայն զարմանքով կը հարցադրէ, թէ եթէ իրապէս գոյութիւն ունեցած ըլլար Յիսուս Քրիստոս մը՝ որ նման հրաշքներ կը գործէր, ինչո՞ւ համար չէ յիշուած ժամանակակիցներու կողմէ:

«Կրթական համակարգը ուրիշ բնագաւառներու նման մաս կը կազմէ ընկերային կեանքի զարգացումներուն։ Ուստի, ժամանակի պահանջ կը դառնայ նոր ոճերու կիրարկումը»:
«Խնդիրը հայերէն սորվիլը չէ, հայերէնով սորվիլն է, հայերէնով բացատրելն է աշխարհն ու ինքզինքը։ Հայերէնով կազմուիլն է՝ որպէս անձնաւորութիւն։ Հայերէնով մասնակցիլն է աշխարհի թոհուբոհին»: