Արխիւ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան յառաջիկայ օրերուն պիտի այցելէ Մայր Աթոռ Սուրբ Էջմիածին։ Կը տեղեկանանք, որ Ամեն. Ս. Պատրիարք Հայրը ներկայ շաբթուան երկրորդ կէսին Իսթանպուլ-Երեւան ուղիղ թռիչքով պիտի մեկնի Հայաստան։

Հայաստանի վարչապետ Նիկոլ Փաշինեանի կողակիցը՝ Աննա Յակոբեան վերջին օրերուն շփումներ ունեցաւ Փարիզի մէջ։ Կը հաղորդուի, որ Էլիզէի պալատէն ներս ան հիւրընկալուեցաւ Ֆրանսայի Առաջին տիկին Պրիժիտ Մաքրոնի կողմէ։

Հայաստան-Ատրպէյճան սահմանի լարուածութեան զուգահեռ արդէն թէ՛ Եւրոպական միութեան եւ թէ՛ ԵԱՀԿ-ի կողմէ դիտորդական առաքելութիւններու տեղակայման պարագաները օրակարգի վրայ եկած են եւ գործնական քայլեր կ՚առնուին։ Վերջին օրերուն ԵԱՀԿ-ի կողմէ կարիքներու գնահատման նպատակով առաքելութիւն մը ուղարկուեցաւ Երեւան։

Հայաստանի վարչապետ Նիկոլ Փաշինեան եւ Ատրպէյճանի նախագահ Իլհամ Ալիեւ կրնան մինչեւ ամսավերջ հանդիպում մը ունենալ՝ Ռուսաստանի նախագահ Վլատիմիր Փութինի միջնորդութեամբ։ Ըստ ռուսական դիւանագիտական աղբիւրներու, այս եռակողմանի նոր գագաթաժողովի պատրաստութիւնները սկսած էին Աստանայի մէջ, հոկտեմբերի 14-ին տեղի ունեցած ԱՊՀ-ի գագաթաժողովին։

Համայնքային շրջանակներուն ուշադրութիւնը երէկ կեդրոնացած էր Ֆէրիգիւղի վրայ, ուր տեղի ունեցաւ թաղի Մէրամէթճեան վարժարանի ի նպաստ տարեկան հանգանակութիւնը։ Կրօնական եւ աշխարհիկ արարողութիւններուն նախագահեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որ տուաւ նաեւ օրուան պատգամը։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Մոնկոլները գրաւած էին ամբողջ Ասիան, եւ հասած Հայաստան։ Հայ պատմիչները վախով նկարագրած են այս «նետողներու ցեղ»ը եւ անոր կենցաղը, կ՚ըսեն, թէ ինչպէս անոնք օրերով չէին իջներ իրենց արագավազ ձիերէն. վրանի տակ կ՚ապրէին, կը սնանէին կաթով եւ ձիու միսով…։

ՊԻԱՆՔԱ ՍԱՐԸԱՍԼԱՆ

Միտքերու եւ յոյզերու աշխարհին մէջ սէր զգալն ու զայն իւրացնելը կը թուի որպէս կեանքի գլխաւոր նպատակը։ Արդարեւ, սիրելը մարդկային ուժը մարմնաւորող գործողութիւն մըն է, որ կարելի է զգալ միայն ազատութեան պարագային, առանց հարկադրանքի:

Գատըգիւղի Արամեան-Ունճեան վարժարանին մէջ Թարգմանչաց տօնն ու Հայ մշակոյթի շաբաթը նշուեցան աւանդական խանդավառութեամբ։ Մշակուած ծրագրին դպրոցի բոլոր դասարաններու սաները մասնակցութիւն բերին։

Երեւանի մէջ եզրափակուեցաւ Եւրոասիոյ տնտեսական միութեան (ԵԱՏՄ) անդամ երկիրներու վարչապետներու հաւաքը։ Երէկ, Եւրոասիոյ միջկառավարական խորհուրդը իրականացուց ընդլայնուած կազմով նիստը։