Արխիւ

Վաքըֆներու ընդհանուր տնօրէնութեան կողմէ հրապարակուած նոր կանոնադրութեան զուգահեռ՝ Թուրքիոյ ոչ-իսլամ փոքրամասնական համայնքներէն ներս նախապատրաստական աշխատանքները աստիճանաբար թափ կը ստանան իրենց վարչական խորհուրդներու ընտրութիւններու կազմակերպման ուղղութեամբ։ Թրքահայ ազգային-եկեղեցական կեանքին մէջ ալ այս խնդիրը ներկայիս առաջնահերթութիւն է։

ՏԻԳՐԱՆ ԳԱԲՈՅԵԱՆ

Շատ արծարծուած նիւթերէն է քաղաքականութեան ու բարոյագիտութեան կապը եւ շատ յաճախ քաղաքականութիւնը եւ ընդհանուր քաղաքագիտութիւնը դասակարգուած են շատերու կողմէ՝ որպէս ամենաանսկզբունք եւ շահադիտական ոլորտներէն ու գիտութիւններէն մին:

ՀՐԱՅՐ ՏԱՂԼԵԱՆ

Հպարտութիւնը ունիմ արդէն իսկ մէկ տարի միտքերս մրոտելու դարաւոր ա՛յն թերթին մէջ, ուր ստեղծագործած են Օտեաններ, Զօհրապներ, Զապէլ Եսայեաններ, Ռուբէն Զարդարեաններ եւ բազմաթի՛ւ ուրիշներ, որոնց անունը հպարտութեամբ ցայսօր կը յիշենք՝ որպէս հայ գրականութեան տիտաններ:

Գալիֆորնիոյ պետական համալսարանի հրատարակչատան հայկական մատենաշարի 16-րդ հատորը:
Վարդան Մատթէոսեան եւ Արծուի Բախչինեան կը ներկայացնեն «շամախեցի պարուհիին»՝ Արմէն Օհանեանի ոդիսականը:

Լեռնային Ղարաբաղի Արտաքին գործոց նախարար Դաւիթ Պապայեան վերջին օրերուն ընկերային ցանցերու վրայ հանդէս եկաւ ահազանգային բնոյթով գրառումով մը։ Այսպէս, ան տեղեկացուց, որ Արցախը կանգնած է գոյաբանական սպառնալիքներու առջեւ։

Թուրքիոյ ոչ-իսլամ փոքրամասնութիւններու համայնքային վաքըֆներու ընտրութեան համար հրապարակուած նոր կանոնադրութեան լոյսին տակ, անցեալ շաբաթավերջին մեր համայնքին տեսակէտէ կարեւոր իրադարձութիւն մը տեղի ունեցած է։ Այսպէս, թրքահայ քանի մը վաքըֆներու ներկայացուցիչներ առիթն ունեցած են մէկտեղուելու եւ խորհրդակցելու Վաքըֆներու ընդհանուր տնօրէնութենէն ներկայացուցիչներու հետ, որոնք եկած էին մայրաքաղաքէն։

Գնալը կղզիի Ս. Գրիգոր Լուսաւորիչ եկեղեցւոյ մէջ երէկ Վարդավառի տօնակատարութիւններուն հանդիսապետեց Տ. Յարութիւն Վրդ. Տամատեան, որ մատոյց Ս. Պատարագը եւ խօսեցաւ քարոզ մը։ Պայծառակերպութեան տօնին առթիւ բացառիկ ոգեւորութեան մթնոլորտ մը ստեղծուեցաւ եկեղեցւոյ շրջափակէն ներս։

Պատրիարքական Աթոռի երիտասարդ միաբաններէն Տ. Մաղաքիա Աբեղայ Պեսքիսիզեան, որ արտասահմանի մէջ կը կատարելագործէ բարձրագոյն ուսումը, երէկ, Վարդավառի առթիւ պատարագեց Պելժիոյ Լիէժ քաղաքին մէջ, ուր տեղւոյն ծուխը յանձնուած է անոր հոգեւոր խնամքին։

Ամենապատիւ Սրբազան Պատրիարք Հայրը ձեռնադրութիւն կատարեց Սամաթիոյ Ս. Գէորգ եկեղեցւոյ մէջ:
Տ. Գասպար Աբեղայի եւ Տ. Մելքոն Քահանայի ապաշխարութեան շրջանը սկսաւ՝ հաւատացեալներու ջերմ վերաբերմունքով: