Արխիւ

Համահայկական խաղերու համաշխարհային կոմիտէի նախագահ Իշխան Զաքարեանին երէկ յուշանուէր մը յանձնուեցաւ՝ Էսաեան սանուց միութեան «Մարալ» երգի-պարի համոյթին կողմէ։ Յուշանուէրը յանձնեց համոյթի անդամներէն Սարգիս Մենշուր, որ կը բնակի Երեւանի մէջ։

Ուրախութեամբ կը տեղեկանանք, որ Վարդան-Ճուլիա Յովհաննէսեան ամոլը բախտաւորուած է դուստրով մը, որ կոչուած է՝
ԺՊՏՈՒՆ
Մայրը եւ նորածինը քաջառողջ են։ Ան իր ծնողներուն առաջնեկն է։

ՎԱՐԱՆԴ ՔՈՐԹՄՈՍԵԱՆ

Միշտ կողմնակից եղած եմ համահայկականութեան, այլ խօսքով՝ միասնականութեան: Միշտ ջատագովը եղած եմ եւ եմ տակաւին, որ պահելով հանդերձ մեր իւրայատկութիւնները, անձնական, ընկերային, հասարակական, կուսակցական, եկեղեցական, մշակութային եւ այլ իւրայատկութիւնները, միասնականութիւն կարենանք դրսեւորել առաջնային հարցերուն մէջ, ինչպիսին են Ազգը, Հայրենիքը, Եկեղեցին, Լեզուն, Մշակոյթը:

ՀՐԱՅՐ ՏԱՂԼԵԱՆ

Աշխարհի վրայ չկայ աւելի ապերախտ իրողութիւն՝ քան պատմութիւնը, որուն քմահաճոյքին տրուած է յիշել մէկը կամ մոռնալ՝ ինչ արժանիքի տէր ալ ըլլան անոնք: Մեր յօդուածներուն մէջ յաճախ յիշած ենք անուններ, որոնք եղած են մեծութիւններ, սակայն պատմութիւնը ապերախտ գտնուած է յիշելու անոնց անունը:

«The Washington Post» հեղինակաւոր ամերիկեան թերթը վերջին օրերուն հրապարակած խմբագրականներէն մէկուն մէջ «աւազակապետութիւն» որակեց Ատրպէյճանի նախագահ Իլհամ Ալիեւի վարչակազմը։

Հանրապետութեան նախագահ Ռեճեփ Թայյիպ Էրտողան երէկ «Պետական բարձր ծառայութեան» մետայլով պարգեւատրեց արտաքին գործոց նախարար Հաքան Ֆիտանը։ Ազգային անվտանգութեան խորհուրդի երէկուան ժողովէն առաջ Էրտողան այս պարգեւատրումը կատարեց՝ Հաքան Ֆիտանի կողմէ ՄԻԹ-է ներս ծաւալուած գործունէութեան համար։

Երեւանի վերջին Ազգային երիտասարդական համաժողովը յաջողութեամբ պսակուած:
Զարեհ Սինանեան նախաձեռնութիւնը արդարացած կը նկատէ՝ Հայաստան-սփիւռք կապերու տեսակէտէ:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան վաղը պիտի մեկնի Հաթայ։ Ամեն. Ս. Պատրիարք Հայրը շաբաթավերջին Վաքըֆլըգիւղի Ս. Աստուածածին եկեղեցւոյ մէջ պիտի նախագահէ Ս. Աստուածածնի Վերափոխման տաղաւարի արարողութիւններուն եւ պիտի ուղղէ իր պատգամը։

Գնալը կղզիի Ս. Գրիգոր Լուսաւորիչ եկեղեցւոյ մէջ այս տարի ալ խանդավառ մթնոլորտ ստեղծուած է Ս. Աստուածածնի տաղաւարին ընդառաջ։ Ամրան շրջանին կը համընկնի այս կարեւոր տաղաւարը, որու իմաստը եւ առթած հոգեւոր ուրախութիւնը կը բազմապատկուին աւանդական խաղողօրհնէքով։