Արխիւ

15 յուլիսի Ժողովրդավարութեան եւ ազգային միասնականութեան օրուան առթիւ երէկ յիշատակութիւններ տեղի ունեցան բովանդակ Թուրքիոյ մէջ։ Ձախող պետական հարուածի 6-րդ տարելիցին ոգեկոչուեցան նահատակները։ Հանրապետութեան նախագահ Ռեճեփ Թայյիպ Էրտողան Իսթանպուլի մէջ մասնակցեցաւ մեծ հանրահաւաքի մը, որ կազմակերպուած էր Սարաչհանէի հրապարակին վրայ։

Հայաստանի Արտաքին գործոց նախարար Արարատ Միրզոյեան այսօր Թիֆլիզի մէջ հանդիպում մը կ՚ունենայ Ատրպէյճանի Արտաքին գործոց նախարար Ճէյհուն Պայրամովի հետ։ 44-օրեայ պատերազմին յաջորդած իրավիճակին մէջ Երեւանի եւ Պաքուի միջեւ համապարփակ խաղաղութեան պայմանագրի մը մշակումը օրակարգը առաջնահերթօրէն կը զբաղեցնէ, Հայաստան-Ատրպէյճան սահմանազատումով ու սահմանագծումով, նաեւ Հարաւային Կովկասի հաղորդակցութիւններու ապաշրջափակումով հանդերձ։

ԳԷՈՐԳ ՊԵՏԻԿԵԱՆ

Ամէն երեկոյ, պարտաճանաչ աշակերտի մը նման, պարոն Հայկ մասնաւոր ժամ կը յատկացնէր իր անձին ու իր սենեակէն ներս առանձնանալով, սեղանին դիմաց գտնուող աթոռին վրայ կը հանգչէր, ապա քանի մը վայրկեան ետք կը սկսէր տետրակի մը մէջ արձանգրել օրուան իր մտածումներն ու տպաւորիչ յուշերը:

Հայաստանի փոխ-վարչապետ Մհեր Գրիգորեան երէկ տեսակցեցաւ Հարաւային Կովկասի գծով Եւրոմիութեան յատուկ ներկայացուցիչ Թոյվօ Քլաարի հետ, որ շփումներ ունեցաւ Երեւանի մէջ։ Հանդիպման ներկայ էր նաեւ Եւրոմիութեան Երեւանի առաքելութեան ղեկավարը՝ դեսպան Անտրէա Վիքթորին։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Հանրապետութեան նախագահ Ռեճեփ Թայյիպ Էրտողանին շնորհաւորական մը ուղղարկեց՝ 15 յուլիսի Ժողովրդավարութեան եւ ազգային միասնականութեան օրուան առթիւ։ Գումգաբուի աղբիւրներու հաղորդումներով, Ամեն. Ս. Պատրիարք Հայրը այս առթիւ նշած է, որ գիտակից կեցուածք որդեգրած հայրենակիցներ վեց տարի առաջ այսօր պաշտպանած են պետութեան գոյատեւումը եւ Ազգային մեծ ժողովի գերիշխանութիւնը, ինչ որ ժողովրդավարութեան առհաւատչեան է։

Հայաստանի Հանրապետութեան նախագահ Վահագն Խաչատուրեանի հրամանագրով երէկ երկրի զինեալ ուժերու Ընդհանուր սպայակոյտի նախագահ նշանակուեցաւ զօրավար Էտուարտ Ասրեան։ Նշանակումը կատարուած է վարչապետ Նիկոլ Փաշինեանի առաջարկի հիման վրայ, հինգ տարուան ժամկէտով։

Ամենապատիւ Սրբազան Պատրիարք Հայրը օրհնութիւնը տուաւ Աթոռի երիտասարդ միաբանին, որ արտասահմանի մէջ կը կատարելագործէ իր բարձրագոյն ուսումը:
Տ. Մաղաքիա Աբեղայ Պեսքիսիզեան հեղինակաւոր գիտնականներու հետ ծաւալուն աշխատանք կը տանի Լիւվէնի համալսարանէն ներս՝ Վատիկանի կողմէ տրամադրուած կրթաթոշակով:

Հայաստան-Ատրպէյճան սահմանէն միշտ կը հասնին լարուածութեան լուրեր։ Հայաստանի Պաշտպանութեան նախարարութիւնը վերջին օրերուն վերստին տեղեկացուց, որ Ատրպէյճանի զօրքերը կրակ բացած են սահմանի արեւմտեան հատուածէն ներս տեղակայուած մարտական դիրքերուն վրայ։

Ամերիկայի Միացեալ Նահանգներու նախագահ Ճօ Պայտըն ուղեւորութեան մը ձեռնարկած է դէպի Մերձաւոր Արեւելք, որու առաջին փուլը կը հանդիսանայ Իսրայէլը։ Ան վերջին անգամ վեց տարի առաջ ԱՄՆ-ի փոխ-նախագահի հանգամանքով այցելած էր այդ երկիրը։ Թել Աւիւի «Պեն Կուրիոն» օդակայանին մէջ ան դիմաւորուեցաւ Իսրայէլի նախագահ Եիցաք Հերցոքի եւ վարչապետ Եաիր Լափիտի կողմէ։