Արխիւ

Հանրապետութեան նախագահ Ռեճեփ Թայյիպ Էրտողան երէկ Անգարայի մէջ հիւրընկալեց Լեհաստանի նախագահ Անտրէյ Տուտան։ Չանքայայի ապարանքին մէջ տեղի ունեցաւ երկու ղեկավարներուն հանդիպումը, որ տեւեց շուրջ 2 ժամ 15 վայրկեան։

Երէկ, «Restart» նախաձեռնութեան կազմակերպութեամբ, «Բերա փալաս» պանդոկին մէջ տեղի ունեցաւ Հարաւային Կովկասի ներկայ իրավիճակին վերաբերեալ քննարկում մը, որու ատենախօսներու շարքին էր Ամերիկայի Միացեալ Նահանգներէն միջազգայնագէտ ու քաղաքագէտ Արման Գրիգորեան, որ Անթալիայի Դիւանագիտական ֆորումին մասնակցելէ վերջ եկած էր քաղաքս։

Մեծի Տանն Կիլիկիոյ Տ.Տ. Արամ Ա. Կաթողիկոսը Անթիլիասի մէջ հիւրընկալեց յայտնի մեներգչուհի Սիպիլը, որ վերջին օրերու Պէյրութի համերգով լիբանանահայութեան մեծ համակրանքին առարկայ դարձաւ։ Ջերմ զրոյցի ընթացքին Կիլիկեան Աթոռի գահակալը արտայայտեց հայրական գնահատանքը Սիպիլի արուեստին նկատմամբ։

ԱՐԱ ԳՕՉՈՒՆԵԱՆ

Անթալիայի Դիւանագիտական ֆորումին մթնոլորտը ամբողջութեամբ կը ցոլացնէր Թուրքիոյ արտաքին քաղաքականութեան այժմու յաւակնութիւնները՝ մասնաւորապէս վերջին տասնամեակներու ձեռքբերումներու լոյսին տակ։ Այդ յաւակնութիւնները կարեւոր նշանակութիւն ունին՝ խորաթափանց պատկերացնելու տեսակէտէ Թուրքիա-Հայաստան յարաբերութիւններու բնականոնացման այժմու գործընթացը, որ նոր փորձ մըն է վերջին 30 տարիներու ժամանակաշրջանին։

ՎԱՐԱՆԴ ՔՈՐԹՄՈՍԵԱՆ

Մեծ պահոց 17-րդ օրն է:
Այս օրուան խորհրդածութեան համար ընտրած եմ Ղպտի եկեղեցւոյ նախկին Հայրապետին՝ Շնուտա Գ.-ին մէկ նախադասութիւնը, ուր կ՚ըսէ. «Պահեցողութիւնը մարմինին անօթութիւն չէ, այլ՝ հոգիին յագեցում»:

ԱՐԵՒԻԿ ՊԱՊԱՅԵԱՆ

Ակամայ կը թուի, թէ օղակը արցախահայոց շուրջ օր ըստ օրէ կը սեղմուի: Սոյն թուականի մարտի ութէն սկսեալ Արցախի մէջ, անյայտ պատճառներով, վնասուեցաւ կազատար խողովակը, որ կ՚անցնի Ատրպէյճանի վերահսկողութեան տակ մնացած տարածքով:

ՀՐԱՅՐ ՏԱՂԼԵԱՆ

«Հայկական անցեալէն պատմութեան մէջ այսօր»ին մէջ յաճախ էջի սահմաններու մէջ կը ներկայացնենք կեանք մը, որուն մասին կարելի է գրել հատորներ. կեանքեր՝ որոնք երեւցածէն տարբեր անցած են դժուարութեան, չքաւորութեան ու պայքարի մէջ:

Թուրքիոյ եւ Հայաստանի մինչեւ 17 տարեկաններու ֆութպոլի կանանց հաւաքականները երէկ հանդիպում մը ունեցան՝ ՈՒԷՖԱ-ի Եւրոպայի կանանց առաջնութեան որակաւորման փուլի շրջանակին մէջ։

Հայաստանի վարչապետ Նիկոլ Փաշինեան երէկ ընդունեց Հարաւային Կովկասի հարցերով Եւրոմիութեան յատուկ ներկայացուցիչ Թոյվօ Քլաարը, որ շփումներ ունեցաւ Երեւանի մէջ։