Արխիւ

Գատըգիւղի Արամեան-Ունճեան վարժարանին մէջ տեղի ունեցաւ՝ հայկական ժողովրդական երաժշտութեան առանցքային անուններէն Սայաթ Նովային ձօնուած փառատօն մը, որ կազմակերպուած էր երաժշտութեան ուսուցչուհի Գարին Քիւչիւքօղլուի հսկողութեան ներքեւ։

ՀՐԱՅՐ ՏԱՂ­ԼԵԱՆ

Անցնող շաբթուան ընթացքին համացանցի ճամբով նամակ ստացայ երեք տարբեր պոլսահայ ընթերցողներէ, որոնք տուին այն ուրախութիւնն ու լաւատեսութիւնը, որ տակաւին այս պայմաններու մէջ նոյնիսկ, թէեւ թիւով քիչ, կը գտնուին անձեր, որոնք կը շարունակեն կարդալ հայկական մամուլը, որոնց համար կ՚աշխատինք ու կը գործենք:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ քաղաքավարական այցելութիւն մը տուաւ Մարտինի կուսակալ Մահմուտ Տեմիրթաշին։ Ինչպէս ծանօթ է, Ամեն. Ս.  Պատրիարք Հայրը շաբաթավերջին դէպի Տիարպաքըր ուխտագնացութիւնը գլխաւորելէ վերջ անցաւ Մարտին, ուր նախ նախագահեց Տերիքի Ս. Գէորգ եկեղեցւոյ արարողութիւններուն, իսկ աւելի վերջ անցաւ Տէյրիւլզաֆարան ասորւոց պատմական վանքը, ուրկէ վաղը պիտի վերադառնայ իր Աթոռը։

Ատրպէյճանի Արտաքին գործոց նախարար Ճէյհուն Պայրամով յայտնեց, որ Պաքու Երեւանին առաջարկած է սահմանազատման յանձնաժողովը ստեղծել վարչապետի մակարդակով։ Պրիւքսելի մէջ Հայաստանի վարչապետ Նիկոլ Փաշինեանի, Եւրոմիութեան խորհուրդի նախագահ Շարլ Միշելի եւ Ատրպէյճանի նախագահ Իլհամ Ալիեւի վերջին հանդիպման ընթացքին որոշուած էր սահմանազատման հարցերով եւ սահմանային անվտանգութեան համար յանձնաժողով մը ստեղծել։

Մերի Թաքսի Տեւէճեան եւ Արաս Եոլուսեւէր համադրեցին ուշագրաւ վիճակագրական տուեալներ:
Պոլսահայ լիսէներու շրջանաւարտները վերջին 5 տարիներուն ինչ նախընտրութիւն ունեցած են համալսարան մուտքին:

Դժուար է բազմութեան մէջ, երբեմն նաեւ տհաճ։ Բարդ է ընթանալ բազմութեան մէջ՝ առանց կողմնորոշումը շուարելու։ Բազմութիւնը նման է հոսանքի մը, որուն դէմ թիավարելը կը թուի ըլլալ անկարելի։ Բազմութիւնը մարդը կը շեղէ ուղղութենէն։

Հանրապետութեան նախագահ Էրտողանի բանբերը՝ Իպրահիմ Քալըն երէկ Անգարայի մէջ հիւրընկալեց ՄԱԿ-ի ընդհանուր քարտուղարի՝ մարդասիրական հարցերու գծով տեղակալ Մարթին Կրիֆիթսը։ Պեշթեփէի համալիրէն ներս տեղի ունեցաւ զրոյցը, որու ընթացքին օրակարգի վրայ եկան Ռուսաստան-Ուքրայնա պատերազմով պայմանաւորուած զանազան խնդիրներ։

Պատրիարքական Աթոռի հովանաւորութեան ներքեւ, շաբաթավերջին դէպի Տիարպաքըր կազմակերպուած ուխտագնացութեան արձագանգները կը շարունակուին։ Սա իսկապէս դէպքի մը վերածուած է թրքահայ ազգային-եկեղեցական կեանքէն ներս, ուր գաւառի մեր ժառանգութեան վերաբերեալ զգայնութիւնները միշտ կը մնան արծարծուած։

ՏԻԳՐԱՆ ԳԱԲՈՅԵԱՆ

Աթոմական ռումբերը համեմատաբար նոր երեւոյթ կրնանք համարել միջազգային քաղաքականութեան ու ընդհանուր պետութիւններու ռազմական կառուցուածքներուն մէջ: Անոնք Համաշխարհային երկրորդ պատերազմէն վերջ տարբեր երկիրներու զինանոցներուն մէջ դեր խաղացին՝ անոնց ունեցած ուժի, առաւելութիւններու եւ արտաքին քաղաքականութեանց գծագրման մէջ։