Արխիւ

Հայաստանի «Իմ քայլը» բարեգործական հիմնադրամի գործադիր տնօրէն Մխիթար Հայրապետեան վերջերս աշխատանքային այցելութիւն մը տուաւ Քաթար։ Յիշեալ հիմնադրամի աղբիւրները երէկ Երեւանէն տեղեկացուցին, որ ան հանդիպում մը ունեցած է Քաթարի արքունիքէն շէյխուհի Հինտ Պինթ Համատ Ալ-Թանիի հետ, որ Քաթարի ներկայ էմիրի հարազատ քոյրն է եւ գործադիր տնօրէնուհին՝ Քաթարի հիմնադրամին։

Փաշինեանի հետ երէկուան հեռախօսազրոյցէն վերջ, Փութին այսօր Մոսկուայի մէջ կը հիւրընկալէ Ալիեւը:
Ռուսաստանի եւ Ատրպէյճանի միջեւ կը ստորագրուի դաշնակցային համագործակցութեան մասին հռչակագիր մը:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Գարթալի Ս. Նշան եկեղեցւոյ թաղային խորհուրդի ատենապետ Արթին Չանքարն ու անդամներէն Արէտ Չաքըճըն։ Ներկայ էր նաեւ Պատրիարքական փոխանորդ Տ. Գրիգոր Աւ. Քհնյ. Տամատեան, որ միեւնոյն ժամանակ այս եկեղեցւոյ հոգեւոր հովիւն է։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Ֆէրիգիւղի ընտանիքէն ներկայացուցիչներ։ Ներկայ էր նաեւ հոգեւոր հովիւ Տ. Շիրվան Քհնյ. Միւրզեան։ Ս. Վարդանանց եկեղեցւոյ թաղային խորհուրդէն եւ համանուն դպրոց դաս-երգչախումբի տնօրէն խորհուրդէն պատասխանատուներ Գումգաբու փութացած էին Ամեն. Ս. Պատրիարք Հայրը հրաւիրելու համար այս շաբաթավերջի աւանդական տօնակատարութիւններուն։

ԳՐԻԳՈՐ ԱՒ. ՔՀՆՅ. ՏԱՄԱՏԵԱՆ

Հայ ժողովուրդի պատմութիւնը ունի ոսկեայ էջեր, որոնք յիրաւի արժէք կը ներկայարցնեն բոլոր հաւատաւոր անհատներու։ Քրիստոնեայ ժողովուրդի մը համար թանկագին արժէքներ են այն բոլոր յիշատակները, որոնք մեր ժողովուրդի կեանքին աղ ու համ բերած են, եթէ նոյնիսկ այդ համը իր հետը բերած ըլլայ դառնութիւններ։

ՏԻԳՐԱՆ ԳԱԲՈՅԵԱՆ

Մեր նոր ժամանակները բնականաբար տարբեր ու բազմազան նկարագրումներու կ՚արժանանան, շատ մը մեկնարկներէ կամ պրիսմակներէ ելած. ինչպէս՝ աշխարհագրական, կրօնական, ազգային, ընկերային եւ այլն: Սակայն իրողութիւն մը ցայտուն է, որ ներկայ աշխարհին մէջ առաւելաբար միջին եւ մանաւանդ հարուստ անձերն ու դասակարգերը նմանատիպ կեանքի ոճով, ճաշակով, նախասիրութիւններով կամ նոյնիսկ հոգերով կ՚ապրին, որովհետեւ ամենաբաց ու համարկուած ժամանակներն են հիմա

ՀՐԱՅՐ ՏԱՂԼԵԱՆ

Կասկածէ վեր է, որ հայերէն լեզուն հարուստ եւ իր այդ հարստութեան համար տեղ մը դժուար է: Շատ անգամ կրնան գոյութիւն ունենալ երկու բառեր, որոնք կը թուին նոյնը ըլլալ, սակայն իրողութեան մէջ իրարմէ ամբողջութեամբ տարբեր են:

ՀՐԱՅՐ ՏԱՂԼԵԱՆ

Մեր թուականէն 107 տարիներ առաջ՝ 15 յունիս 1915-ին Պոլսոյ Պայազիտ հրապարակին վրայ մահուան դատապարտուած Փարամազ կախաղանին վրայէն, նախքան իր վերջին շունչը փչելը կը յայտարարէր. «Դուք միայն մեր մարմինները կրնա՛ք կախել, իսկ մեր գաղափարը՝ ո՛չ»:

Ուքրայնայի տագնապը հետզհետէ կը սաստկանայ ու դաշտի վրայէն հասած լուրերը հետզհետէ աւելի մտահոգիչ կը դառնան։ Միջազգային աղբիւրները կը տեղեկացնեն, որ շաբաթավերջին հազարաւորներ տարհանուած են Տոնպասի շրջանէն, ուր պատահած են պայթումներ՝ Ուքրայնայի զինուորներու եւ Ռուսաստանի հովանաւորած անջատողականներու շփման գծին վրայ։