Արխիւ

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Միակնութեան (monogamie) եւ բազմակնութեան (polygamie) հարցը շատ հետաքրքրական է ամուսնութեան իրողութեան մէջ։ Նկատի ունենալով ամուսնութեան գլխաւոր նպատակը՝ որ է աճեցնել մարդկային սերունդը, այլ եւ ամուսնութեան բնական կողմը՝ արական եւ իգական սեռի փոխադարձ ձգտումը դէպի իրարու, պէտք էր կարծուէր, թէ ամուսնութեան իրողութեան մէջ «բազմակնութիւն»ը աւելի տեղի պիտի ունենար, քան թէ «միակնութիւն»ը. այսինքն՝ աւելի յարմար եւ ձեռնատու պիտի համարուէր այդ երկու նպատակի համար, որ մարդ մը ունենար միեւնոյն ժամանակ մի քանի կին եւ մէկ կին ունենար միեւնոյն ժամանակ մի քանի այր-մարդ։

Թուրքիա-Պելժիա յարաբերութիւնները յառաջ կը տարուին համագործակցութեան նոր հորիզոններով:
Առաջին տիկին Էմինէ Էրտողան Տոլմապահչէի պալատի համալիրէն ներս ջերմօրէն հիւրընկալեց Մաթիլտ թագուհին:

ԱՆՈՒՇ ԹՐՈՒԱՆՑ

Այս տարի կը լրանայ հայ երգուարուեստի նուիրեալներէն մէկուն՝ սփիւռքահայ երաժիշտ, խմբավար, երգահան, Փարիզի «Սիփան-Կոմիտաս» երգչախումբի երկարամեայ խմբավար Կարպիս Ափրիկեանի ծննդեան 100-ամեակը։ 

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Հնարամտութիւնը ձիրք մը, բարեմասնութիւն մըն է՝ որուն տառացի նշանակութիւնն է. իմաստութեամբ գործել, ուշիմութիւն եւ սրամտութիւն։ Արդարեւ, այս բարեմասնութիւնը, առհասարակ կ՚ենթադրէ «ճարպիկ ըլլալ», այսինքն շիտակ եւ արագ կերպով հարց մը լուծելու կարողութիւն ունենալ։ 

Երէկ, Գումգաբուի Դրսի Ս. Յարութիւն եկեղեցւոյ մէջ մատուցուեցաւ հանդիսաւոր Ս. Պատարագ՝ ձեռամբ Թուրքիոյ Հայոց Պատրիարք Ամեն. Տ. Սահակ Ս. արք. Մաշալեանի: Ինչպէս ծանօթ է, շաբաթավերջին վերաօծուած ու պաշտամունքի վերաբացուած էր այս եկեղեցին, ուր երէկուան կիրակնօրեայ արարողութիւնները տեղի ունեցան հանդիսաւոր մթնոլորտի մէջ: 

Երէկ, Տ.Տ. Գարեգին Բ. Ամենայն Հայոց Կաթողիկոսը այցելութիւն մը տուաւ՝ ազգային բարերար Սամուէլ Կարապետեանին, որ ապօրինաբար տնային կալանքի տակ կը գտնուի: Վեհափառ Հայրապետը մեծանուն հայորդիին փոխանցեց Սուրբ Էջմիածնի օրհնութիւնը եւ բարեմաղթանքներ յղեց, որպէսզի տոկունութեամբ ու հաւատքով դիմագրաւէ առկայ դժուարութիւններն ու փորձութիւնները: 

Լուսաւորիչ երգչախումբի մանկապատանեկան կազմը շաբաթավերջին հանդէս եկաւ փայլուն համերգով մը՝ «Խաղաղութեան ձայներ»ը անուանումին ներքեւ: Շիշլիի քաղաքապետութեան «Քենթ» մշակոյթի կեդրոնի երդիքին տակ տեղի ունեցաւ ձեռնարկը՝ որու պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. արք. Մաշալեան: 

Պաքըրգիւղի Տատեան վարժարանին մէջ վերջին օրերուն տեղի ունեցան երկու հանդէսներ՝ Մայրերու օրուան առթիւ, որ կը նշուի այս շաբաթավերջին։ Դպրոցէն ներս մանկապարտէզի փոքրիկները առանձին հանդէս մը իրականացուցին, իսկ միջնակարգի աշակերտները՝ տարբեր ձեռնարկ մը։ 

Հայաստանեայց Առաքելական Եկեղեցւոյ Հիւսիսային Ամերիկայի Արեւմտեան թեմէն ներս վերջերս գումարուեցաւ պատգամաւորական ժողով։ Ֆրեզնոյի Ս. Պօղոս Հայաստանեայց Առաքելական Եկեղեցւոյ համալիրէն ներս գումարուեցաւ հերթական պատգամաւորական ժողովը, որ 99-րդն էր։