Արխիւ

ՀՐԱՅՐ ՏԱՂԼԵԱՆ

Ժամանակ մը պատմութեան կարեւորագոյն էջերը գրաւած, սակայն, այսօր ոչնչացած բոլոր պետութիւնները միշտ չէ, որ եղած են արտաքին թշնամիներու կամ քաղաքական պարտութեան զոհը։

Գարակէօզեան տան ընտանիքը կ՚ողջունէ ԺԱՄԱՆԱԿ-ի հրատարակութեան տնօրէնուհի Նատիա Գօչունեանի ծննդեան 75-ամեակի եւ լրագրական գործունէութեան 45-ամեակի կրկնակ յոբելեանները։ Նախընթաց օր, հաճոյքն ունեցանք խմբագրատանս մէջ հիւրընկալելու՝ Գարակէօզեան տան տնօրէնուհի Նարօտ Վերոնիք Քուրուղօղլուն եւ ուսուցչական կազմէն Թաթիա Մարաշլեանն ու Մարի Արզումանը։

Հայաստանի Հանրապետութեան հիմնադրութեան 35-ամեակին առթիւ Իսթանպուլի մէջ կազմակերպուեցաւ յոբելենական պաշտօնական ընդունելութիւն մը:
Հաւաքոյթը խորհրդանշական նոր հարթութեան մը վրայ դրաւ Անգարա-Երեւան յարաբերութիւններու բնականոնացման գործընթացը: Նաիրի Պետրոսեանի տանտիրութեամբ կազմակերպուած երեկոյթի ներկաներու շարքին էին արտաքին գործոց փոխ-նախարար Պերրիս Էքինճի եւ ՍԾՏՀԿ-ի ընդհանուր քարտուղար Լազար Քոմանեսքու:
Երկու երկիրներու քայլերգները հնչեցին՝ ազդարարելով բարիդրացիական համագործակցութեան նոր հորիզոնները, որոնք նոր տեսլական մը կը բերեն տարածաշրջանի ապագային, ուր խաղաղութիւնը կը դառնայ հաստատութենական:
Ամենապատիւ Սրբազան Պատրիարք Հօր եւ համայնքային շրջանակներուն առընթեր, մասնակիցներու կարգին էր նաեւ Տ.Տ. Պարթոլոմէոս Ա. Ուղղափառաց Տիեզերական Պատրիարքը:

ԳԷՈՐԳ ՊԵՏԻԿԵԱՆ

Հոկտեմբեր ամիս է ու թարգմանիչներու տօն: Թարգմանչաց տօն է. կը յիշեցնէ մեզի մեր պատի օրացոյցը։
Ի՞նչ անուն կրնամ տալ այս անկեղծութեան: Չեմ գիտեր: Շուրջս եւ մթնոլորտս յանկարծ կը լեցուին հին ու նոր գաղափարներով, յուշերով, դէմքերով եւ դէպքերով:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

«Ծերութիւնը՝ սարսափելի դժուարութիւններու սառոյցի մէջ՝ սառած, ցուրտ կրակ մըն է», կ՚սըէ Կէօթէ իր գլուխ գործոց «Ֆաուստ»ի մէջ։ Ուստի, ծերերը հասկնալու, ծերութեան մասին գաղափար մը կազմելու համար պէտք է ծերանալ, ծերութիւնը ապրիլ։

Երէկ, Թուրքիոյ Հայոց Պատրիարք Ամեն. Տ. Սահակ Ս. արք. Մաշալեան ընդունեց Պալաթի Ս. Հրեշտակապետ եկեղեցւոյ թաղային խորհուրդի ատենապետուհի Մարի Գավաֆեանն ու գործակից ընկերները։ Ներկայ էր նաեւ հոգեւոր հովիւ Տ. Ներսէս քհնյ. Այվազեան։

ՅԱԿՈԲ ՏԻՒՆԵԱՅԵԱՆ

14 հոկտեմբերը կը յուշէ ծննդեան տարեդարձը լիբանանահայ գրող ու գրականագէտ, անուանի պատմաբան եւ սերունդներու բազմավաստակ ուսուցիչ, բանաստեղծ, խմբագիր եւ ներհուն գրաքննադատ, բազմաթիւ մեծարժէք երկերու հեղինակ Լեւոն Վարդանի (Լեւոն Պետիրեան՝ աւազանի անունով, Հալէպ, 14 հոկտեմբեր 1925 - Պէյրութ, 9 դեկտեմբեր 1997):

ՍԵՒԱՆ ՍԵՄԷՐՃԵԱՆ

Թարգմանչաց է:
Հոկտեմբերի սկիզբէն կը սկսին մեր վարժարաններուն մէջ «Թարգմանչաց»ի տօնակատարութիւնները. թէեւ հայրենի ընկերային ցանցերու դպրոցական թէ՛ ծնողաց էջերուն մէջ ահագին մեկնաբանութիւններ կրնանք կարդալ ժամանակի՜ն Այբբենարանի առաջին էջին վրայ գտնուող Մաշտոցի մեծ նկարին բացակայութեան մասին… բայց եկուր-տես, որ հի՛ն, շա՜տ հին է պատկերը դեռ սփիւռքի մէջ:

ՀՐԱՅՐ ՏԱՂԼԵԱՆ

Նախապէս մեր յօդուածներուն մէջ գրած էինք այն մասին, որ հայ մտաւորականներէն շատ շատեր դրական մօտեցում չունէին եկեղեցւոյ հանդէպ։ Անշուշտ, շատեր ժողովուրդի մօտեցումն ու եկեղեցւոյ հանդէպ ունեցած կապուածութիւնը նկատի ունենալով՝ եղած են աւելի մեղմ եւ իրենց «ատելութիւն»ը այնքան ալ չեն բարձրաձայնած, իսկ կան ուրիշներ, ինչպէս՝ Շահան Նաթալի, Շահան Շահնուր, երբեք չեն քաշուած իրենց կարծիքը բարձրաձայնելէ։