Արխիւ
ՊԻԱՆՔԱ ՍԱՐԸԱՍԼԱՆ
Որքան որ ալ քլիշէ թուի, երջանիկ ըլլալու միջոցներէն գլխաւորը՝ պահը ապրիլն է։ Չէ՞ք յոգնած անվերջ թուացող տխուր լուրերու տարափէն։ Չէ՞ք յոգնած միշտ անհանգիստ ու փուշի վրայ ըլլալէն։
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Աստուած սիրայօժար տուողը կը սիրէ։ Մարդ, եթէ սիրայօժար չտայ, Աստուած Իր բաժինը կ՚առնէ, Աստուծոյ առնելու ձեւը սակայն յաճախ ցա՛ւ կը պատճառէ մարդուս։
ՀՐԱՅՐ ՏԱՂԼԵԱՆ
Խրիմեան Հայրիկ ընտանիքի անդամներէն մէկը կը նկատէ նաեւ քահանան՝ որպէս տան երէց եւ անոր պարտաւորութիւններն ու դերը շեշտելու համար իր 16-րդ գլուխը կը կոչէ «Տան երէց եւ իւր պարտիք», ուր կը խօսի հոգեւոր հովիւին մասին, ըսելով թէ անոնց «միայն յանձնուած է ընտանեկան հոգեւոր պէտքերը հոգալ ու մատակարարել»:
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Իմաստակ, կեղծ իմաստուն եւ սոփեստ մարդիկ, իր գիտութեամբ պարծենկոտ անձեր, ընկերութեան մէջ շատ հաւանութիւն չեն գտներ։ Եթէ աշխարհ իմաստակներով լեցուն ըլլար, մարդկութիւնը ոչ մէկ գիւտ կրնար կատարել։
ՀՐԱՅՐ ՏԱՂԼԵԱՆ
Հայրիկ իր «Դրախտի ընտանիք» աշխատութեան 15-րդ գլուխին որպէս խորագիր կ՚ընտրէ «Ընտանեկան կտակ - Յիշատակ»ը. յաճախ կտակ ըսելով մենք կը հասկնանք նիւթական ժառանգութիւնը, որ կը փոխանցուի ողբացեալին յաջորդներուն, սակայն Հայրիկ այստեղ տարբեր կտակի մասին է, որ կը խօսի. Հայրիկի բացատրութեամբ կտակը հետեւեալն է. «Կտակը տիրապէս կը նշանակէ այն սուրբ աւանդ եւ յանձնարարութիւնը, զոր մարդ իւր կենդանութեանը ուրիշ կտակակատար անձի մի կ՚աւանդէ, որ յետ իւր մահուն կատարեն իւր կտակը՝ աննենգ եւ անվրէպ հաւատարմութեամբ»:
Երէկ, Հայաստանի արտաքին գործոց նախարար Արարատ Միրզոյեան հեռախօսազրոյց մը ունեցաւ Գանատայի արտաքին գործոց նախարար Մելանի Ժոլիի հետ։ Պաշտօնական աղբիւրներու հաղորդումներով, անոնք անդրադարձան տարածաշրջանային հարցերու։
Էրտողան Ասատովի հետ հանդիպման ժամանակ խօսեցաւ Երեւան-Պաքու հաշտութեան գործընթացի մասին:
Թուրքիա կ՚ողջունէ Հայաստանի եւ Ատրպէյճանի արտաքին գործոց նախարարներուն Ալմաթիի վաղուան ժամադրութիւնը:
Հայաստանի վարչապետ Նիկոլ Փաշինեան եւ Ռուսաստանի նախագահ Վլատիմիր Փութին երէկ բաւական երկար ընդհատումէ մը վերջ տեսակցեցան Մոսկուայի մէջ։ Եւրոասիոյ տնտեսական միութեան (ԵԱՏՄ) գագաթաժողովէն վերջ, Քրեմլինի պալատին մէջ ուշ ժամերուն տեղի ունեցաւ այս կարեւոր տեսակցութիւնը, որու սկիզբի փուլին երկու ղեկավարներն ալ շեշտը դրին տարածաշրջանային անվտանգութեան խնդիրներուն վրայ։
«Literatür» հրատարակչութիւնը վերջերս լոյս ընծայած է «Ermeni Basınında Lozan Barış Antlaşması» գիրքը, որու հեղինակն է Խաչատուր Ներսէսօղլու։
Պէզճեան Մայր վարժարանը վերջերս մասնակցութիւն բերաւ մտային Բ. խաղերուն, որու արդիւնքով ունեցաւ գնահատելի յաջողութիւն։ Թուրքիոյ Մտախաղերու միութեան նախաձեռնութեամբ կազմակերպուած մրցաշարքի հիւրընկալն էր «TED Atatürk» քոլէճը։
Շիշլի մարզակումբը երէկ կազմակերպեց միջվարժարանային փոքրերու մարմնամարզի խրախճանք մը, որ տեղի ունեցաւ Աթագիւղի ողիմպիական աւանին մէջ։ Իր տեսակին մէջ երկրորդ այս նախաձեռնութիւնը ձօնուած է ակումբի հոգելոյս երախտաշատ սպասաւորներէն Պերճ Մուրատ Օքանի յիշատակին։
Ֆէրիգիւղի ընտանիքը այս տարի եւս յաջողութեամբ կազմակերպեց միջմիութենական ճատրակի մրցաշարքը, որ 17-րդն էր իր նմաններու շարքին։ Ներկայ շաբթուան առաջին երեք օրերուն համայնքային զանազան վարժարաններէն խումբեր իրենց ուժերը չափեցին Ֆէրիգիւղի «Շիրինօղլու» սրահին մէջ։
Երէկ հաճոյքն ունեցանք խմբագրատանս մէջ հիւրընկալելու Ս. Վարդանանց դպրաց դաս-երգչախումբի տնօրէն խորհուրդի ատենապետ Սարօ Սիրականեանն ու անդամներէն Թանիա Գույումճու Աքարսուն։
Ս. Աստուածածին Աթոռանիստ Մայր եկեղեցւոյ թաղային խորհուրդին տեսակէտէ մեծ մարտահրաւէր մը:
«Papaz Evleri»ի հարցին շուրջ երկարաշունչ դատավարութեան համար Ամեն. Սրբազան Պատրիարք Հայրը այցելած է Իսթանպուլի Հանրապետական աւագ դատախազին: Համայնքային շրջանակները յոյս դրած են որոշման վիճարկման վրայ:
Սուրբ Փրկիչ Ազգային հիւանդանոցը 192 տարեկան. օր աւանդական շուքով տօնակատարութիւններու:
Ամենապատիւ Սրբազան Պատրիարք Հայրը այս առաւօտ նախագահեց Համբարձման փառաշուք արարողութիւններուն:
ԱՆՈՒՇ ԹՐՈՒԱՆՑ
Ամէն անգամ, երբ կը գրենք սփիւռքահայ մտաւորականի մը, արուեստագէտի մը մասին, հայրենիքի հետ իր կապի միջոցով կը փորձենք տալ նկարագիրը, ներկայացնել յատկանշական դրուագներ:
ՎԱՐԱՆԴ ՔՈՐԹՄՈՍԵԱՆ
Այսօր, 9 մայիս 2024-ին, Հայ Առաքելական Սուրբ Եկեղեցին կը նշէ Տէր Յիսուս Քրիստոսի երկինք համբարձումը:
Այս տօնին կապակցութեամբ ընդհանրապէս կը գրուի ու կը խօսուի կամ հոգեւոր ընկալումի, եւ կամ ալ ժողովրդային աւանդութիւններու ու սովորութիւններու մասին:
Անժամանցելի հետքեր. Արա Կիւլէրի որսած դրուագները կ՚անդրանցնեն ժամանակները: Արա Կիւլէրի թանգարանին կազմակերպած «Գումգաբուի ձկնորսները» ցուցահանդէսը լոյս կը սփռէ անմոռանալի վարպետի լուսանկարչական կալուած մուտքին վրայ: Առաջին անգամ ԺԱՄԱՆԱԿ-ի մէջ հրատարակուած թէ՛ վաւերագրական եւ թէ գեղարուեստական գերազանց արժէքով գործերը կը ցոլացնեն՝ նոյնիսկ ոսպնեակէն յորդածները: Ձեռնարկի երէկուան բացումը համախմբեց բազմաթիւ գեղարուեստասէրներ, հասարակական կամ մշակոյթի գործիչներ եւ համայնքային շրջանակներէն դէմքեր: Հիւրերու շարքին էին Սեւծովեան տնտեսական համագործակցութեան կազմակերպութեան մօտ Հայաստանի Հանրապետութեան մշտական ներկայացուցիչ Նաիրի Պետրոսեան եւ ներկայացուցչութեան խորհրդական Անահիտ Չալիքեան:
ՀՐԱՅՐ ՏԱՂԼԵԱՆ
Հայրիկ շատ կարեւոր կը նկատէ զաւակներու դաստիարակութիւնը եւ որպէսզի յստակ ըլլայ, թէ դաստիարակել ըսելով ի՞նչ նկատի ունի, իր զաւակներուն կ՚ուղղէ հետեւեալ խօսքը. «այնպէս օրհնեցէք, որ նոքա երկնից իմաստութիւնը ճանչնան ու բարձր համարին, աշխարհիս, շնչաւոր իմաստութեան վերայ չի պարծենան:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ քաղաքիս շարք մը քրիստոնեայ հոգեւոր առաջնորդներուն շնորհաւորական այցելութիւններ տուաւ Ս. Զատկի առթիւ։ Հարկ է նշել, որ ուղղափառ աշխարհը անցեալ շաբաթավերջին նշեց Ս. Յարութեան տօնը։