Արխիւ

ՀՐԱՅՐ ՏԱՂԼԵԱՆ

Շաբաթավերջին «Մանկական Եւրոտեսիլ 2021»ի Հայաստանի տարած յաղթանակը հպարտութեան եւ յուզումի պատճառ դարձաւ, անգամ մը եւս առիթ տալով խորհրդածելու եւ մտածելու հայու տաղանդին եւ անոր անմրցունակ մշակութային արժէքներու մասին:

Մեծի Տանն Կիլիկիոյ Տ.Տ. Արամ Ա. Կաթողիկոսը շաբաթավերջին պարգեւատրեց Աստուածաշունչի ընկերութեան Արաբական ծոցի երկիրներու մասնաճիւղի ընդհանուր քարտուղար տքթ. Հրայր Ճէպէճեանը, որ բեղուն գործունէութիւն կը ծաւալէ նաեւ՝ որպէս հրապարակագիր։

Անցեալ ապրիլին քորոնաժահրի համաճարակին զոհ գացած լուսանկարիչ Նիքօ Մանկինասի ի յիշատակ կազմակերպուած լուսանկարչական մրցոյթը կ՚ընթանայ փուլ առ փուլ։ Ֆէնէրի Յունաց Պատրիարքարանի պաշտօնական լուսանկարիչն էր Մանկինաս, որուն ի յիշատակ նախատեսուած «Մենք ու մեր աւանդութիւնները» խորագրեալ լուսանկարչական մրցոյթի մասնակցութեան համար սահմանուած վերջնաժամկէտը արդէն աւարտած է։

Գոհունակութեամբ վերահասու կ՚ըլլանք, թէ Մարսէյլի մէջ ստեղծուած է նոր մանկական երգչախումբ մը։ Սահակ-Մեսրոպ մշակոյթի կեդրոնի վարչական խորհուրդը այս առթիւ հանդէս եկաւ յայտարարութիւնով մը, որով տեղեկացուած է, որ «Էջմիածին» կը կոչուի նորաստեղծ մանկական երգչախումբը։

Ամեն. Ս. Պատրիարք Հայրը մասնակցեցաւ Էքրէմ Իմամօղլուի տանտիրութեամբ կազմակերպուած ընթրիքին:
Ֆէրիգիւղի Ս. Վարդանանց դպրաց դաս-երգչախումբի յաջող կատարումները արժանացան ջերմ ծափահարութիւններու:

ՍԱԳՕ ԱՐԵԱՆ

Բնաւ պատահական չէ, որ անցնող օրերուն Սուրիոյ դերի մը վերադարձի մասին սկսուած է խօսուիլ։ Խնդիրը այն է, որ Սուրիոյ ուժերու հեռացումէն ետք շրջանային ազդեցութեան տակ Լիբանան մտաւ փորձարկումներու ժամանակ մը, որ բոլոր առումներով ալ ինքզինք սպառեց։ Լիբանանի քաղաքական շրջանակներ, ղեկավարներ ու կուսակցութիւններ անկարող եղան երկիրը կայուն հունի մը մէջ պահել, աւելի մեծ յանցանք մըն ալ ընելով՝ հրաժարեցան Լիբանանի կառավարութեան արտաքին պարտքի տոկոսները վճարելու յանձնառութենէն։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Եշիլգիւղի Ս. Ստեփանոս եկեղեցւոյ մէջ նախագահեց տարեկան աւանդական մատաղօրհնութեան, որու զուգահեռ կազմակերպուեցաւ թաղի վարժարանի ի նպաստ հերթական նուիրահաւաքը։ Համավարակի հետեւանքով աշխարհիկ հանդիսութիւն տեղի չունեցաւ։

ԱՆՈՒՇ ԹՐՈՒԱՆՑ

Գահիրէի Ամերիկեան համալսարանի սրահներէն մէկուն մէջ բացուած է եգիպտահայ անուանի լուսանկարիչ Վան Լէոի (Լեւոն Պոյաճեան) լուսանկարներուն ցուցահանդեսը, որ նուիրուած է լուսանկարչի 100-ամեակին: Վան Լէոն, որ կոչած են լոյսի եւ ստուերի նկարիչ, կեանքէն հեռացած է 2002 թուականին, 81 տարեկանին, յուղարկաւորուած է Գահիրէի հայկական գերեզմանատունը:

ՀՐԱՅՐ ՏԱՂԼԵԱՆ

Կրօնքի եւ գիտութեան միջեւ գոյութիւն ունեցող ընդհարումը միշտ ալ գոյութիւն ունեցած է՝ անցեալէն հասնելով մինչեւ մեր օրերը եւ մեծ հաւանականութեամբ պիտի երկարի մինչե՛ւ անորոշ ապագան, որովհետեւ առաջինը աներեւելին պիտի ընդունի որպէս տէր ու արարիչ, իսկ երկրորդը պիտի փորձէ անբացատրելին բացատրել: