Արխիւ

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Մարդուս կեանքին մէջ օրինաւոր եւ շնորհալի մրցակցութիւնը մղիչ ուժ մըն է՝ որ մարդս կ՚առաջնորդէ միշտ աւելի լաւը ընելու, յաջողելու եւ հասնելու իր մտադրած նպատակին։ Մրցակցութիւնը ընդհանրապէս դժուար ընթացք մըն է, մանաւանդ երբ մրցակիցը աւելի զօրաւոր է եւ հաստատակամ։

Էսաեան սանուց միութեան «Մարալ» երգի-պարի համոյթը երէկ երեկոյեան հանդէս եկաւ ելոյթով մը՝ Ֆուլիայի գեղարուեստասրահին մէջ։ Բառին բուն իմաստով փառապանծ երեկոյթ մըն էր այս մէկը, որու մասնակիցները ունեցան անմոռանալի տպաւորութիւններ։

Հայաստանի փոխ-վարչապետ Մհեր Գրիգորեան վերջին օրերուն շփումներ կ՚ունենայ Ուաշինկթընի մէջ։ Ամերիկայի Միացեալ Նահանգներու ղեկավարութենէն բազմաթիւ դէմքերու հետ քննարկումներ կը ծաւալէ փոխ-վարչապետը։

Խոր ցաւով վերահասու եղանք, թէ Երեւանի մէջ իր մահկանացուն կնքած է յայտնի բանասէր Վարդան Դեւրիկեան։ Բօթը, որ խոր ցաւ յառաջացուցած է, կը նշանակէ հայկական գիտական աշխարհին տեսակէտէ լուրջ կորուստ մը։

Կը տեղեկանանք, որ Տ. Արամ Արք. Աթէշեան վերջին օրերուն անձնական այցելութիւն մը տուած է Հռոմ։ Պատրիարքարանի աղբիւրները հաղորդեցին, որ նախընթաց օր նորին սրբազնութիւնը Վատիկանի մէջ հանդիպում մը ունեցած է Հռոմէական Կաթոլիկ Եկեղեցւոյ Քահանայապետ Ֆրանսիսքոս Ա. Սրբազան Պապին հետ։

Կը տեղեկանանք, որ «Մեր հայեր» ընկերային զօրակցութեան խմբաւորումը այս շրջանին որոշած է նոր հարթութեան մը վրայ դնել իր գործունէութիւնը։ Վերջերս, հաճոյքն ունեցանք խմբագրատանս մէջ հիւրընկալելու «Մեր հայեր»ու ներկայացուցիչներէն Նաթալի Ճէպէճին, Յակոբ Գազանճեանը, Վարդանոյշ Պաքին եւ Վարուժան Էօզպաղը։

Պատրիարքարանը կը շարունակէ շնորհաւորութիւններ ընդունիլ Ս. Յարութեան տաղաւարին առթիւ:
Ամեն. Ս. Պատրիարք Հայրը երէկ տեսակցեցաւ տեղական ինքնակառավարման մարմիններու ներկայացուցիչներուն հետ:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Լոյսը՝ ինչ որ ամէն ինչ տեսանելի կը դարձնէ, յստակ տեսողութիւն կը պատրաստէ, ճշմարտութեան յայտնի դառնալու ամենակարեւոր եւ առաջնակարգ միջոցն է։ Լոյսը, արդարեւ, Պղատոնի յայտնի քարայրի այլաբանութեան մէջ, ուր՝ ճշմարտութիւն կարծուածները միայն ճշմարտութեան ստուերն են, կ՚ըսէ Պղատոն, ահաւասիկ լոյսն է, որ կը փարատէ այն անորոշութիւնը, եւ ճշմարտութիւնը իսկական ձեւով երեւան կու գայ։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Ժամանակը եւ միջավայրը կ՚ազդեն եւ կրնան բարեփոխել մարդկային կեանքը։ Կ՚ըսեն, որ ժամանակը շատ բաներու դարմանն է։ Չենք կրնար ըսել, թէ՝ ժամանակը ամէն բանի դարմանն է, բայց ժամանակի ընթացքին կրնայ փոխուիլ շա՜տ բան. զոր օրինակ՝ տկարը կրնայ զօրանալ, հիւանդը կրնայ բժշկուիլ, աղքատը կրնայ հարստանալ եւ երիտասարդը կրնայ հասուն տարիքի հասնիլ՝ հասուն տարիք ունեցողները տարեցներ կ՚ըլլան։