Արխիւ

Հայաստանի վարչապետ Նիկոլ Փաշինեան երէկ յայտարարեց, որ Հարաւային Կովկասի պարագային նախատեսուած «3+3» բանակցային ձեւաչափը կրնայ հետաքրքրական ըլլալ՝ եթէ պարզուի, որ այդ հարթակին վրայ պիտի չքննարկուին այնպիսի հարցեր, որոնց քննարկման շուրջ հայկական կողմը այլ ձեւաչափերու մէջ ներգրաւուած է։

Հայկական զանգուածային լրատուութեան աշխարհի երիցագոյն ներկայացուցիչներէն Պոսթոնի «Հայրենիք»ը յատուկ խմբագրականով մը արձագանգեց ԺԱՄԱՆԱԿ-ի ահազանգին։ Հայ իրականութեան այս հեղինակաւոր լրատուամիջոցին կողմէ թերթիս նկատմամբ արտայայտուած աջակցութեան համար շնորհակալութիւն կը յայտնենք անոր խմբագրութեան ու մանաւանդ իր գլխաւոր խմբագրին՝ մեր սիրելի պաշտօնակից-բարեկամ Զաւէն Թորիկեանին։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ մէկտեղուեցաւ Օրթագիւղի Թարգմանչաց վարժարանէն խումբ մը աշակերտներու հետ։ Այս առթիւ Ամեն. Ս. Պատրիարք Հայրը ջերմ վերաբերմունք ցոյց տուաւ աշակերտներուն նկատմամբ, որոնք Գումգաբու առաջնորդուած էին դպրոցի տնօրէն Արաս Տելիճէի եւ ուսուցչուհիներէն Թալին Կարիպկիւնի կողմէ:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր հիւրընկալեց Թոփգաբուի Ս. Նիկողայոս եկեղեցւոյ թաղային խորհուրդի ատենապետ Շանթ Չաքմաքճըն եւ իր գործակից ընկերները։ Ներկայ էր նաեւ Տ. Յովակիմ Աբեղայ Սերովբեան, որ միեւնոյն ժամանակ այս եկեղեցւոյ հոգեւոր հովիւն է։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Թրքահայ ուսուցչաց հիմնարկի վարչութեան ատենապետ Սարգիս Քիւլէկէչն ու փոխ-ատենապետ Լեւոն Եըլտըրըմեանը։ Այս առթիւ անոնք Ամեն. Ս. Պատրիարք Հօր նուիրեցին յայտնի լեզուաբան Յակոբ Մարթաեան-Տիլաչարի «Աթաթիւրքէն յիշատակներ» գիրքէն օրինակ մը։

Ամերիկայի Միացեալ Նահանգներու մէջ վերջին օրերուն մահացած է նախկին ծերակուտական Ռապըրթ Տոլ, ինչ որ լայն արձագանգ գտած է՝ մանաւանդ սփիւռքի շրջանակներէն ներս։ Միացեալ Նահանգներու օրէնսդիր մարմինէն ներս ան եղած էր իր պաշտօնավարած շրջանի յայտնի դէմքերէն մին։

Հայաստանի Պետական բժշկական համալսարանի վերատեսուչ Արմէն Մուրատեան երէկ Փարիզի մէջ ներկայացուց վիրաւոր զինուորներու վերականգնման ուղղութեամբ տարուած աշխատանքները։ Իր հետ էր նաեւ Հայկուհի Մինասեան, որ 44-օրեայ պատերազմի ժամանակ կը գտնուէր Ստեփանակերտի Ծննդատան մէջ՝ Ատրպէյճանի բանակին կողմէ թիրախաւորման պահուն։

Մինչ Գերմանիոյ վարչապետ Անկելա Մերքել այլեւս հրաժեշտ կու տայ քաղաքական ասպարէզին, երկրէն ներս գործի գլուխ կու գայ նոր իշխանութիւն մը։ Այսպէս, յառաջիկայ շրջանին Գերմանիոյ ղեկը պիտի ստանձնէ համախոհական կառավարութիւն մը, որ պիտի բաղկանայ սոցիալ-դեմոկրատներէն, կանաչներէն եւ ազատ ժողովրդավարականներէն։

Հայաստանի Հանրապետութեան Արտաքին գործոց նախարարութիւնը երէկ հանդէս եկաւ պաշտօնական յայտարարութիւնով մը։ Երեւան-Պաքու առանցքին վրայ յառաջացած վերջին թիւրիմացութիւններու լոյսին տակ կատարուած հրապարակում մըն է այս մէկը, որուն, ըստ էութեան, տուն տուած է Ատրպէյճանի նախագահ Իլհամ Ալիեւի շաբաթավերջի յայտնի յայտարարութիւնը, որով ան «Զանգեզուրի միջանցք»ի բացման համար յստակ ժամկէտ պահանջած էր Հայաստանէն։