Արխիւ

ԵՐԱՄ

Այս անգամ զոյգ մը շընկերներ են գրչիս տակ. ամէն մէկուն առանձին անդրադառնալ կարելի չէ, իսկապէս։ Ոչ միայն միասին են շընկերական պարտականութիւններու ժամանակ, այլ նաեւ իրենց ընկերութիւնը կը պարտին այդ պարտականութեանց։

ԳԷՈՐԳ ՊԵՏԻԿԵԱՆ

Շուտով մեր հայրենիքէն ներս տեղի պիտի ունենայ Ազգային ժողովի նոր ընտրութիւն:
Արդ, այս տողերով կ՚ուզեմ դարձեալ կամուրջ մը նետել, կամ ունեցած կամուրջիս վրայով հասնիլ եւ կապուիլ անխտիր բոլոր ընթերցողներուս, որպէսզի օրուան խորհուրդին մէջ փաթթուած, կրկին պարզեմ միտքս:

Երուսաղէմի Հայոց Պատրիարքութեան աղբիւրները տեղեկացուցին, որ Սրբոց Յակոբեանց միաբանութեան անդամներէն մին ենթարկուած է ծայրայեղական երիտասարդներու յարձակման։ Երբ ամբողջ աշխարհ Երուսաղէմի արիւնալի իրադարձութիւններուն կը հետեւի, այս լուրն ալ, անշուշտ, կարելի չէ անուշադրութեան մատնել։

Ամերիկայի Միացեալ Նահանգներու պետական քարտուղար Էնթընի Պլինքըն եւ Ռուսաստանի Արտաքին գործոց նախարար Սերկէյ Լաւրով այսօր ժամադրուած են Ռէյքաւիքի մէջ։ Երբ Ուաշինկթըն-Մոսկուա առանցքին վրայ զգալի լարուածութիւն յառաջացած է, նախարարներու մակարդակով այս տեսակցութեան կը սպասուի ուշադրութեամբ:

Խոր ցաւով վերահասու եղանք, թէ Նիւ Եորքի մէջ իր մահկանացուն կնքած է նախկին պոլսահայ արժէքաւոր եւ համակրելի կրթական մշակ Ոսկիան Շէշէթեան։ Բոլոր անոնք, որոնք մեր համայնքի մօտաւոր անցեալի տարեգրութեանց վերաբերեալ ունին տարրական տեղեկութիւն մը՝ կրնան վկայել, թէ նորոգ հանգուցեալ Ոսկիան Շէշէթեան կը մարմնաւորէր տիպար ու նուիրեալ կրթական մշակի կերպարը։

Հայաստանի տարածք ներխուժած Ատրպէյճանի զօրքերուն մէկ մասը վերադարձած է ելման դիրքերը, իսկ խումբ մը զինուորականներ կը շարունակեն մնալ այնտեղ: Հայկական բանակի ստորաբաժանումներըկը կանխեն թիկունքային ապահովման փորձերը: Սահմանի իրադրութեան գծով փոփոխութիւն չկայ:
Վաղը պիտի շարունակուին Երեւան-Պաքու բանակցութիւնները: Մոսկուա եւ ՀԱՊԿ չկամութիւն կը դրսեւորեն իրենց դաշնակցային պարտաւորութիւններուն տեսակէտէ: Ուաշինկթըն եւ Փարիզ աւելի վճռական հանդէս կու գան: 

Մեր ընթերցողներուն ուրախութեամբ կը տեղեկացնենք, թէ թերթիս վաղեմի աշխատակից Տ. Մաշտոց Քհնյ. Գալփաքճեանի դարմանումը դրական հունի մը մէջ կը շարունակուի Սուրբ Փրկիչ Ազգային հիւանդանոցի երդիքին տակ։

Մեծի Տանն Կիլիկիոյ Կաթողիկոսութեան Երիտասարդաց յանձնախումբը շաբաթավերջին առցանց հանդիպում մը կազմակերպեց՝ մասնակցութեամբ զանազան թեմերէ կամ շրջաններէ նոր սերունդի ներկայացուցիչներու։ Մեծի Տանն Կիլիկիոյ Տ.Տ. Արամ Ա. Կաթողիկոսի օրհնութեամբ տեղի ունեցաւ այս հեռավար հաւաքը, որուն մասնակցեցան նաեւ յիշեալ յանձնախումբի անդամ միաբաններ։

ԱՆՈՒՇ ԹՐՈՒԱՆՑ

Քառասուն տարի առաջ՝ 18 մայիս 1981 թուականին, Ֆրեզնոյի մէջ, Ամերիկայի Միացեալ Նահանգներ, մահացաւ աշխարհահռչակ հայ գրող Ուիլիըմ Սարոյեան: Իր կտակին համաձայն՝ աճիւնին մէկ մասը փոխադրուած է Երեւան եւ թաղուած «Կոմիտաս» պանթէոնին մէջ։