Արխիւ

Սուրբ Փրկիչ Ազգային հիւանդանոցի հոգաբարձութեան ատենապետը մեկնաբանեց Անգարայի 7-րդ Վարչական ատեանի վերջին դատավճիռը. «Ընտրութեան համար չենք կրնար կանխատեսել դատական գործընթացներու ժամկէտը, բայց մեր համայնքը պէտք է անյապաղ պատրաստուի ապագայի»:
Ըստ Պետրոս Շիրինօղլուի, մեր հաւաքական միջոցները տարիներէ ի վեր օգտագործուած են անխնայօրէն եւ այսօր մեր հաստատութիւնները՝ մասնաւորապէս թրքահայ վարժարանները դժբախտաբար հասած են սնանկութեան եզրին:

Արտաքին գործոց նախարար Մեւլիւտ Չավուշօղլու երէկ Պրիւքսելի մէջ հանդիպում մը ունեցաւ Ամերիկայի Միացեալ Նահանգներու պետական քարտուղար Էնթընի Պլինքընի հետ։ Աւելի քան 45 վայրկեան տեւեց այս տեսակցութիւնը, որու ընթացքին արծարծուեցան այն բոլոր խնդիրները, որոնք ներկայ դրութեամբ կը զբաղեցնեն թուրք-ամերիկեան յարաբերութիւններու օրակարգը։

ԱՆՈՒՇ ԹՐՈՒԱՆՑ

«Իբրեւ քաղաքացի՝ Հայաստանէն երթալը ինծի համար մահանալ է։ Կա՛մ պիտի մահանաս եւ կամ քու առաքելութիւնդ պէտք է կատարես»:
«Ես հրաշքներու չեմ հաւատար, ես կը հաւատամ, թէ այնուամենայնիւ, պէտք է կրթել եւ զարգացնել մեր ժողովուրդը, որպէսզի ան դառնայ ժամանակակից ժողովուրդ մը եւ կտրուի այն առասպելներէն, որոնցմով կ՚ապրի: Այս բանը մէկ օրուայ կամ մէկ տարուայ հարց չէ, ասիկա մեծ հարց մըն է»:

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

Բնաւ ուշադրութիւն ըրա՞ծ էք սիրելի՜ բարեկամներ. Բնութիւնը կարծես պատկերագրուած օրինակ մըն է մարդկային հոգիին մէջ։ Արդարեւ, մարդկային հոգին ալ ունի լեռներու կատարներ՝ որոնք մարդուս մտածումներուն, խորհուրդներուն թռիչքները, իտէալները, սէրերը, յուզումները, ըմբռնողութիւնը Էակի մը մասին, որ Տիեզերքի Արարիչը, Ստեղծիչը, Կառավարիչը եւ Նախախնամն է, եւ մարդկային կեանքին եւ էութեան բացարձակ Տէրը։

Լոնտոնի Կայսերական քոլէճի գիտնականները յայտարարած են, որ քաղցկեղը դարձած է շաքարախտի հիւանդներու պարագային մահացութեան հիմնական պատճառը: Գիտնականները նման եզրայանգման եկած են շաքարախտի հիւանդ աւելի քան 300 հազար մարդու մասնակցութեամբ կատարուած հետազօտութենէ յետոյ:

SCHNELLER բազմակողմանի ձեւով կը ներկայացնէ յետպատերազմեան ծանր վիճակը:
Գերմանիոյ յայտնի քրիստոնէական պարբերականը վերջին թիւը ձօնեց Հայաստանին եւ Արցախին:

Ազգային ժողովի նախագահ Արարատ Միրզոյեան կոչ ուղղեց ընթացք տալ ընդդիմութեան առաջարկին:
Հայաստանի մէջ ռազմական դրութեան գործադրութիւնը բաւ համարուեցաւ՝ խորհրդարանական ընդդիմութեան առած քայլով:

Հայաստանի Պաշտպանութեան նախարար Վաղարշակ Յարութիւնեան եւ Ռուսաստանի Պաշտպանութեան նախարար Սերկէյ Շոյկու երէկ ունեցան հեռախօսազրոյց մը, որու ընթացքին քննարկեցին տարածքաշրջանի ռազմաքաղաքական իրադրութիւնը։

Անգարայի 7-րդ Վարչական ատեանին կողմէ արձակուած վերջին վճռին արձագանգները կը շարունակուին։ Ինչպէս ծանօթ է, դատարանի վճիռով անվաւեր ճանաչուած էին Վաքըֆներու ընդհանուր տնօրէնութեան կողմէ հրապարակուած երկու շրջաբերականները։