Ուրբաթ 11, Յուլիս 2025
Արխիւ
Երեքշաբթի, Օգոստոս 4, 2020
Ազգային պաշտպանութեան նախարար Աքար անդրադարձաւ «Թուրազ արծիւներ» ռազմափորձերուն:
Ռուսաստան անմիջական ուշադրութեամբ կը հետեւի Թուրքիա-Ատրպէյճան լայնածաւալ զօրավարժութիւններուն:
Երեքշաբթի, Օգոստոս 4, 2020
Թուրքիոյ մէջ քորոնաժահրի համաճարակի ծաւալման վերաբերեալ վիճակագրական տուեալները կը ցոլացնեն ահազանգային պատկեր մը:
Վերջին արձակուրդին ստեղծուած կացութիւնը վտանգ կը սպառնայ ամբողջ երկրէն ներս նոր ալիքի մը ծագելուն համար. իւրաքանչիւր օրուան դէպքերը միշտ հազարի շուրջ:
Երեքշաբթի, Օգոստոս 4, 2020
Համայնքային շրջանակներէն ներս վերջերս ձեւաւորուած է «Մեր հայեր» անունով զօրակցութեան հարթակ մը, որ ընկերային գետնի վրայ գործունէութիւն ծաւալել կը նախատեսէ։ Այս հարթակի ներկայացուցիչները վերջին օրերուն հանդիպում մը ունեցան ՃՀՓ-ի Իսթանպուլի նահանգային կազմակերպութեան ղեկավար Ճանան Քաֆթանճըօղլուի հետ։ «Մեր հայեր» հարթակը կը ծրագրէ յառաջիկայ 16 օգոստոսին, Ս. Աստուածածնի տօնին առթիւ, Գնալը կղզիի վրայ կազմակերպել խաղողի խրախճանք մը։
Երեքշաբթի, Օգոստոս 4, 2020
ՍԱԳՕ ԱՐԵԱՆ
Լիբանանեան տագնապը կը շարունակուի եւ ներկայիս առկայ ընթացքը ցոյց կու տայ, որ երկիրը հեռու է ընդհանուր լուծումներու շրջափուլէն։
Ի դէպ, «Լիբանանեան խնդիր» եզրոյթը առաջին անգամ երեւան կու գար վաղ 70-ականներուն, երբ երկիրը կը մտնէր քաղաքացիական «անթուլ» պատերազմի մը մէջ, որ ինքնին պատճառ կը դառնայ հազարաւոր լիբանանցիներու սպանութեան ու երկար տեւած պատերազմէն ետք, բոլորին համար պարզ կը դառնար, թէ «Լիբանանեան խնդիր»ը տակաւին չէ լուծուած։
Երեքշաբթի, Օգոստոս 4, 2020
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Բնութեան մէջ տեսնուած շատ մը երեւոյթներ ապացոյցներ եւ լուսաբանութիւններ են տիրող ան մշտնջենաւոր եւ անայլայլելի օրէնքին՝ որով կ՚որոշուի մէկ ուժի մը յաղթութիւնը եւ ուրիշ ուժի մը պարտութիւնը։ Մարդ երբ ուշադրութեամբ դիտէ բնութիւնը, հոն պիտի տեսնէ երեւոյթներ, որոնք կը բացայայտեն զանազան դժուարութիւններու եւ արգելքներու դէմ Բնութեան ցոյց տուած վարուելակերպը՝ որ նման է մարդկային վարմունքին։
Երեքշաբթի, Օգոստոս 4, 2020
ԳԷՈՐԳ ՔԷՕՇԿԷՐԵԱՆ
Այս սիրոյ եւ նուիրուածութեան վրայ հիմնուած շատ հետաքրքրական պատմութիւնը մեզի կու գայ Ֆլորիտա նահանգի Ճեքսընվիլ քաղաքէն։
Սթիւ Տանիէլ եւ կինը Մերի ամուսնացած են 24 տարի առաջ եւ շատ ուրախ կեանք մը կ՚ապրէին իրարու հետ, երբ յանկարծ եօթ տարի առաջ՝ Սթիւ կը սկսի տառապիլ Ալզհայմըրզի հիւանդութենէն։
Երեքշաբթի, Օգոստոս 4, 2020
Գրաբարէ թարգմանեց՝
ՎԱՐԱՆԴ ՔՈՐԹՄՈՍԵԱՆ
Խօսք. «Մարմինս ճշմարիտ կերակուր է» (Յհ 6.55):
Մեկնութիւն. Այստեղ ցոյց կու տայ չորրորդը կերակրելէն, թէ Քրիստոս Աստուած է. նախ՝ նկանակներուն համար ըսաւ: Երկրորդ՝ որ աշակերտներուն ըսաւ, թէ՝ «Ես եմ, մի՛ վախնաք» (Յհ 6.20):
Երեքշաբթի, Օգոստոս 4, 2020
Գոհունակութեամբ վերահասու կ՚ըլլանք, թէ Թրքահայ ուսուցչաց հիմնարկը ներկայիս գրասէրներու տրամադրութեան տակ դրած է նորոգ հանգուցեալ Վարդ Շիկահերի քերթուածներէն բաղկացեալ նոր գիրք մը, որ կը կոչուի՝ «Փնջիկ մըն ալ»։ Գիրքի մեկենասն է Թրքահայ ուսուցչաց հիմնարկի վարչութեան ատենապետ Սարգիս Քիւլէկէչ, որ միշտ կը խրախուսէ հայերէն գիրքերու հրատարակութիւնը։
Երեքշաբթի, Օգոստոս 4, 2020
Շիշլի մարզակումբի վարչութեան նախաձեռնութեամբ, վերջին օրերու արձակուրդի առիթը օգտագործուեցաւ՝ կազմակերպելու համար քայլարշաւ մը։ Ակումբի երիտասարդաց յանձնախումբին ջանքերով կեանքի կոչուեցաւ այս ծրագիրը՝ Գնալը կղզիի վրայ «Բնութեան մէջ քայլարշաւ» կարգախօսով։
Երեքշաբթի, Օգոստոս 4, 2020
Իսթանպուլի գլխաւոր քաղաքապետութեան կողմէ վերջին օրերուն իսլամական աշխարհի «Քուրպան»ի տօնին առթիւ կազմակերպուեցաւ առցանց շնորհաւորական մը։ Այս առթիւ երկրի փոքրամասնութիւններու ներկայացուցիչները Իսթանպուլի գլխաւոր քաղաքապետ Էքրէմ Իմամօղլուին փոխանցեցին իրենց շնորհաւորութիւններն ու բարեմաղթանքը։
Հինգշաբթի, Յուլիս 30, 2020
Առողջապահութեան նախարար Ֆահրետտին Քոճա հերթական անգամ զգուշացումներով հանդէս եկաւ իսլամական աշխարհի «Քուրպան»ի տօնին ընդառաջ։ Ըստ նախարարին, թէեւ փողոց դուրս գալու սահմանափակումներ չեն նախատեսուած տօնական օրերուն, սակայն նախազգուշական միջոցներուն պէտք է հնազանդիլ՝ դէպքերու թիւի աճը կանխելու համար։
Հինգշաբթի, Յուլիս 30, 2020
Գարակէօզեան Տան Գնալը կղզիի Կազդուրման կայանին մէջ երէկ երեկոյեան խումբ մը փոքրիկներու համար տեղի ունեցաւ շարժանկարի ցուցադրութիւն։ Ինչպէս ծանօթ է Կազդուրման կայանը այս տարի իր դռները չէ բացած քորոնաժահրի համաճարակին հետեւանքով։
Հինգշաբթի, Յուլիս 30, 2020
Թուրքիոյ եւ Ատրպէյճանի զինեալ ուժերու համատեղ լայնածաւալ զօրավարժութիւնները արդէն սկսան. Հայաստան ուշադրութեամբ կը հետեւի իրադարձութիւններուն:
Կովկասի մէջ ուժի ցոյց: Երեւանի կողմէ դիւանագիտական գետնի վրայ բազմակողմանի քայլեր: Փարիզի ղեկավարութիւնը կը յիշեցնէ, որ ռազմական լուծում գոյութիւն չունի:
Հինգշաբթի, Յուլիս 30, 2020
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, նախընթաց օր, ընդունեց Գումգաբու Դրսի Ս. Յարութիւն եկեղեցւոյ թաղային խորհուրդի անդամները՝ գլխաւորութեամբ ատենապետ Արուշ Թաշի։
Այցելուները եկեղեցւոյ տարեկան հաշուետուութիւնը Նորին Ամենապատուութեան ներկայացնելու նպատակաւ փութացած էին Պատրիարքարան։
Հինգշաբթի, Յուլիս 30, 2020
ԱՐԵՒԻԿ ՊԱՊԱՅԵԱՆ
Իմ հասցէն՝ Արցախ է,
Իմ անունը՝ հայ:
Ուրիշ տեղ ես պանդուխտ եմ, թափառական. լաւագոյն պարագային՝ զբօսաշրջիկ:
Հինգշաբթի, Յուլիս 30, 2020
Գրեց՝ ԱՆՈՒՇ ԹՐՈՒԱՆՑ
Այս տարի Ճաբոնի մէջ կը նշեն Ճաբոնի պետութեան հիմնադրման 2680-ամեակը: Նախքան Քրիստոս 660 թուականին Ճաբոնի մէջ թագադրուեցաւ առաջին կայսրը եւ այդ տարին սեպուեցաւ պետութեան հիմնադրման սկիզբը:
Հինգշաբթի, Յուլիս 30, 2020
ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ
Մշակոյթ, իր ամենալայն առումով կը նշանակէ՝ ժողովուրդի մը մտաւոր եւ հոգեկան զարգացումը. այն ինչ որ դարերու ընթացքին հաւաքուած է՝ անոնց ամբողջութիւնը եւ աւանդութեան վերածուած մտային, զգացական, գիտական պաշարները։
Հինգշաբթի, Յուլիս 30, 2020
ՇՆՈՒՏԱ Գ. ՀԱՅՐԱՊԵՏ
Արաբերէնէ թարգմանեց՝
ՎԱՐԱՆԴ ՔՈՐԹՄՈՍԵԱՆ
Հարցում. Տէր Յիսուս ինչո՞ւ անիծեց թզենին, որու վրայ բացի տերեւէն ոչինչ գտաւ, որու վրայ պտուղ չկար: Երբ անիծեց զայն, անմիջապէս չորցաւ (Մտ 21.18-19):
Չորեքշաբթի, Յուլիս 29, 2020
ԱՐԵՒԻԿ ՊԱՊԱՅԵԱՆ
-Յակոբիկ, երբ մեծնաս ի՞նչ պիտի դառնաս:
-Զոհուած ազատամարտիկ,- հպարտութեամբ ու զիլ ձայնով մը պատասխանեց փոքրիկ Յակոբիկ, առանց հասկնալու իր խօսքերուն իմաստը:
Չորեքշաբթի, Յուլիս 29, 2020
«Արեւմտահայերէնի կենսունակացման աշխատանքը կրնայ համակերպիլ սփիւռքեան այլազանութեան հետ»:
Անահիտ Տօնապետեան մատնանշեց հայկական վարժարաններու աշակերտութեան թիւի նուազման ընդհանուր միտումը:
