Արխիւ

ՃՀՓ-ի կուսակցապետ Էօզկիւր Էօզէլ եւ ՄՀՓ-ի կուսակցապետ Տեւլէթ Պահչելի երէկ հանդիպում մը ունեցան Անգարայի մէջ։ Երկու կուսակցութիւններու ղեկավարներուն միջեւ սա եօթ տարուան ընդհատումէ մը վերջ առաջին հանդիպումն էր։

Հանրապետութեան նախագահ Ռեճեփ Թայյիպ Էրտողան երէկ Անգարայի մէջ հիւրընկալեց Քուէյթի Էմիր Շէյխ Միշալ էլ Ահմէտ էլ Ճապիր էլ Սապահը։ Թուրքիոյ եւ Քուէյթի միջեւ դիւանագիտական յարաբերութիւններու հաստատման 60-ամեայ յոբելեանին շարժառիթով տեղի ունեցաւ այս այցելութիւնը։

Արտաքին գործոց նախարարութեան Իսթանպուլի ներկայացուցիչ դեսպան Այշէ Սէօզէն Ուսլուէր երէկ հիւրընկալեց Սեւծովեան տնտեսական համագործակցութեան կազմակերպութեան մօտ Հայաստանի Հանրապետութեան մշտական ներկայացուցիչ Նաիրի Պետրոսեանը։

ՄՈՒՀԱՄՄԱՏ ԱԼ-ՄԱՂՈՒԹ
Արաբերէնէ թարգմանեց՝
ՎԱՐԱՆԴ ՔՈՐԹՄՈՍԵԱՆ

Ես արաբներն եմ՝ առանց նաւթի:
Ապըտ ալ-Նասէրը՝ առանց բարձրախօսի:
Ես Լիբանանի դէմ դաւադրութիւնն եմ, սակայն չեմ կրնար յայտնել այդ:

Անժամանցելի հետքեր. Արա Կիւլէրի որսած դրուագները կ՚անդրանցնեն ժամանակները: Արա Կիւլէրի թանգարանին կազմակերպած «Գումգաբուի ձկնորսները» ցուցահանդէսը լոյս կը սփռէ անմոռանալի վարպետի լուսանկարչական կալուած մուտքին վրայ: Առաջին անգամ ԺԱՄԱՆԱԿ-ի մէջ հրատարակուած թէ՛ վաւերագրական եւ թէ գեղարուեստական գերազանց արժէքով գործերը կը ցոլացնեն՝ նոյնիսկ ոսպնեակէն յորդածները: Ձեռնարկի երէկուան բացումը համախմբեց բազմաթիւ գեղարուեստասէրներ, հասարակական կամ մշակոյթի գործիչներ եւ համայնքային շրջանակներէն դէմքեր: Հիւրերու շարքին էին Սեւծովեան տնտեսական համագործակցութեան կազմակերպութեան մօտ Հայաստանի Հանրապետութեան մշտական ներկայացուցիչ Նաիրի Պետրոսեան եւ ներկայացուցչութեան խորհրդական Անահիտ Չալիքեան:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ քաղաքիս շարք մը քրիստոնեայ հոգեւոր առաջնորդներուն շնորհաւորական այցելութիւններ տուաւ Ս. Զատկի առթիւ։ Հարկ է նշել, որ ուղղափառ աշխարհը անցեալ շաբաթավերջին նշեց Ս. Յարութեան տօնը։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Բացի բնական զգացմունքէ եւ բարոյական օրէնքներէ, կայ կարեւոր պատճառ մը ամուսնութեան մէջ, որ անհրաժե՛շտ է հաստատուի եւ նկատի առնուի չհասութեան սկզբունքը։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց նախկին պոլսահայ Պետրոս Զորլուն, որ այժմ կը բնակի Սիտնիի մէջ։ Այցելութեան ներկայ էր նաեւ Պատրիարքական փոխանորդ Տ. Գրիգոր Աւ. Քհնյ. Տամատեան։

Երէկ, հաճոյքն ունեցանք խմբագրատանս մէջ հիւրընկալելու Օրթագիւղի Թարգմանչաց վարժարանէն խումբ մը սաներ, որոնց ներկայութիւնը բարձր տրամադրութիւն ստեղծեց մեր երդիքին տակ։