Արխիւ

Հարկ է պատշաճը հատուցել այն ջանքերուն, ինչ որ արդէն վեցերորդ ամիսն է՝ Հայաստանի լաւ ապագային համար կը գործէ «Տաւուշը՝ յանուն Հայաստանի» շարժման առաջնորդը: Բագրատ սրբազանի մասին տեսակէտները կրնան տարբեր ըլլալ՝ ծայրայեղ դրականէն մինչեւ ծայրայեղ բացասական՝ նոյնիսկ կծու վիրաւորանքով լի պիտակաւորումներ, բայց փաստը կը մնայ փաստ, որ ան հայաստանեան նիրհուն քաղաքական դաշտ բերաւ ո՛չ միայն գարնանային շունչ ու թարմութիւն, այլեւ` ինքնավստահութիւն, հոգեւոր լիցքեր եւ պայքարի ոգի:

Թուրքիա եւ Անգլիա. Եւրոպայի երկու ծայրամասերու ՆԱԹՕ-ի դաշնակիցներ: Նախարարներու ժամադրութիւն:
Եւրոպան, Մերձաւոր Արեւելքի պատերազմն ու Սուտանի մտահոգութիւնները Անգարա-Լոնտոն առանցքին վրայ ուշադրութեան առարկայ:

Էլչին Էմիրպէյով COP29 գագաթաժողովին ընդառաջ բարձր մակարդակի վրայ քննարկումներ ծաւալեց:
Ատրպէյճան Անգլիոյ հետ կ՚արծարծէ Հայաստանի հետ ենթադրեալ խաղաղութեան պայմանագրի հեռանկարները:

Հայաստանի Կեդրոնական դրամատան նախագահ Մարթին Գալստեան յայտարարեց, որ պէտք է ամէն ինչ ընել, որպէսզի երկրի տնտեսութեան աճի ներուժը մեծնայ։ Ան համոզուած է, թէ վաղ թէ ուշ Հայաստանի տնտեսութիւնը պիտի զարգանայ՝ սեփական հնարաւորութիւններուն համապատասխան։

Հայաստանի կառավարութիւնը բոլոր հարթութիւններու վրայ բազմակողմանի նախաձեռնութիւններ կը կատարէ՝ «Խաղաղութեան խաչմերուկ» ծրագիրը ներկայացնելու համար։ «Արմէնփրէս»ի հաղորդումներով, այս նոյն նպատակով յառաջիկային կը նախատեսուի նաեւ Թուրքիայէն լրագրողներու այցելութիւն մը կազմակերպել դէպի Հայաստան։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան այսօր կը մեկնի Մայր Աթոռ Սուրբ Էջմիածին։ Երեկոյեան ժամերուն Ամեն. Ս. Պատրիարք Հայրը Իսթանպուլ-Երեւան ուղիղ թռիչքով կը ճամբորդէ դէպի Հայաստան, ուր իր կեցութիւնը կը տեւէ շուրջ շաբաթ մը։

ՍԱԳՕ ԱՐԵԱՆ

Իսրայէլի կողմէ Լիբանանի դէմ շղթայազերծուած թէժ պատերազմը կը շարունակուի՝ սեպտեմբերի 23-էն ի վեր։ Զոհերուն թիւը գերազանցած է երկու հազար հինգ հարիւրը, կան աւելի քան տասն հազար վիրաւորեալներ եւ շուրջ մէկ միլիոն լիբանանցիներ գաղթական դարձած են՝ իրենց իսկ երկրին մէջ։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Բաբգէն Կաթողիկոս. (490-515)։ Ծնած է Վանանդ գաւառի Ոթմուս գիւղը. աշակերտած է Յովհան Մանդակունիի՝ որուն յաջորդը եղաւ։ Վահան Մամիկոնեանի մարզպանութեան օրով կաթողիկոս է եղած, այնպիսի ատեն մը, երբ Հայաստան բաւական խաղաղ շրջան մը կը բոլորէր. հետեւաբար միջոց եղած էր եկեղեցական-դաւանական խնդիրներու մասին մտածելու եւ այս հարցերով զբաղելու։

2018-ի իշխանափոխութենէն առաջ, որ նոյնիսկ ներկայ իշխանութեան ներկայացուցիչները արդէն կ՚ամաչնան «յեղափոխութիւն» անուանել, հանրային-քաղաքական կեանքի գլխաւոր դերակատարները, այսպէս կոչուած, «քաղաքացիական հասարակութեան» ներկայուցիչները դարձած էին։