Եկեղեցական

Հայաստանէ ներս ծագած իշխանութիւն-եկեղեցի հակադրութեան պայմաններուն ներքեւ, երէկ, դատական մարմիններուն կողմէ հերթական անգամ հարցաքննուեցաւ բարձրաստիճան հոգեւորական մը։

Երուսաղէմի Ս. Յարութեան համաքրիստոնէական տաճարի յատակի նորոգութեան աշխատանքները:
Հռոմի Սափիէնզա համալսարանի հնագիտութեան բաժնի մասնագէտները լուսաբանեցին իրաւատէր համայնքները:

Տ.Տ. Գարեգին Բ. Ամենայն Հայոց Կաթողիկոսի հայրապետական տնօրինութեամբ կարգալոյծ հռչակուեցաւ Տ. Արամ Քհնյ. Ասատրեան։ Ամենայն Հայոց Կաթողիկոսութեան Տեղեկատուութեան համակարգը հաղորդեց, որ տնօրինութեան համար հիմք ծառայած են Արագածոտնի թեմակալ առաջնորդի զեկուցագիրը եւ Մայր Աթոռ Սուրբ Էջմիածնի Պարգեւներու շնորհման եւ կարգապահական հարցերու յանձնախումբի եզրակացութիւնը։

Հակառակ իշխանութիւններու կողմէ դատապարտելի գործողութիւններու եւ առկայ հալածանքներու:
Ն.Ս.Օ.Տ.Տ. Գարեգին Բ. «Համերաշխութեամբ ու միաբանութեամբ պիտի իրագործենք մեր համընդհանուր տեսիլքները»:

Նարլըգաբուի Ս. Յովհաննէս եկեղեցւոյ մէջ շաբաթավերջին տեղի ունեցաւ տարեկան անուան տօնախմբութիւն՝ նախագահութեամբ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի։ Ս. Աւետարանիչներու յիշատակութեան տօնին առթիւ պատարագեց Տ. Գասպար Աբեղայ Կարապետեան։

Երէկ առաւօտ, Սուրբ Էջմիածնի Մայր Տաճարին մէջ կիրակնօրեայ Ս. Պատարագը մատոյց Տ. Յարութիւն Վրդ. Տամատեան, որ Ս. Պսակի խորհրդակատարութեան մը հանդիսապետելու համար հրաւիրուած էր Հայաստան։

Հայաստանի մէջ իշխանութիւն-եկեղեցի հակադրութիւնը արդէն գրեթէ հունէ դուրս եկած է։ Լրատուամիջոցները կը տեղեկացնեն, որ օրակարգի վրայ է Ամենայն Հայոց Վեհափառ Հայրապետին՝ Տ.Տ. Գարեգին Բ. Կաթողիկոսին դէմ մեղադրանքի առաջադրման հաւանականութիւնը։

Վրդովմունքով տեղեկացանք, որ հոկտեմբերի 15-ին, Արագածոտնի թեմէն ներս իրաւապահ համակարգի ներկայացուցիչները թեմակալ առաջնորդի, հոգեւոր սպասաւորներու եւ աշխարհական աշխատակիցներու դէմ իրականացուցած են ապօրինի գործողութիւններ, որոնք ուղեկցուած են բացարձակապէս չպատճառաբանուած ու անհիմն խուզարկութիւններով, խաբէութեամբ բերման ենթարկելու, բերման ենթարկուած անձերու գտնուած վայրերը ծածուկ պահելու, փաստաբանական աջակցութիւն ստանալու հնարաւորութենէն զրկելու հակաօրինական դէպքերով։

Քրէական գործընթացներու քաղաքական բնոյթը ակնառու կը դառնայ, երբ անոնք կը յաջորդեն վարչապետի յայտարարութեանց:
Հայաստանի իշխանութիւններու ապօրինի քայլերուն հետեւանքով ստիպողաբար տեղի ունեցան առանց քահանայի յուղարկաւորութիւններ:

Մինչ Հայաստանի մէջ իշխանութիւն-եկեղեցի հակադրութիւնը մտահոգիչ թափով կը խորանայ, Մայր Աթոռ Սուրբ Էջմիածինը կը շարունակէ ահազանգ հնչեցնել՝ միշտ յորդորելով սադրանքներու տեղի չտալ։ Հայաստանեայց Առաքելական Եկեղեցին իսկապէս աննախընթաց կացութիւն մը կը դիմագրաւէ եւ հանգամանքներու ծանրութիւնը կը բազմապատկուի, որովհետեւ սա տեղի կ՚ունենայ հայոց անկախ պետականութեան օրով։