Հայաստանեայց Առաքելական Եկեղեցւոյ Արցախի թեմի առաջնորդ Տ. Պարգեւ Արք. Մարտիրոսեան երէկ այցելեց Շուշիի Ղազանչեցոց Ս. Ամենափրկիչ եկեղեցին, որ օրեր առաջ թիրախաւորուած էր Ատրպէյճանի բանակին կողմէ։ Նորին Սրբազնութիւնը ռմբակոծեալ Մայր տաճարին մէջ աղօթք բարձրացուց Հայաստանի եւ Արցախի խաղաղութեան, զօրացման ու միասնականութեան համար։
Մայր Աթոռ Սուրբ Էջմիածնի մէջ, Ս. Գայիանէի վանքի երդիքին տակ, կիրակնօրեայ Ս. Պատարագի աւարտին, Ամենայն Հայոց Տ.Տ. Գարեգին Բ. Կաթողիկոսի նախագահութեամբ երէկ կատարուեցաւ խաղաղութեան մասնաւոր աղօթք։ Վեհափառ Հայրապետի տնօրինութեամբ երէկ ներքին թեմերու եւ սփիւռքի բոլոր եկեղեցիներուն մէջ ալ նման աղօթք մը տեղի ունեցաւ։
Ամենայն Հայոց Տ.Տ. Գարեգին Բ. Կաթողիկոսը Շուշիի Ս. Ամենափրկիչ Ղազանչեցոց եկեղեցւոյ միտումնաւոր ռմբակոծման մասին հանդէս եկաւ հետեւեալ յայտարարութեամբ։
Ամենայն Հայոց Կաթողիկոսութեան Տեղեկատուութեան համակարգը տեղեկացուց, որ Մայր Աթոռ Սուրբ Էջմիածինը կը դատապարտէ Շուշիի Ղազանչեցոց եկեղեցւոյ թիրախաւորումը. ստորեւ՝ յայտարարութիւնը։
Հոկտեմբեր ամսու երկրորդ շաբաթ օրը, ահա շուրջ 1615 տարիէ ի վեր, հայ ժողովուրդը կը նշէ իր Սուրբ Թարգմանիչներուն տօնը։ Իսկ հոկտեմբերի երկրորդ կիրակի օրը, ամէն տարի, Հայ Առաքելական բոլոր եկեղեցիներուն մէջ, տեղի կ՚ունենար Ե. դարու Թարգմանչաց Շարժումին խորհուրդով հաղորդուելու Սուրբ Պատարագ։
Ամենայն Հայոց Տ.Տ. Գարեգին Բ. Կաթողիկոսը «Արմէնփրէս» գործակալութեան յայտարարեց, որ Արցախի հարցին կրօնական երանգ տալը սադրանք է։ Բացառիկ հարցազրոյցին մէջ Վեհափառ Հայրապետը մանրամասնօրէն անդրադարձած է հայ ժողովուրդի եւ իսլամական աշխարհի դրական յարաբերութիւններուն։
Ամենայն Հայոց Տ.Տ. Գարեգին Բ. Կաթողիկոսի տնօրինութեամբ՝ երէկ, ժամը 22.00-էն սկսեալ Մայր Աթոռ Սուրբ Էջմիածնի մէջ ամբողջ գիշեր եւ Հայաստանի թեմերու բոլոր եկեղեցիներէն ներս փոխն ի փոխ կատարուեցաւ խաղաղութեան աղօթք եւ սաղմոսերգութիւն՝ Արցախի ժողովուրդի եւ Հայոց բանակի համար։ Շաբաթավերջին ալ տեղի ունեցած էր համազգային զօրակցութեան աղօթք։
Արցախի մէջ բռնկած պատերազմի մթնոլորտին մէջ, Երուսաղէմի Հայոց Պատրիարք Ամեն. Տ. Նուրհան Արք. Մանուկեան կը շարունակէ Իսրայէլի ղեկավարութեան ուշադրութիւնը հրաւիրել ճակատի վրայ յառաջացած մարդասիրական ծանր խնդիրներուն վրայ։ Ինչպէս ծանօթ է, Ատրպէյճանի բանակը լայնօրէն կ՚օգտագործէ Իսրայէլի մէջ արտադրուած զէնք ու զինամթերք՝ Արցախի խաղաղ բնակավայրերը թիրախաւորելու ժամանակ։
Հայաստանի եւ սփիւռքի թեմերու բոլոր եկեղեցիներէն ու վանքերէն ներս շաբաթավերջին տեղի ունեցաւ զօրակցութեան համազգային աղօթք՝ յանուն Արցախի։ Լեռնային Ղարաբաղի ճակատին վրայ բռնկած սաստիկ մարտերով պայմանաւորուած մթնոլորտին մէջ՝ Հայաստանեայց Առաքելական Եկեղեցին զօրակցութեան համազգային աղօթքը իրականացուց խաղաղութեան վերահաստատման մաղթանքով։
Ամենայն Հայոց Տ.Տ. Գարեգին Բ. Կաթողիկոսի տնօրինութեամբ՝ այսօր երեկոյեան Հայաստանի եւ սփիւռքի թեմերու բոլոր վանքերէն ու եկեղեցիներէն ներս կը կատարուի զօրակցութեան համազգային աղօթք յանուն Արցախի եւ հայրենեաց պաշտպաններու։
