Շիշլի մարզակումբի զանազան կազմերը նոր եղանակի բացման փուլին կ՚արձանագրեն փայլուն յաջողութիւններ։ Պասքեթպոլի, վոլէյպոլի, փինկ-փոնկի, թենիսի, մարմնամարզի եւ ճատրակի մէջ շիշլիցիներուն ապահոված արդիւնքները յուսադրիչ են։
Գոհունակութեամբ վերահասու կ՚ըլլանք, թէ «Արաս» հրատարակչութիւնը ընթերցասէրներու տրամադրութեան տակ դրած է նոր ու հետաքրքրական գիրք մը, որ կը կոչուի «Dersaadet»։ Միքայէլ Աստերիսի հեղինակած այս գործը գերմաներէնէ թրքերէնի թարգմանուած է Զէյնեփ Թաշքընի կողմէ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Գուզկունճուքի Ս. Գրիգոր Լուսաւորիչ եկեղեցւոյ թաղային խորհուրդի անդամները՝ գլխաւորութեամբ ատենապետ Մասիս Գույումճուի։ Հանդիպումին ներկայ էր նաեւ Պատրիարքական փոխանորդ Տ. Գրիգոր Աւ. Քհնյ. Տամատեան։
Թուրքիոյ Հայոց Պատրիարք Ամեն. Ս. Արք. Մաշալեան երէկ ընդունեց Պալաթի Ս. Հրեշտակապետ եկեղեցւոյ թաղային խորհուրդի ներկայացուցիչները։ Հանդիպման ներկայ էր նաեւ Տ. Ներսէս Քհնյ. Այվազեան։
Սուրբ Փրկիչ Ազգային հիւանդանոցի հոգաբարձութեան կողմէ կարեւոր յայտարարութիւն՝ 2023-2024 շրջանի հանգանակութիւններու սկիզբի նախօրեակին:
Ատենապետ Պետրոս Շիրինօղլու եւ գործակից ընկերները այս տարի եւս հնարաւոր միջոցները պիտի յատկացնեն՝ համայնքային վարժարաններու պիւտճէներու հաւասարակշռման համար:
Երէկ, հաճոյքն ունեցանք խմբագրատանս մէջ հիւրընկալելու Սամաթիոյ ընտանիքէն ներկայացուցիչներ։ Այսպէս, մեր հիւրերն էին Ս. Գէորգ եկեղեցւոյ թաղային խորհուրդի ատենապետ Նուրհան Տավուլճեան եւ տարեկան մատաղօրհնութեան համաատենապետները՝ Խաչիկ Քեչիեոլու եւ Եսայի Տեմիր։
«Հայճար» լուրջ զգայնութիւն կը դրսեւորէ Պալեաններու ժառանգութեան պատշաճ արժեւորման ուղղութեամբ:
Ֆէրիգիւղի մէջ յառաջիկայ օրերուն կը նախատեսուի՝ Աշոտ Գրիգորեանի թրքերէնի թարգմանուած գիրքին շնորհանդէսը:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ այցելեց Գուզկունճուքի Ս. Գրիգոր Լուսաւորիչ եկեղեցին՝ տեղեկութիւններ ստանալու համար բարեզարդման աշխատանքներու ընթացքին մասին։ Նորին Ամենապատուութիւնը դիմաւորեցին Մասիս Գույումճուի կողմէ գլխաւորուած թաղային խորհուրդի անդամները։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, երէկ Վարագայ Ս. Խաչի տօնին նախագահեց Պէյօղլուի Ս. Երրորդութիւն եկեղեցւոյ մէջ։ Ս. Պատարագը մատոյց Տ. Յարութիւն Վրդ. Տամատեան։ Երգեցողութիւնները կատարուեցան Լուսաւորիչ դպրաց դաս-երգչախումբին կողմէ՝ ղեկավարութեամբ Յակոբ Մամիկոնեանի եւ երգեհոնահարութեամբ Սիրուն Սիրունեանի։
«Մարալ» համոյթը երէկ նոր եղանակի աշխատանքներուն ձեռնարկեց Էսաեան սանուց միութեան մէջ։ Գեղարուեստական ղեկավար Կարպիս Չափքանի գլխաւորութեամբ համոյթի անդամները այս առաջին փորձին կատարեցին ընդհանուր գնահատական մը՝ յառաջիկայ աշխատանքներուն վերաբերեալ։
