Թրքահայ կեանք

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ նախագահեց Կէտիկփաշայի Ս. Յովհաննէս եկեղեցւոյ տարեկան անուան տօնախմբութեան, որու ընթացքին տուաւ նաեւ օրուան պատգամը։

Պէյօղլուի «Նարեկեան» սրահին մէջ շաբաթավերջին տեղի ունեցաւ Ամանորի շարժառիթով յատկանշական հաւաքոյթ մը։ Այսպէս, թաղային խորհուրդը Տարեմուտի առթիւ սեղան մը սարքեց՝ թաղի աղքատախնամին կողմէ ցանկագրուած նպաստընկալ ընտանիքներուն համար։

Պոլսահայ վարժարաններու շէնքերու երկրաշարժի դէմ դիմադրունակութեան հրատապ խնդիրը:
Պէյօղլուի երէկուան խորհրդակցութեան ընթացքին մասնագէտներ դարձեալ արժեւորեցին առկայ վիճակի կացութիւնը:

Մխիթարեան վարժարանի երգչախումբը նախընթաց օր երեկոյեան մասնակցեցաւ՝ Աւստրիոյ մշակոյթի կեդրոնին կողմէ Սուրբ Ծնունդի առթիւ կազմակերպուած համերգին։ Սա աւանդական ձեռնարկ մըն է եւ Մխիթարեան վարժարանի երգչախումբին մասնակցութիւնը նոյնպէս։

Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան ընդունեց Կէտիկփաշայի «Հրանդ Տինք» վարժարանի Արթօ-Դալար Հորոզօղլու ամոլին կողմէ գլխաւորուած կամաւորներու վարչութիւնը, տնօրէնուհի Հերիքնազ Աւագեանը եւ փոխ-տնօրէնուհի Լուսինէ Յարութիւնեանը։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Նարլըգաբուի Ս. Յովհաննէս եկեղեցւոյ երիտասարդաց յանձնախումբը։

Պատրիարքական Աթոռը արձագանգեց վերջին օրերուն վախճանած երկու սրբազաններու կորուստին։

Շիշլի մարզակումբի վարչութեան ատենապետ Ալէն Թեքպըչաք եւ իր գործակից ընկերները նախընթաց օր հիւրընկալեցին ԱՔ կուսակցութեան Պէյօղլուի մասնաճիւղի ղեկավար իրաւաբան Ապտուլլահ Էնէս Էօզքանն ու ընկերակիցները։

Թոփգաբուի ընտանիքը շաբաթավերջին Ուսուցչաց օրուան առթիւ համախմբուեցաւ նախաճաշի սեղանի մը շուրջ։ Ս. Նիկողայոս եկեղեցւոյ թաղային խորհուրդը այս ձեռնարկը կազմակերպած էր՝ մեծարելու համար վարժարանի կրթական մշակները։

Պէյօղլուի Լուսաւորիչ երգչախումբի մանկանց կազմը Ամանորի ընդառաջ համախմբուեցաւ բարձր տրամադրութեամբ։ Շաբաթավերջին, Ս. Երրորդութիւն եկեղեցւոյ կիրակնօրեայ արարողութիւններուն ընթացքին, մանկանց կազմին համար տեղի ունեցաւ Ս. Յակոբ Մծբնայ Հայրապետի մասունքակիր աջով բարեխօսութեան աղօթք՝ ձեռամբ Տ. Յարութիւն Վրդ. Տամատեանի, որու կողքին էր նաեւ Տ. Գէորգ Աւ. Քհնյ. Չընարեան։