Թրքահայ կեանք

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ շնորհաւորական մը ուղարկեց Մարմնամարզի եւ երիտասարդութեան նախարար Օսման Աշքըն Պաքին։

Շիշլի մարզակումբին նախաձեռնութեամբ Գնալը կղզիին մէջ կազմակերպուած ամրան դասընթացքները եզրափակուեցան խանդավառ մթնոլորտի մը մէջ։ Ակումբը այս ամառ 6 մարզաձեւերու պարագային դասընթացքներ կազմակերպեց՝ արձակուրդի շրջանին համախմբելով պատանիներն ու երիտասարդները։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ կիրակնօրեայ Ս. Պատարագին նախագահեց Ֆէրիգիւղի Ս. Վարդանանց եկեղեցւոյ մէջ, ուր պատարագեց հոգեւոր հովիւ Տ. Շիրվան Քհնյ. Միւրզեան։

Սկիւտարի Սուրբ Խաչ եկեղեցին, ուր վերջին ամիսներուն բարեզարդման աշխատանքներ կ՚իրականացուէին, երէկ, պաշտամունքի վերաբացուեցաւ հանդիսաւոր արարողութեամբ, որուն նախագահեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։

Շիշլի մարզակումբին նախաձեռնութեամբ, Գնալը կղզիին մէջ տեղի ունեցաւ լուսահոգի Ղազարոս Ունանի յիշատակին ձօնուած վոլէյպոլի մրցաշարքը, որ այս տարի կազմակերպուեցաւ 2-րդ անգամ։

Երէկ, 30 Օգոստոսի Յաղթանակի տօնին առթիւ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան մասնակցեցաւ Իսթանպուլի կուսակալութեան մէջ տեղի ունեցած պաշտօնական ընդունելութեան։

Երէկ, Գնալը կղզիի Ս. Գրիգոր Լուսաւորիչ եկեղեցւոյ պարտէզին մէջ տեղի ունեցաւ «Մենք երգ ենք» խորագրեալ երաժշտական ձեռնարկներու վերջինը։ Կղզեբնակ երիտասարդներու երաժշտական կատարումները այս փուլին եւս հրապուրեց հանդիսատեսները։

Շիշլի մարզակումբի վարչութեան նախաձեռնութեամբ՝ Գնալը կղզիի մէջ տեղի ունեցաւ բարեյիշատակ Կարօ Գալէնտէրի ոգեկոչման համար կազմակերպուած պասքեթպոլի մրցաշարքը, որ երրորդն էր իր նմաններու շարքին։

Յայտնի արուեստագիտուհի Պերճուհի Պէրպէրեան, որ թատերական աշխարհէ ներս ծաւալած երկարամեայ գործունէութեան զուգահեռ՝ հրապարակագրական ոլորտին ալ բացուած է, վերջերս ընթերցասէրներու տրամադրութեան տակ դրած է «Burgazada Sevgilim» անուն գիրքը։

Էսաեան սանուց միութեան «Մարալ» երգի-պարի համոյթը վերջին օրերուն Հայաստանի Կրթութեան, գիտութեան, մշակոյթի եւ մարմնամարզի նախարարութեան կողմէ շնորհակալագրի մը արժանացաւ։