Ամեն. Ս. Պատրիարք Հօր նախագահութեամբ համայնքային վարիչներու կարեւոր խորհրդակցութիւն՝ Գումգաբուի մէջ:
Պոլսահայ վարժարաններու շէնքերուն երկրաշարժի դէմ տոկունութիւնը ստուգելու համար քննութիւններ պիտի կատարուին մասնագէտներու կողմէ:
Թուրքիոյ տասն քաղաքները աւերած ահաւոր երկրաշարժը ողբերգական իրավիճակ ստեղծած է՝ խլելով հազարաւոր կեանքեր եւ պատճառ դառնալով բազում մարդոց վիրաւորման ու անօթեւան մնալուն։ Ահաւոր երկրաշարժը իր ազդեցութիւնը գործած է նաեւ Հաթայի մեր երեք եկեղեցիներուն վրայ։
Գարակէօզեան Տան Գնալը կղզիի Կազդուրման կայանի խնամատար մարմնի պարագային այս ամառ տեղի պիտի ունենայ կազմի փոփոխութիւն։ Երէկ երեկոյեան, Գարակէօզեան Տան նորընտիր խնամակալութիւնը՝ գլխաւորութեամբ ատենապետ Տիգրան Կիւլմէզկիլի, ընթրիքի սեղանով մը հիւրընկալեց Կազդուրման կայանի խնամատար մարմնի ատենապետ Արի Չոլաքն ու գործակից ընկերները, որոնք վերջին չորս տարիներուն ստանձնած էին հաստատութեան ղեկը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, երէկ, Սամաթիոյ Ս. Գէորգ եկեղեցւոյ մէջ նախագահեց Վարդանանց տօնի նախատօնակին։ Ներկայ էին Տ. Զաքէոս Ծայրագոյն Վարդապետ Օհանեան, Տ. Շնորհք Աբեղայ Տօնիկեան, Տ. Գասպար Աբեղայ Կարապետեան, Պատրիարքական փոխանորդ Տ. Գրիգոր Աւ. Քհնյ. Տամատեան, Տ. Տրդատ Աւ. Քհնյ. Ուզունեան, Տ. Զօհրապ Քհնյ. Ճիվանեան, Տ. Նաթան Քհնյ. Արապեան, Տ. Ներսէս Քհնյ. Այվազեան եւ Տ. Մելքոն Քհնյ. Փընարճեան։
Ամենապատիւ Սրբազան Պատրիարք Հայրը երէկ հիւրընկալեց բազմատասնեակ աղէտեալներու խումբ մը:
Պատրիարքական Աթոռի Ընկերային օժանդակութեան յանձնախումբը կ՚առնէ տագնապալի իրավիճակին համարժէք քայլեր:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Տեառնընդառաջի տօնին առթիւ նախագահեց Ղալաթիոյ Ս. Գրիգոր Լուսաւորիչ եկեղեցւոյ մէջ մատուցուած Ս. Պատարագին, որու ընթացքին տուաւ նաեւ օրուան պատգամը։ Ս. Պատարագը մատոյց Տ. Ներսէս Քհնյ. Այվազեան։
Երէկ, Սրբոց Ղեւոնդեանց քահանայից յիշատակութեան տօնին առթիւ Գումգաբուի Ս. Աստուածածին Աթոռանիստ Մայր եկեղեցւոյ մէջ տեղի ունեցան հանդիսաւոր արարողութիւններ, որոնց նախագահեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, երէկ Պաքըրգիւղի Ծնունդ Ս. Աստուածածին եկեղեցւոյ մէջ նախագահեց Տեառնընդառաջի նախատօնակին, որու ընթացքին խօսեցաւ նաեւ քարոզ մը։
Պատրիարքական փոխանորդ Տ. Գրիգոր Աւ. Քհնյ. Տամատեան, որ վերջին օրերուն մեկնած էր աղէտի գօտի, այսօր կէսօրուան ժամերուն վերադարձաւ քաղաքս։ Ինչպէս ծանօթ է, փոխանորդ տէր հայրը անցեալ հինգշաբթի երեկոյեան աղէտի գօտի մեկնած էր՝ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի տնօրինութեամբ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթ նախագահեց Պիւյիւքտէրէի Ս. Հռիփսիմեանց եկեղեցւոյ մէջ մատուցուած Ս. Պատարագին։ Զանազան թաղերէ ուխտաւորներ փութացած էին եկեղեցի, ուր Ս. Պատարագը մատոյց Տ. Մելքոն Քհնյ. Փընարճեան։
