Թրքահայ կեանք

Համայնքային վաքըֆներու մատակարար մարմիններու ընտրութեան գործընթացը կը շարունակուի։ Վաղը 6 թաղային խորհուրդի պարագային ընտրութիւն պիտի կատարուի համայնքէն ներս։

Թոփգաբուի Լեւոն-Վարդուհեան վարժարանին մէջ Ուսուցչաց օրուան առթիւ տեղի ունեցաւ հանդէս մը, որ մեծ ոգեւորութեան առիթ դարձաւ։ Հանդէսի յայտագրին մասնակցութիւն բերին դպրոցի բոլոր դասարաններէն սաներ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Ռումելիհիսարի Ս. Սանդուխտ եկեղեցւոյ թաղային խորհուրդի ատենապետուհի Նուրիձա Եասուլքալը եւ իր գործակից ընկերները։ Եասուլքալ, որ երկար տարիներէ ի վեր կը գլխաւորէ թաղային խորհուրդը, յառաջիկայ ընտրութիւններուն ալ առաջադրած է իր թեկնածութիւնը՝ կարգ մը նոր անուններու ներգրաւումով։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան վերջերս հիւրընկալեց Գուզկունճուքի Ս. Գրիգոր Լուսաւորիչ եկեղեցւոյ թաղային խորհուրդի ղեկը ստանձնելու համար թեկնածութիւն առաջադրած Կապոյտ ցանկի անդամները։

Այսօր Ուսուցչաց օր է եւ վարժարաններու երախտագէտ սաները գրասեղաններու վրայ կը յիշեն իրենց ուսուցիչները։ Իսկ անոնք որոնք արդէն իսկ իրենց ետին թողած են աշակերտութեան հանգամանքը, թէ՛ կը յիշեն եւ թէ՛ այս աշխարհէն առյաւէտ բաժնուածները կը յիշատակեն այն բոլոր նուիրեալները, որոնք որպէս դաստիարակներ ջանք թափած են անոնց մէջ կերտելու համար մարդկային բարենիշները։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Գարակէօզեան Տան խնամակալութեան ատենապետ Տիգրան Կիւլմէզկիլն ու գործակից ընկերները։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Սկիւտարի Ս. Խաչ եկեղեցւոյ թաղային խորհուրդին ղեկը ստանձնելու համար թեկնածութիւն առաջադրած Կանաչ ցանկի ներկայացուցիչները՝ գլխաւորութեամբ Յովհաննէս Կիւլի։

Պէյօղլուի Սուրբ Եկեղեցեաց թաղային խորհուրդին ղեկը ստանձնելու մղումով սկսած պայքարը պատճառ դարձած է քաոսի մը՝ 25 դեկտեմբերի քուէարկութեան ընդառաջ:
Այժմու ղեկավարութեան հրահրած անարդար ընտրական համակարգը եւ ընդդիմադիր թեկնածուներու անիրատես գործելաոճը խոր անհանգստութիւն յառաջացուցած է համայնքի աչալուրջ շրջանակներէն ներս:
Ֆէրիգիւղի մէջ երէկ երեկոյեան կազմակերպուած խորհրդակցութեան մթնոլորտը եկաւ ապացուցանել, որ այս փուլին անհրաժեշտ են՝ համախմբման ներուժով աւելի լուրջ այլընտրանքներ:

Վաղը երեկոյեան Ֆէրիգիւղի մէջ տեղի պիտի ունենայ «33 ձայն Իսթանպուլէն» գրքին շնորհանդէսը՝ Ամենապատիւ Սրբազան Պատրիարք Հօր հովանաւորութեամբ:

Գոհունակութեամբ վերահասու կ՚ըլլանք, թէ համակրելի մեներգչուհի Մարալ Այվազ ներկայիս երաժշտասէրներուն կը ներկայանայ նոր գործով մը, որ կը կոչուի «Կռունկ»։ Մարալ Այվազի նոր երգն ու տեսահոլովակը արդէն հասանելի են համացանցի վրայ։