Օրթագիւղի Թարգմանչաց վարժարանի տնօրէնութեան նախաձեռնութեամբ, «Սիւլէյման Սեպա» մշակոյթի կեդրոնին մէջ տեղի ունեցաւ անգլերէնով հանդիսութիւն մը, որ կազմակերպուած էր դպրոցի անգլերէնի ուսուցիչներուն կողմէ։
Թոփգաբուի Լեւոն-Վարդուհեան վարժարանի սաները վերջերս Թարգմանչաց տօնին ձօնուած հանդէս մը իրականացուցին թաղի Ս. Նիկողայոս եկեղեցւոյ յարակից «Իլքքան» սրահին մէջ։ Հոկտեմբեր ամսուան տեւողութեան տղաքը Հայ մշակոյթի եւ Գիրերու գիւտի վերաբերեալ զանազան աշխատութիւններու հետեւած էին։
Պէյօղլուի «Եափը քրետի» մշակոյթի ու գեղարուեստի կեդրոնի երդիքին տակ երէկ երեկոյեան տեղի ունեցաւ եզակի հաւաքոյթ մը:
Ամեն. Ս. Պատրիարք Հայրը օրհնութեան գիրով մը գնահատեց Արսէն Եարմանը:
Փրոֆ. Կիւլ Իրեփօղլու դրուատիքով արտայայտուեցաւ «Օսմանեան շրջանին գոհարեղէնն ու հայ ոսկերիչները» երկհատորին մասին:
Նախընթաց օր հաճոյքն ունեցանք խմբագրատանս մէջ հիւրընկալելու մեր համակրելի մեներգիչներէն Պարթեւ Կարեանը։ Հաճելի զրոյցի ընթացքին ան մեզի տուաւ լաւ լուրեր, որոնք աւետիսի մը համազօր կը նկատուին մեր երաժշտասէրներուն եւ Պարթեւի համակիրներուն տեսակէտէ։
ՏՔԹ. ՍԱՐԳԻՍ ԱՏԱՄ
Պոլսոյ ԺԱՄԱՆԱԿ օրաթերթը 28 հոկտեմբեր 2022 թուականին հիմնադրութեան 114 տարին իր ետին ձգելով թեւակոխեց հրատարակութեան 115-րդ տարին եւ կը յարատեւէ իր հրատարակութիւնը՝ նեղ պայմաններու, հնարաւորութիւններու եւ բազում դժուարութիւններու դէմ յամառ դիմադրութեան ուժով եւ վճռակամութեամբ:
Մխիթարեան վարժարանին մէջ նախընթաց օր հանդէս մը տեղի ունեցաւ՝ Թարգմանչաց տօնին առթիւ։ Այսպէսով հայ մշակոյթին ձօնուած հոկտեմբեր ամիսը եզրափակուեցաւ՝ Թարգմանչաց տօնի եւ Թարգմանչաց շարժման արժեւորումով։
Պատրիարքական Աթոռի միաբաններէն Տ. Յարութիւն Վրդ. Տամատեան Նիւ Եորքի մէջ անցեալ կիրակի պատարագեց եւ քարոզեց՝ Եունիըն Սիթիի Ս. Խաչ եկեղեցւոյ մէջ։ Հարկ է նշել, որ այս եկեղեցին Հիւսիսային Ամերիկայի Արեւելեան թեմի ամենահին հայկական եկեղեցիներէն մին է եւ անոր ծուխի անդամներուն մեծամասնութիւնը կը բաղկանայ նախկին պոլսահայերէ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որ կը գտնուի Մայր Աթոռ Սուրբ Էջմիածնի մէջ, երէկ հանդիպում մը ունեցաւ Հայաստանի Ազգային ժողովի փոխ-նախագահ Ռուբէն Ռուբինեանի հետ։ Ամեն. Ս. Պատրիարք Հայրը Մայրավանքի համալիրէն ներս հիւրընկալեց Ռուբէն Ռուբինեանը, որ Հայաստանի յատուկ ներկայացուցիչն է Թուրքիոյ հետ յարաբերութիւններու բնականոնացման գործընթացէն ներս։
Շիշլի մարզակումբի ներկայացուցիչները մասնակցութիւն բերին Իսթանպուլի մէջ կազմակերպուած Հանրապետութեան բաժակին։ Մրցաշարքը տեղի ունեցաւ Աթագիւղի մարմնամարզի համալիրէն ներս։
Հանրապետութեան նախագահութեան հովանաւորութեան ներքեւ, Մշակոյթի եւ զբօսաշրջութեան նախարարութեան, նաեւ Երիտասարդութեան ու մարմնամարզի նախարարութեան նպաստով Իսթանպուլի մէջ վերջին օրերուն կազմակերպուեցաւ ջրային մարզաձեւերու կարեւոր մրցաշարք մը։ Իսթանպուլի կուսակալութեան համագործակցութեամբ կեանքի կոչուեցաւ այս ծրագիրը, որ երրորդն էր իր նմաններու շարքին։
