Էսաեան վարժարանին մէջ վերջերս Ս. Թարգմանչաց տօնին առթիւ տեղի ունեցան աշխատանոցներու ձեւաչափով գործունէութիւններ։ Տղաքը օրուան սկիզբին տեղեկութիւններ ստացան Հայ գիրերու գիւտին եւ Թարգմանիչ վարդապետներու մասին եւ այդ հիման վրայ ստեղծագործական աշխատանք տարին աշխատանոցներէն ներս։
Համայնքային շրջանակներուն ուշադրութիւնը երէկ կեդրոնացած էր Ֆէրիգիւղի վրայ, ուր տեղի ունեցաւ թաղի Մէրամէթճեան վարժարանի ի նպաստ տարեկան հանգանակութիւնը։ Կրօնական եւ աշխարհիկ արարողութիւններուն նախագահեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որ տուաւ նաեւ օրուան պատգամը։
Երէկ, Ոսկի աշնան աւանդական խրախճանքը տեղի ունեցաւ Թոփգաբուի Լեւոն-Վարդուհեան վարժարանի պարտէզին մէջ։ Կեդրոնական սանուց միութեան վարչութեան ատենապետ Գէորգ Սիմքէշեանի կողմէ գլխաւորուած միջմիութենական յանձնախումբը կազմակերպած էր այս տարուան խրախճանքը, որ անցաւ խանդավառ մթնոլորտի մը մէջ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան դէպի գաւառ իր ուղեւորութեան հերթական փուլին երէկ շփումներ ունեցաւ Սեբաստիոյ մէջ։ Պատրիարքական փոխանորդ Տ. Գրիգոր Աւ. Քհնյ. Տամատեանի ընկերակցութեամբ ան քաղաքավարական այցելութիւններ տուաւ Սեբաստիոյ կուսակալ Եըլմազ Շիմշէքին եւ քաղաքապետ Հիլմի Պիլկինին։
Գատըգիւղի Արամեան-Ունճեան վարժարանին մէջ Թարգմանչաց տօնն ու Հայ մշակոյթի շաբաթը նշուեցան աւանդական խանդավառութեամբ։ Մշակուած ծրագրին դպրոցի բոլոր դասարաններու սաները մասնակցութիւն բերին։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան այս օրերուն այցելութիւն մը կու տայ գաւառի մեր համայնքներուն։ Ամեն. Ս. Պատրիարք Հօր ուղեւորութեան ծրագիրը կ՚ընդգրկէ Մալաթիան ու Սեբաստիան։ Նորին Ամենապատուութեան կ՚ընկերանայ Պատրիարքական փոխանորդ Տ. Գրիգոր Աւ. Քհնյ. Տամատեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր հիւրընկալեց Ֆէրիգիւղի Ս. Վարդանանց եկեղեցւոյ թաղային խորհուրդի ատենապետ Մանուկ Էօղէրն ու գործակից ընկերները։ Ներկայ էր նաեւ եկեղեցւոյ հոգեւոր հովիւ Տ. Շիրվան Քհնյ. Միւրզեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր հիւրընկալեց Էյուպի Ս. Աստուածածին եկեղեցւոյ թաղային խորհուրդի ատենապետ Արթօ Արմանն ու գործակից ընկերները։ Հիւրերու շարքին էին թէ՛ այժմու թաղականներ եւ թէ՛ յառաջիկայ ընտրութիւններուն թաղականի թեկնածու առաջադրուած դէմքեր։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Իսթանպուլի մօտ Գերմանիոյ աւագ հիւպատոս Եոհաննէս Եկէնպրեխտը։ Ամեն. Ս. Պատրիարք Հայրը զրոյցի ընթացքին բացատրութիւններ տուաւ Աթոռի պատմութեան, գործունէութեան եւ առաքելութեան շուրջ։
Համայնքային շրջանակները կ՚ողջունեն Օրթագիւղի եկեղեցւոյ թաղային խորհուրդի ընտրութեան արդիւնքը:
Սարգիս Չեթինքայա եւ գործակից ընկերները լայնախարիսխ զօրակցութեան առարկայ կը դառնան՝ ժողովրդական ամուր յենարաններով: Նորընտիր կազմը պաշտօնի ձեռնարկելու համար կը սպասէ Վաքըֆներու ընդհանուր տնօրէնութեան վաւերացման:
