Թրքահայ կեանք

ՊԱՏԿԵՐԷՆ ԱՆԴԻՆ…

Գոհունակութեամբ կը տեղեկանանք, որ այս ամսավերջին Պէյօղլուի «Öktem Aykut» գեղարուեստասրահին մէջ տեղի պիտի ունենայ յայտնի նկարիչ Արէտ Կըճըրի ցուցահանդէսը։ Սեպտեմբերի 25-ին պիտի սկսի ձեռնարկը, որ կոչուած է՝ «Պատկերէն անդին»։

ԹՈՓԳԱԲՈՒԻ ԸՆՏԱՆԻՔԻ ՊԱՏԱՍԽԱՆԱՏՈՒՆԵՐԸ ՎԵՐԱՄՈՒՏԻ ԱՌԹԻՒ ԱՅՑԵԼԵՑԻՆ ՖԱԹԻՀԻ ՔԱՂԱՔԱՊԵՏԱՐԱՆԸ

Թոփգաբուի ընտանիքի վարիչները 2024-2025 կրթական շրջանի սկիզբին առթիւ այցելութիւն մը տուին Ֆաթիհի քաղաքապետ Էրկիւն Թուրանին։ Ս. Նիկողայոս եկեղեցւոյ թաղային խորհուրդի ատենապետ Նուրհան Սուճուեան, Լեւոն-Վարդուհեան վարժարանի տնօրէնուհի Անիթա Թումայեան եւ այլ պատասխանատուներ մասնակցեցան քաղաքապետարանի հանդիպման։

ԿԱՐԷՆ ՍՐԿ. ՀԱՄԱՄՃԵԱՆԻ ԱՅՑԸ

Երէկ, հաճոյքն ունեցանք խմբագրատանս մէջ հիւրընկալելու Կարէն Սրկ. Համամճեանը, որ Լոս Անճելըսէն է եւ այս ամրան շրջանը կ՚անցընէ քաղաքիս մէջ։ Հայց. Առաքելական Եկեղեցւոյ Հիւսիսայի Ամերիկայի Արեւմտեան թեմի արժէքաւոր սպասաւորներէն է տիրացու Կարէն Սրկ. Համամճեանը, որուն ընկերացաւ Տ. Յարութիւն Վրդ. Տամատեան։

ԷՍԱԵԱՆԻ ԸՆՏԱՆԻՔԸ ՎԵՐԱԴԱՐՁԱՒ «ԻՄԱՍՏՈՒԹԵԱՆ ՏԱՃԱՐ»Ը

Էսաեան վարժարանին մէջ 2024-2025 կրթական շրջանի սկիզբը դրուեցաւ՝ ընտանեկան մեծ համախմբումի մը մթնոլորտով։ Վերամուտի եռուզեռը զգալի էր ամէնուրեք։ Մինչ տղաքը ամրան արձակուրդէն վերջ զիրար վերագտնելու երջանկութիւնը կ՚ապրէին, կրթական մշակներն ու դպրոցի միւս պատասխանատուներն ալ աշխատանքային նոր շրջանին ընդառաջ համակուած էին բարձր տրամադրութեամբ։

ԱՄԵՆԱՊԱՏԻՒ ՍՐԲԱԶԱՆ ՊԱՏՐԻԱՐՔ ՀԱՅՐԸ ՄԱՍՆԱԿՑԵՑԱՒ ՍՈՒՐԲ ԽԱՉ ԴՊՐԵՎԱՆՔԻ ՎԵՐԱՄՈՒՏԻ ՀԱՆԴԷՍԻՆ

Ս. Խաչ դպրեվանքի ընտանիքը այս տարի եւս վերամուտը դիմաւորեց՝ հաստատութեան վանահօր՝ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի օրհնութեամբ։ 2024-2025 տարեշրջանի մեկնարկին ձօնուած հանդէսը համախմբեց Ամեն. Ս. Պատրիարք Հայրը, հոգեւորականաց դասէն ներկայացուցիչներ, Ս. Խաչ դպրեվանքի պատասխանատուներն ու սաները։

ԳԱԼՖԱԵԱՆ ՏԱՆ ՄԷՋ ՎԵՐԱՄՈՒՏԻ ԱՌԹԻՒ ՈԳԵՒՈՐ ՀԱՆԴԷՍ

2024-2025 կրթական շրջանը Գալֆաեան տան մէջ սկսաւ բարձր տրամադրութեամբ։ Վարժարանի աշակերտութիւնը ջերմօրէն շրջապատուեցաւ բոլոր պատասխանատուներու, նաեւ ծնողներու եւ հիւրերու կողմէ։

Էջեր