Թրքահայ կեանք

Գնալը կղզիի Ս. Գրիգոր Լուսաւորիչ եկեղեցւոյ մէջ անցեալ շաբաթավերջին եզրափակուեցաւ այն ձեռնարկներու շարքը, որ կեանքի կոչուեցաւ օգոստոսի վերջին շաբթուան տեւողութեան։ Օգոստոս ամսուան վերջին շաբթուան բոլոր օրերուն Գնալը կղզիի բարձունքին տեղի ունեցան մեր հաւաքական կեանքին, մեր մշակութային կեանքին տեսակէտէ յատկանշական զանազան ձեռնարկներ։

Երեւանի «Վան» դհոլահարներու համոյթի եւ Վանաձորի «Հորովել» մանկապատանեկան պարերու համոյթի անդամները՝  գլխաւորութեամբ իրենց ընդհանուր ղեկավար Արսէն Աւետիսեանի եւ գեղարուեստական ղեկավար Ալպերթ Օրտինեանի, երէկ այցելեցին Պատրիարքարան, ուր յանուն Պատրիարքական ընդհանուր փոխանորդ Տ. Արամ Արք. Աթէշեանի ընդունուեցան լուսարարապետ Տ. Թաթուլ Ծ. Վրդ. Անուշեանի կողմէ։

Գնալը կղզիի Ս. Գրիգոր Լուսաւորիչ եկեղեցւոյ սրահին մէջ երէկ երեկոյեան տեղի ունեցաւ թատերական ձեռնարկ մը, որ առիթ դարձաւ մեծ խանդավառութեան։ Թատրոնի այս երեկոյթի ծրագիրը կեանքի կոչուեցաւ յայտնի արուեստագէտ Արամ Կոստանեանի վերահսկողութեան ներքեւ։

Գնալը կղզիի Ս. Գրիգոր Լուսաւորիչ եկեղեցւոյ մէջ երէկ երեկոյեան տեղի ունեցաւ խանդավառ համերգ մը, որով եկեղեցւոյ շրջափակէն ներս ստեղծուեցաւ տօնական մթնոլորտ։ Այսպէս, Ներսէսեան դպրաց դասու մանկապատանեկան կազմը եւ Կազդուրման կայանի երգչախումբը հանդէս եկան համատեղ համերգով մը։

Երէկ երեկոյեան, Գարակէօզեան Տան Գնալը կղզիի Կազդուրման կայանի «Գրիգոր Ճամպազեան» խաղավայրին մէջ տեղի ունեցաւ մանկանց խանդավառ հանդէս մը, որու ընթացքին ստեղծուեցաւ աննախընթաց մթնոլորտ։ Եղանակի փակման հանդիսութիւն մըն էր այս մէկը։ Թէ՛ Կազդուրման կայանի եւ թէ Գնալը կղզիի Ս. Գրիգոր Լուսաւորիչ եկեղեցւոյ Ներսէսեան դպրաց դասուն նախաձեռնութեամբ կազմակերպուած ամառնային ծրագրերու վերջակէտը դրուեցաւ երէկուան հանդէսով։

Շիշլի մարզակումբի վարչութեան նախաձեռնութեամբ վերջերս երկու մրցաշարքեր կազմակերպուեցան Գնալը կղզիի մէջ։ Այդ մրցաշարքերէն մին ձօնուած էր ակումբի նորոգ հանգուցեալ պատուոյ նախագահ Ղազարոս Ունանի յիշատակին։ Լուսահոգի Ղազարոս Ունանի ոգեկոչման համար շիշլիցիները կազմակերպեցին ֆութսալի մրցաշարք մը։

Գնալը կղզիի Ս. Գրիգոր Լուսաւորիչ եկեղեցւոյ մէջ երէկ տօնական օր մը ապրուեցաւ՝ Ներսէսեան դպրաց դասու հիմնադրութեան 161-րդ եւ վերակազմութեան 36-րդ կրկնակ տարեդարձներուն առթիւ։ Առաւօտեան կանուխ ժամերէն սկսեալ մեծ եռուզեռ մը ստեղծուեցաւ եկեղեցւոյ շրջափակէն ներս։

Իս­լա­մա­կան աշ­խար­հի «Քուր­պան»ի տօ­նին առ­թիւ Թուր­քիա ար­դէն ին­նօ­րեայ ար­ձա­կուր­դի մը մտած է։ Ըստ ըն­կա­լեալ սո­վո­րու­թեան, թերթս ալ պայ­րա­մի օ­րե­րուն կ՚առ­նէ դա­դար մը՝ ա­պա­հո­վե­լու հա­մար մեր անձ­նա­կազ­մի մահ­մե­տա­կան ան­դամ­նե­րու հան­գիս­տը։

Երէկ երեկոյեան, յայտնի երգիչ Ալեքս Թաթարեան ելոյթով մը հանդէս եկաւ Գարակէօզեան Տան Գնալը կղզիի Կազդուրման կայանին մէջ։ Երեկոյթին ներկայ էր նաեւ Պատրիարքական ընդհանուր փոխանորդ Տ. Արամ Արք. Աթէշեան, որու կողքին էին Տ. Եղիշէ Վրդ. Ուչքունեան եւ Տ. Յարութիւն Աբեղայ Տամատեան։

Գնալը կղզիի լողաւազանի ակումբին մէջ նախընթաց երեկոյեան ելոյթով մը հանդէս եկաւ Հայաստանէն «Լապտերներ» պատանիներու երաժշտախումբը, որ հիւրաբար կը գտնուի քաղաքիս մէջ։ Գարակէօզեան Տան Գնալը կղզիի Կազդուրման կայանին կողմէ կը հիւրընկալուի այս խումբը, որու նախընթաց օրուան համերգը ստեղծեց մեծ խանդավառութիւն։