Պատրիարքական Աթոռը տեղեկացաւ, որ Կրօնական Ժողովի Ատենապետ Գերշ. Տ. Սահակ Եպսկ. Մաշալեան շնորհաւորական նամակ մը ուղարկած է Հանրապետութեան նախագահ Րէճէպ Թայյիպ Էրտողանին։ Մամուլի մէջ հրապարակուած լուրերու համաձայն, կը պնդուի, թէ Սահակ Եպսկ. Մաշալեանը նախապէս նամակէն իրազեկ դարձուցած է Պատրիարքական Ընդհանուր Փոխանորդ Տ. Արամ Արք. Աթէշեանը։
Շիշլի մարզակումբի վարչութիւնը Գնալը կղզիի մէջ վերջերս կազմակերպեց ճատրակի մրցաշարք մը։ «Ճաշ» ճաշարանի հետ համագործակցութեամբ եւ անոր երդիքին տակ տեղի ունեցաւ այս մրցաշարքը, որ երկրորդն էր իր նմաններու շարքին։ Մրցաշարքին մասնակցեցաւ 31 մարզիկ։
Հայ մարմնամարզական ընդհանուր միութեան (ՀՄԸՄ) հիմնադրութեան 100-ամեակի ներկայ յոբելենական շրջանին, երէկ, ոգեկոչման յատկանշական արարողութիւն մը տեղի ունեցաւ մեր համայնքին մէջ։ Այսպէս, Պատրիարքական ընդհանուր փոխանորդ Տ. Արամ Արք. Աթէշեանի տնօրինութեամբ, երէկ հոգեհանգստեան պաշտօն կատարուեցաւ հոգելոյս մանկավարժ Յովհաննէս Հինդլեանի շիրմին վրայ։
Patrikhanemiz, Ruhani Meclis Başkanı Sayın Episkopos Sahak Maşalyan tarafından Cumhurbaşkanımız Sayın Recep Tayyip Erdoğan’a bir kutlama mektubu gönderilmiş olduğuna vakıf olmuştur. Basındaki haberlere göre, kendileri bu konuda Patrik Genel Vekili Sayın Başepiskopos Aram Ateşyan’ı önceden bilgilendirdiğini iddia etmiştir.
Պատրիարքական ընդհանուր փոխանորդ Տ. Արամ Արք. Աթէշեան երէկ Գումգաբուի մէջ հիւրընկալեց Սամաթիոյ Ս. Գէորգ եկեղեցւոյ թաղային խորհուրդի ատենապետ Եսայի Տեմիրն ու իր գործակից ընկերները։ Այս տարի Սամաթիոյ տարեկան աւանդական մատաղօրհնութիւնը տեղի պիտի ունենայ 30 սեպտեմբերին։
Պատրիարքական ընդհանուր փոխանորդ Տ. Արամ Արք. Աթէշեան Անգարայի մէջ Հանրապետութեան նախագահ Րէճէպ Թայյիպ Էրտողանի պաշտօնակալման արարողութեան մասնակցելէ վերջ վերադարձաւ քաղաքս։ Գումգաբուի աղբիւրները երէկ հրապարակեցին Պեշթեփէի համալիրին մէջ նկարահանուած Հանրապետութեան նախագահ Էրտողանի եւ նորին սրբազնութեան լուսանկարը։
«Արաս» հրատարակչութիւնը վերջերս լոյս ընծայեց երկու գիրքեր, որոնք յատկանշական կը համարուին պատմական յիշողութեան տեսակէտէ։ Այդ գիրքերէն մին կը կոչուի «Նամակ՝ Հիթլէրին»։ Միւս գիրքը կը կոչուի «Ուղեւորութիւն՝ գոյներու երկիր»։
Հայ մարմնամարզական ընդհանուր միութիւնը (ՀՄԸՄ) այս տարի կը նշէ իր հիմնադրութեան 100-ամեայ յոբելեանը։ Այս առթիւ յառաջիկայ օրերուն Երեւանի մէջ նախատեսուած են մեծ տօնակատարութիւններ, որոնք պիտի համախմբեն ՀՄԸՄ-ի աշխարհատարած ցանցի ներկայացուցիչները։
Հայ Եկեղեցւոյ Համաշխարհային երիտասարդաց միաւորման նախաձեռնութեամբ կազմակերպուած երիտասարդաց հաւաքը, որ անցեալ շաբաթ տեղի ունեցաւ Ծաղկաձորի մէջ, երէկ հասաւ իր աւարտին։ Եզրափակիչ փուլը նախատեսուած էր Երեւանի Ս. Գրիգոր Լուսաւորիչ Մայր Տաճարին մէջ։ Պայծառակերպութեան տաղաւարին զուգադիպեցաւ երիտասարդաց հաւաքի եզրափակիչ փուլը։
Գարակէօզեան Տան Գնալը կղզիի Կազդուրման կայանին մէջ երէկ երեկոյեան տեղի ունեցաւ խանդավառ համերգ մը։ Այսպէս, ելոյթով մը հանդէս եկաւ Հայաստանէն երիտասարդ երգիչ Սարգիս Հարոյեան։
