Թրքահայ կեանք

2017-2018 կրթական շրջանի եզրափակիչ փուլը Ֆէրիգիւղի Մէրամէթճեան վարժարանէն ներս բնորոշուեցաւ զանազան ձեռնարկներով ու պտոյտներով։ Դպրոցէն ներս տեղի ունեցած  ձեռնարկներու ծիրէն ներս՝ 4-րդ դասարանի աշակերտները ստացան իրենց վկայականները։

Թոփ­գա­բուի Լե­ւոն-Վար­դու­հեան վար­ժա­րա­նէն խումբ մը ա­շա­կերտ­ներ վեր­ջերս այ­ցե­լե­ցին նկա­րիչ Տա­րօն Մու­րա­տեա­նի ցու­ցա­հան­դէ­սը, որ բա­ցուած է «Քա­տիր Հաս» հա­մալ­սա­րա­նէն ներս։ «Բա­ցա­յայտ գաղտ­նի խաղ» խո­րագ­րեալ այս ցու­ցա­հան­դէ­սը պատ­րաս­տուած է Փրոֆ. Հա­սան Պիւ­լենտ Քահ­րա­մա­նի կող­մէ

Իսթանպուլի երեսփոխան Մարգար Էսաեան երէկ այցելեց Սուրբ Փրկիչ Ազգային հիւանդանոց, ուր հիւրընկալուեցաւ Հոգաբարձութեան ատենապետ Պետրոս Շիրինօղլուի կողմէ։ Ինչպէս ծանօթ է, Մարգար Էսաեան ԱՔ կուսակցութեան կողմէ դարձեալ թեկնածու առաջադրուած է յառաջիկայ ընտրութիւններուն համար։

Սամաթիոյ ընտանիքը երէկ խանդավառ երեկոյթով մը հրաժեշտ տուաւ թաղի Սահակեան-Նունեան լիսէի 2017-2018 կրթական շրջանի հունձքին։ Լիսէի 49-րդ շրջանաւարտներուն ի պատիւ երէկ երեկոյեան հանդէս մը տեղի ունեցաւ դպրոցի պարտէզին մէջ։ Այս հաւաքոյթը առիթ հանդիսացաւ մեծ ոգեւորութեան։

Պաքըրգիւղի Տատեան վարժարանին մէջ տարեվերջի շրջանին տեղի ունեցան երգի ու պարի ներկայացումներ։ Համայնքային զանազան վարժարաններէ աշակերտներ ներկայացուցին անցեալ եղանակին իրենց ծաւալած աշխատանքի արդիւնքը։

Գատըգիւղի Արամեան-Ունճեան վարժարանէն ներս 2017-2018 կրթական շրջանը եզրափակուեցաւ փառատօնի շաբաթով մը։ Աւանդական այս ծրագրի շրջագծին մէջ, դպրոցի զանազան անկիւններուն տղաքը իրականացուցին բազմաբնոյթ ձեռնարկներ։ Փառատօնը իսկապէս մեծ եռուզեռի մը մթնոլորտը ստեղծեց դպրոցէն ներս։

Թոփգաբուի Լեւոն-Վարդուհեան վարժարանի 2017-2018 տարեշրջանի հունձքը հրաժեշտ առաւ մասնաւոր խրախճանքով մը։ Դպրոցի չորրորդ դասարանը աւարտած աշակերտները եւս մասնակից դարձան այս ծրագրին։ Թաղի Ս. Նիկողայոս եկեղեցւոյ յարակից «Իլգգան» սրահին մէջ տեղի ունեցաւ հանդիսութիւնը։

Սամաթիոյ Անարատ Յղութիւն վարժարանին մէջ նախընթաց օր տեղի ունեցաւ մասնաւոր հանդէս մը, որով այս տարուան շրջանաւարտները ստացան իրենց վկայականները։

Պատրիարքական ընդհանուր փոխանորդ Տ. Արամ Արք. Աթէշեան կը պատրաստուի այցելել Կրետէ կղզի, Յունաստան։ Ինչպէս ծանօթ է, Կրետէ կղզիի հայ առաքելական համայնքը մաս կը կազմէ Պոլսոյ Պատրիարքական Աթոռի հոգեւոր իշխանութեան սահմաններուն։
Յաջորդ տարի՝ 2019 թուականին պիտի նշուի Կրետէ կղզիի Ս. Կարապետ եկեղեցւոյ հիմնադրութեան 350-ամեակը։ 

Պատրիարքական ընդհանուր փոխանորդ Տ. Արամ Արք. Աթէշեան երէկ յետմիջօրէին հիւրընկալեց Իսթանպուլի երեսփոխան Մարգար Էսաեանը։ Ինչպէս ծանօթ է, յառաջիկայ 24 Յունիսի կանխահաս ընտրութիւններուն Մարգար Էսաեան վերստին երեսփոխանի թեկնածու առաջադրուած է ԱՔ կուսակցութեան կողմէ։