Էսաեան վարժարանի մէջ 2017-2018 կրթական շրջանի վերջին օրերուն տեղի ունեցաւ գրական հանդէս մը, որ ձօնուած էր անմահ բանաստեղծ Վահան Թէքէեանի ծննդեան 140-ամեակի յոբելեանին։ Լիսէի բաժնի աշակերտները մասնակցութիւն բերին յայտագրին, որով արժեւորուեցաւ Վահան Թէքէեանի կեանքն ու գործունէութիւնը։
Գատըգիւղի Արամեան-Ունճեան վարժարանին մէջ տեղի ունեցան գիտութեան եւ անգլերէնի օրեր։ Փառատօնի ձեւաչափով կազմակերպուած ծրագրերուն աշակերտները խանդավառ մասնակցութիւն բերին։
Էսաեան սանուց միութեան «Մարալ» համոյթը այցելութիւն մը կ՚իրականացնէ դէպի Հայաստան։ Էսաեան սանուց միութեան հիմնադրութեան մօտաւոր անցեալի 70-ամեայ յոբելենական շրջանին կազմակերպուած ծրագրին կրկնութիւնը յառաջիկայ օրերուն տեղի պիտի ունենայ Երեւանի մէջ։
Գալֆաեան Տան 2017-2018 շրջանի հունձքը դպրոցէն հրաժեշտ առաւ փայլուն հանդիսութիւնով մը։ Սկիւտարի սանուց միութեան երդիքին տակ կազմակերպուած հաւաքոյթին ներկայ գտնուեցան Տ. Յարութիւն Աբեղայ Տամատեան, Տ. Գրիգոր Ա. Քհնյ. Տամատեան, խնամակալները, վարժարանի տնօրէնուհի Թամար Ներկիզ, ուսուցչաց կազմի անդամներ, ծնողներ եւ հիւրեր։
Գումգաբուի ընտանիքը շաբաթավերջին հրաժեշտ տուաւ Պէզճեան Մայր վարժարանի 2017-2018 կրթական շրջանի հունձքին։ Դպրոցի 188-րդ շրջանաւարտներուն ի պատիւ հանդիսութիւն մը տեղի ունեցաւ Աթոռանիստ Մայր եկեղեցւոյ համալիրէն ներս։
Պէյքոզի Ս. Նիկողայոս եկեղեցւոյ մէջ շաբաթավերջին մեծ խանդավառութիւն ապրուեցաւ՝ հիմնադրութեան 242-րդ տարեդարձին առթիւ։ Կրօնական եւ աշխարհիկ աւանդական արարողութիւններուն հանդիսապետեց Կրօնական ժողովի ատենապետ Տ. Սահակ Եպսկ. Մաշալեան, որ տուաւ նաեւ օրուան պատգամը։
Գումգաբուի Աթոռանիստ Մայր եկեղեցւոյ համալիրէն ներս երէկ երեկոյեան տեղի ունեցաւ Կեդրոնական վարժարանի շրջանաւարտութեան հանդէսը։ Դպրոցի այս տարուան հունձքը հրաժեշտ առաւ խանդավառ հանդիսութիւնով մը, որու ձեւաչափը վերջին տարիներուն դարձած է աւանդական։
Ֆէրիգիւղի Մէրամէթճեան վարժարանի 2017-2018 կրթական շրջանի հունձքին համար երէկ երեկոյեան տեղի ունեցաւ վկայականներու բաշխման հանդիսութիւն մը։ Դպրոցի պարտէզին մէջ կազմակերպուած այս հաւաքոյթը առիթ հանդիսացաւ մեծ խանդավառութեան։
Էսաեան վարժարանին մէջ վերջին օրերուն հանդէս մը տեղի ունեցաւ՝ 2017-2018 կրթական շրջանի փակման առթիւ։ Դպրոցի բոլոր աշակերտները իրենց մասնակցութիւնը բերին այս հանդէսի ծրագրին։
Բանկալթըի Մխիթարեան վարժարանը, վերջերս, տուն դարձաւ մանկապարտէզի դասարաններու տարեվերջի հանդէսին, որ տեղի ունեցաւ յետմիջօրէին վարժարանի հանդիսասրահին մէջ, ներկայութեամբ Հ. Յակովբոս Ծ. Վրդ. Չօփուրեանի, Մատակարար մարմնի ատենապետ եւ անդամներու, վարժարանի տնօրէնութեան, ուսուցչաց կազմի եւ ծնողներու:
