Էսաեան վարժարանէն խումբ մը սաներ Ամանորի եւ Սուրբ Ծննդեան տօներու շրջանին այցելեցին Պէյօղլուի կարգ մը սրբավայրերը։ Այսպէս, իրենց ուսուցիչներուն հսկողութեամբ, տղաքը նախ ծանօթացան Սեն թ՚Անթուան լատին կաթոլիկ եկեղեցիին, ուր տեսան համապատասխան դաւանանքի աւանդութիւններուն հիման վրայ պատրաստուած մսուրը։
Երէկ, հաճոյքն ունեցանք խմբագրատանս մէջ հիւրընկալելու Եշիլգիւղի Ս. Ստեփանոս եկեղեցւոյ թաղային խորհուրդի ներկայացուցիչները։ Շաբաթավերջին, թաղի վարժարանին ի նպաստ նախատեսուած է տարեկան հանգանակութիւնը՝ եկեղեցւոյ անուան տօնախմբութեան զուգահեռ։
Կեդրոնական վարժարանի սաները երէկ այցելեցին Անգլիոյ հիւպատոսարանը՝ լուսանկարչական ցուցահանդէս մը շրջելու համար։ Աշակերտները հիւրընկալեցին նախագծի պատասխանատուները՝ Էվրիմ Քարաճան եւ Տենիզ Ճենկիզ։ Խումբին ուղեկցեցան Ղալաթիոյ խնամակալութեան ատենապետ Մկրտիչ Արծիւեան եւ դպրոցի ուսուցչական կազմէն Անի Փայլան։
Երէկ, Գումգաբուի Ս. Աստուածածին Աթոռանիստ Մայր եկեղեցւոյ մէջ տեղի ունեցաւ նորոգ հանգուցեալ Եդուարդ Թովմասեանի փառաշուք յուղարկաւորութիւնը, որ վերածուեցաւ իր վայելած համատարած սիրոյ ու համակրանքի վառ դրսեւորման։
Պէյօղլուի ընտանիքը շաբաթավերջին հիւրընկալեց հոգեբոյժ փրոֆ. Եանքը Եազկանը, որ Թուրքիոյ յառաջատար մասնագէտներու շարքին կը դասուի՝ կրթադաստիարակչական գծով։ Պէյօղլուի սուրբ եկեղեցեաց թաղային խորհուրդի եւ Էսաեան վարժարանի տնօրէնութեան նախաձեռնութեամբ կազմակերպուած ասուլիսը պսակուեցաւ յաջողութեամբ։
Կեդրոնական սանուց միութեան մէջ շաբաթավերջին տեղի ունեցաւ նկարչուհի Պերճուհի Պէրպէրեանի անհատական ցուցահանդէսին բացումը։ «Հոգւոյս գոյները» խորագրեալ ցուցահանդէսին բացումը համախմբեց բազմաթիւ գեղարուեստասէրներ, որոնք կը համակրին Պերճուհի Պէրպէրեանի ստեղծագործութեան։
Թերթս հրատարակութեան յանձնելու պահուն խոր ցաւով վերահասու եղանք, թէ իր մահկանացուն կնքած է «Արաս» հրատարակչատան հիմնադիրներէն Եդուարդ Թովմասեան, որ տասնամեակներէ ի վեր այդ կառոյցի սիւներէն հանդիսացած էր։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Կէտիկփաշայի «Հրանդ Տինք» դպրոցի կամաւոր հոգաբարձուներ՝ Արթօ եւ Դալար Հորոզօղլու ամոլն ու հաստատութեան այլ պատասխանատուները։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց «Eski İstanbul Sesleri» խումբի ներկայացուցիչները, որոնք փութացած էին մօտալուտ համերգի մը հրաւէրը ուղղելու։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Սուրբ Խաչ դպրեվանքի խնամակալութեան ատենապետ Ազատ Էօզկիւր Տեմիրճին, որու ընկերակիցներու շարքին էր վարժարանի տնօրէն Սերքան Քըյըճը։
