Թրքահայ կեանք

Նո­րոգ հան­գու­ցեալ Նա­տիա Կիւլ­մէզ­կիլ, ո­րու ան­ժա­մա­նակ կո­րուս­տը խոր ցաւ եւ յու­զում պատ­ճա­ռած է մեր ամ­բողջ հա­մայն­քին, ե­րէկ վեր­յի­շուե­ցաւ իր մա­հուան քա­ռաս­նից լրման առ­թիւ։ Ող­բա­ցեալ Նա­տիա Կիւլ­մէզ­կիլ ո­գե­կո­չուե­ցաւ Գում­գա­բուի մէջ։

Յա­ռա­ջի­կայ շաբ­թուան սկիզ­բին Ե­րե­ւա­նի մէջ տե­ղի պի­տի ու­նե­նայ ե­զա­կի հա­մերգ մը, ո­րու ծրագ­րին իր մաս­նակ­ցու­թիւ­նը պի­տի բե­րէ նաեւ պոլ­սա­հայ հա­մակ­րե­լի մե­ներգ­չու­հի Սի­պիլ։ Ե­րէկ, Ե­րե­ւա­նի մէջ այս նա­խագ­ծին մաս­նա­կից ա­րուես­տա­գէտ­նե­րը սար­քե­ցին հա­մա­տեղ մամ­լոյ ա­սու­լիս մը։ «Ար­մէնփ­րէս»ի հա­ղոր­դում­նե­րով, եր­գա­հան-ե­րա­ժիշտ ու եր­գիչ Տա­նիէլ Տե­քէր, որ ինք­զին­քը կո­չու­մով հայ կը հա­մա­րէ, այս հա­մեր­գին շրջագ­ծով ա­ռա­ջին ան­գամ հան­դէս պի­տի գայ ամ­բող­ջո­վին հա­յե­րէն եր­գա­ցան­կով մը։

Նկար­չու­հի Վեր­շա ներ­կա­յիս ան­հա­տա­կան նոր ցու­ցա­հան­դէ­սով մը կը ներ­կա­յա­նայ գե­ղա­րուես­տա­սէր հա­սա­րա­կու­թեան։ Ե­րէկ ե­րե­կո­յեան, Թեշ­վի­քիէի «Տե­րին­լիք­լէր» գե­ղա­րուես­տա­կան կեդ­րո­նին մէջ տե­ղի ու­նե­ցաւ Վեր­շա­յի ցու­ցա­հան­դէ­սին բա­ցու­մը։

Իս­թան­պու­լի ե­րես­փո­խան Սե­լի­նա Տո­ղան Ա­մե­րի­կա­յի Միա­ցեալ Նա­հանգ­նե­րու մէջ պար­գե­ւատ­րուե­ցաւ Հայ կա­նանց մի­ջազ­գա­յին ըն­կե­րակ­ցու­թեան (AIWA) կող­մէ։ Սե­լի­նա Տո­ղան, որ Պոս­թո­նի մէջ մաս­նակ­ցե­ցաւ AIWA-ի ե­ռօ­րեայ հա­մա­ժո­ղո­վին, մաս­նակ­ցե­ցաւ նաեւ ա­սու­լի­սի մը՝ «Քա­ղա­քա­կա­նու­թեան եւ հան­րա­յին կեան­քէն ներս կա­նանց ղե­կա­վա­րու­թիւ­նը» նիւ­թին շուրջ։ Պոս­թո­նի մէջ ի­րեն յանձ­նուե­ցաւ հան­րա­յին բնա­գա­ւա­ռէ ներս ղե­կա­վա­րու­թեան մրցա­նա­կը

Ե­րէկ, հա­ճոյքն ու­նե­ցանք խմբագ­րա­տանս մէջ ըն­դու­նե­լու Թաք­սի­մի Ս. Յով­հան Ոս­կե­բե­րան Հայ Կա­թո­ղի­կէ Ե­կե­ղեց­ւոյ նո­րան­շա­նակ հո­գե­ւոր հո­վիւ Տ. Վար­դան Ծ. Վրդ. Գա­զան­ճեա­նը, ո­րուն կ՚ըն­կե­րա­նար Սուրբ Յա­կոբ հի­ւան­դա­նո­ցի հա­սա­րա­կու­թեան հետ յա­րա­բե­րու­թիւն­նե­րու պա­տաս­խա­նա­տու Թա­լին Էր­կիւ­նէշ։ Ծա­նօթ է, որ Վար­դա­պե­տը վեր­ջին շրջա­նին Պէյ­րու­թէն՝ Զմմա­ռի վան­քէն քա­ղաքս փու­թա­ցած է հո­գե­ւոր սպա­սա­ւո­րու­թեան հա­մար։

«ԺԱՄԱՆԱԿ-100» մատենաշարի նոր՝ չորրորդ գիրքը խմբագրած են Գրիգոր Պըլտեան եւ Սեւան Տէյիրմենճեան:
Մեծանուն գրող Վահան Թէքէեանի գրիչէն թերթիս մէջ լոյս տեսած գործերը ամփոփուեցան հատորի մը ձեւաչափով:

Պէ­յօղ­լուի քա­ղա­քա­պե­տու­թեան նա­խա­ձեռ­նու­թեամբ, ներ­կա­յիս Թաք­սի­մի հրա­պա­րա­կին վրայ կազ­մա­կեր­պուած է փա­ռա­տօն մը, ո­րուն հա­մար նա­խա­տե­սուած է յիս­նօ­րեայ ծրա­գիր մը։ Պէ­յօղ­լուի յիս­նօ­րեայ փա­ռա­տօ­նը թէեւ ա­ռա­ջին ան­գամ կը կազ­մա­կեր­պուի, սա­կայն կ՚ար­ժա­նա­նայ մօ­տիկ հե­տաքրքրու­թեան։ Յայ­տա­գի­րը կ՚ընդգր­կէ շարք մը են­թա­կայ տօ­նա­վա­ճառ­ներ, ո­րոնք կեան­քի կը կո­չուին հեր­թա­կա­նու­թեամբ։

Ե­րէկ, հա­ճոյքն ու­նե­ցանք խմբագ­րա­տանս մէջ հիւ­րըն­կա­լե­լու Գում­գա­բուի Ս. Աս­տուա­ծա­ծին Ա­թո­ռա­նիստ Մայր ե­կե­ղեց­ւոյ թա­ղա­յին խոր­հուր­դի ա­տե­նա­պետ Հրանդ Մոս­կո­ֆեա­նը, ան­դամ­նե­րէն Նուր­հան Ճէմ­ճէ­մը եւ Պէզ­ճեան Մայր վար­ժա­րա­նի հիմ­նադ­րի ներ­կա­յա­ցու­ցիչ Սե­ւան Կիւ­րիւ­նը։

Թուր­քիոյ Հայ Կա­թո­ղի­կէ Հա­սա­րա­կու­թեան Վի­ճա­կա­ւոր Տ. Լե­ւոն Արք Զէ­քիեան ան­ցեալ Կի­րա­կի Թա­քսի­մի Ս. Յով­հան Ոս­կե­բե­րան ե­կե­ղեց­ւոյ մէջ մա­տոյց Ս. Պա­տա­րագ եւ խօ­սե­ցաւ քա­րոզ մը։ Ս. Պա­տա­րա­գի ըն­թաց­քին Զէ­քիեան Գե­րա­պայ­ծառ ծայ­րա­գոյն վար­դա­պե­տի գա­ւա­զան շնոր­հեց Հայր Վար­դան Գա­զան­ճեա­նին, որ Պէյ­րու­թէն ե­կած ըլ­լա­լով՝ մի­ջո­ցէ մը ի վեր կը պաշ­տօ­նա­վա­րէ քա­ղա­քիս մէջ, Հայ Կա­թո­ղի­կէից  Ար­քե­պիս­կո­պո­սա­րա­նի հո­վա­նա­ւո­րու­թեան ներ­քեւ։

Հրաչ եւ Յակոբ Քըրմըզեան եղբայրները ի յիշատակ իրենց ծնողաց Սկիւտարի գերեզմանատան Ս­. Խաչ թաղամասէն ներս ապահովեցին շքեղ շիրիմի մը կառուցումը:
Արքունի ճարտարապետներու Պալեան գերդաստանի անդամներու նորակերտ դամբարանի պաշտօնական բացման առթիւ հանդիսաւոր արարողութիւն: Պատրիարքական Ընդհանուր Փոխանորդ Տ. Արամ Արք. Աթէշեանի գլխաւորութեամբ կատարուեցաւ հոգեհանգստեան պաշտօն: Ներկայ էին նաեւ Իսթանպուլի գլխաւոր քաղաքապետ Քատիր Թոփպաշ, Մշակոյթի նախարարութեան խորհրդատու Էօմէր Արըսօյ եւ Վաքըֆներու ընդհանուր տնօրէն Ատնան Էրթէմ: Բարերարներուն յանձնուեցաւ օրհնութեան գիր մը՝ Պատրիարքական Աթոռին կողմէ: