Ս. Խաչ դպրեվանքի մէջ, Ս. Թարգմանչաց տօնի շրջանին այս տարի կեանքի կոչուեցաւ հետաքրքրական ծրագիր մը, որ համախմբեց համայնքային հինգ լիսէներու սաները։ Այսպէս, անմոռանալի գրող Զաւէն Պիպէռեանի յիշատակին ձօնուած պատմուածք գրելու փառատօն մը կազմակերպուեցաւ, ինչ որ առիթ դարձաւ աշակերտներու ստեղծագործական ձիրքերու դրսեւորման։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Գալֆաեան տան խնամակալութեան ատենապետ Ալֆրէտ Սունան եւ գործակից ընկերները։
Պէշիկթաշի Ս. Աստուածածին եկեղեցւոյ մէջ Նարեկացի դպրաց դաս-երգչախումբի նոր եղանակի աշխատանքները սկսան ընթրիքով մը։ Դպրաց դասու նախագահ Տ. Սարգիս Աւ. Քհնյ. Գույումճեանի գլխաւորութեամբ տեղի ունեցաւ այս ընթրիքը, որու ընթացքին ստեղծուեցաւ հաճելի մթնոլորտ։
Նախկին իսթանպուլահայ փրոֆ. տքթ. Տարօն Աճէմօղլու տնտեսագիտութեան գետնի վրայ արժանացաւ Նոպելեան մրցանակի:
Նոյն առթիւ Ն.Ա.Տ. Սահակ Բ. Պատրիարք Հայրը 15 հոկտեմբեր 2024, երեքշաբթի, շնորհաւորական նամակ մը յղեց փրոֆ. տքթ. Տարօն Աճէմօղլուին, բարձր գնահատեց հանրածանօթ գիտնականը եւ ըսաւ.
«Սրտի անհուն հրճուանքով տեղեկացանք, թէ ձեր գիտաշխատութեամբ արժանացած էք Նոպելեան մրցանակի։ Արժան եւ իրաւ։
Այս առաւօտ հաճոյքն ունեցանք խմբագրատանս մէջ հիւրընկալելու Գումգաբուի Ս. Աստուածածին Աթոռանիստ Մայր եկեղեցւոյ թաղային խորհուրդի ատենապետ Հրանդ Մոսկոֆեանն ու գործակից ընկերներէն Էֆրիմ Տեմիրճին եւ Կիւլպենկ Չաքարը։ Անոնց միացած էին նաեւ Պէզճեան Մայր վարժարանի հիմնադրի ներկայացուցիչ Ժանէթ Թոփլաճը Շիրինօղլու եւ տնօրէնուհի Քլոտիա Ալթըփարմաք Տեմիր։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ մասնակցեցաւ Սպանիոյ Ազգային տօնին առթիւ քաղաքիս մէջ կազմակերպուած պաշտօնական ընդունելութեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Էսաեան սանուց միութեան «Մարալ» երգի-պարի համոյթի վարիչները։ Հարկ է նշել, որ յառաջիկայ տարեմուտին «Մարալ»ի ելոյթը նախատեսուած է «Աթաթիւրք» մշակոյթի կեդրոնի բեմին վրայ:
«İletişim» հրատարակչութենէն լոյս տեսած Ռոպէր Քոփթաշի «Unufak» վէպը այս շրջանին գրասէրներու անմիջական ուշադրութեան կ՚արժանանայ։ Ընթերցասէրներու վառ ուշադրութեամբ պայմանաւորուած մթնոլորտին մէջ, շաբաթավերջին տեղի ունեցաւ Ռոպէր Քոփթաշի գիրքին շնորհանդէսը։
Իսթանպուլի ֆիլարմոնիի միութեան հիմնադրութեան 80-ամեակին ձօնուած յոբելենական ծրագրի շրջանակներէն ներս շաբաթավերջին տեղի ունեցաւ հերթական համերգը։ Հարկ է նշել, որ այս համերգաշարը կ՚արժանանայ երաժշտասէր հասարակութեան անմիջական հետաքրքրութեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Պալաթի Ս. Հրեշտակապետ եկեղեցւոյ թաղային խորհուրդի փոխ-ատենապետ Արիս Տեմիրն ու գործակից ընկերները։ Հանդիպման ներկայ էր նաեւ հոգեւոր հովիւ Տ. Ներսէս Քհնյ. Այվազեան։ Թաղականները ըստ ընկալեալ սովորութեան Գումգաբու այցելեցին եկեղեցւոյ մօտալուտ տարեկան անուան տօնախմբութեան առթիւ։
