Ֆէրիգիւղի Մէրամէթճան վարժարանի մանկապարտէզի փոքրիկներու տարեվերջի հանդէսը առիթ դարձաւ մեծ խանդավառութեան։ Թաղի «Շիրինօղլու» սրահին մէջ տեղի ունեցաւ ձեռնարկը, որու ընթացքին տղաքը ծափահարութիւններու արժանացան իրենց ելոյթներով։
Գարակէօզեան տան խնամակալութեան ատենապետ Տիգրան Կիւլմէզկիլ նախընթաց օր Կալաթասարայ մարզակումբի բազմանդամ պատուիրակութեան հետ Անգարայի մէջ ընդունուած էր Հանրապետութեան նախագահ Ռեճեփ Թայյիպ Էրտողանի կողմէ։
Երէկ, հաճոյքն ունեցանք խմբագրատանս մէջ հիւրընկալելու Եշիլգիւղի ընտանիքին կողմէ ներկայացուցիչներ։ Հարկ է նշել, որ այս շաբաթավերջին թաղի Սահակ-Մեսրոպ դպրաց դաս-երգչախումբի 111-րդ տարեդարձին առթիւ կրօնական եւ աշխարհիկ արարողութիւններ նախատեսուած են։
Էսաեան լիսէի աշակերտները երէկ այցելեցին «Վարպետ ձեռքերու կախարդանքը» ցուցահանդէսը, որ բացուած է Թոփհանէի «Tütün Deposu»ին մէջ։ «Պոլիս լուսատու» լուսանկարիչներու հարթակին կողմէ կազմակերպուած այս ցուցահանդէսը վերջին շրջանին կ՚արժանանայ գեղարուեստասէրներու անմիջական հետաքրքրութեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ մասնակցեցաւ Շուէտի ազգային տօնին առթիւ քաղաքիս մէջ կազմակերպուած պաշտօնական ընդունելութեան, որ տեղի ունեցաւ մասնակցութեամբ՝ հոգեւոր առաջնորդներու, դիւանագէտներու, գործարարներու, մտաւորականներու, հասարակական գործիչներու եւ հիւրերու։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Պէյօղլուի Ս. Երրորդութիւն եկեղեցւոյ մէջ մէկտեղուեցաւ համայնքային լիսէներու աւարտական դասարաններու աշակերտներուն հետ, որոնց շաբաթավերջի համալսարանի մտից քննութիւններուն ընդառաջ տուաւ իր օրհնութիւնը եւ յղեց յաջողութեան մաղթանքներ։
Թուրքիոյ Հայոց Պատիրարք Ամեն. Տ. Սահակ Ս. Արք. Մաշալեան երէկ մասնակցեցաւ Ամերիկայի Միացեալ Նահանգներու Ազգային տօնին (4 յուլիս) առթիւ քաղաքիս մէջ կազմակերպուած պաշտօնական ընդունելութեան։
Սամաթիոյ ընտանիքը ներկայ շաբաթը մեծ խանդավառութեամբ դիմաւորեց՝ Սահակեան-Նունեան վարժարանի մանկապարտէզի տարեվերջի հանդէսին շնորհիւ, որ տեղի ունեցաւ թաղի «Հրաչեայ Աճառեան» սրահին մէջ։
Թոփգաբուի Լեւոն-Վարդուհեան վարժարանին մէջ տեղի ունեցաւ չորրորդ դասարաններու շրջանաւարտութեան հանդէսը։ Դպրոցի նախակրթարանէն վկայեալ սաները ծափողջոյններու ներքեւ առարկայ դարձան Թոփգաբուի ընտանիքի պատասխանատուներու ջերմ վերաբերմունքին։
Ֆէրիգիւղի Սրբոց Վարդանանց եկեղեցւոյ հոգեւոր հովիւի նշանակման հարցին մէջ նոր իրավիճակ:
Ըստ ատենապետ Մանուկ Էօղէրի, վեղարաւորի մը այս պաշտօնին կոչուիլը թաղային խորհուրդին սրտով չէ եղած:
