Գոհունակութեամբ վերահասու կ՚ըլլանք, թէ Սուրբ Խաչ դպրեվանքի սաները վերջերս փայլուն յաջողութիւն մը արձանագրած են միջվարժարանային գիտական մրցոյթի մը ծիրէն ներս։ Այսպէս, դպրոցի գիտական ակումբի սաները մասնակցեցան Համաշխարհային բնապահպանական հիմնարկի (WWF) Թուրքիոյ մասնաճիւղին կողմէ կազմակերպուած՝ Բնութեան յառաջատարներու երիտասարդական խորհրդաժողովին։
Պէզճեան Մայր վարժարանի տնօրէնութեան նախաձեռնութեամբ երէկ տեղի ունեցաւ STEM մրցոյթը, որ երկրորդն էր իր տեսակին մէջ։ Միջվարժարանային այս նախաձեռնութիւնը առիթ դարձաւ մեծ խանդավառութեան։
Գատըգիւղի Արամեան-Ունճեան վարժարանին մէջ շաբաթավերջին տեղի ունեցաւ մանկապարտէզներու տարեվերջի հանդէսը։ Ներկայ էր նաեւ Գատըգիւղի Ս. Թագաւոր եկեղեցւոյ հոգեւոր հովիւ Տ. Զօհրապ Քհնյ. Ճիվանեան:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ մասնակցեցաւ Իտալիոյ Ազգային տօնին առթիւ քաղաքիս մէջ կազմակերպուած պաշտօնական ընդունելութեան։
Պաքըրգիւղի Տատեան վարժարանի «Տիգրան Կիւլմէզկիլ» սրահին մէջ, շաբաթավերջին տեղի ունեցաւ յատկանշական ձեռնարկ մը։ Համանուն սանուց միութեան կողմէ ձմրան շրջանին կազմակերպուած դասընթացքներու եզրափակիչ հանդէսը առիթ հանդիսացաւ մեծ խանդավառութեան։
Պէյօղլուի Լուսաւորիչ դպրաց դաս-երգչախումբը շաբաթավերջին հանդիսաւոր համերգով մը հանդէս եկաւ՝ իր հիմնադրութեան 95-ամեակին առթիւ։ Յոբելենական ձեռնարկը տեղի ունեցաւ Պէյօղլուի Ս. Երրորդութեան եկեղեցւոյ մէջ, ուր շաբաթ երեկոյեան երաժշտասէրներու հոծ բազմութիւն մը հաւաքուած էր։
Շիշլի մարզակումբի նախաձեռնութեամբ կազմակերպուած 2023-2024 շրջանի ձմրան դասընթացքները շաբաթավերջին եզրափակուեցան խանդավառ մթնոլորտի մը մէջ։ Ակումբի կեդրոնին, Գարակէօզեան տան եւ Տատեան վարժարանի մարզասրահներուն մէջ կազմակերպուած դասընթացքները այս տարի եւս պսակուեցան յաջողութեամբ։
Գալֆաեան տան մէջ առաջին դասարանի փոքրիկներու ընթերցման տօնը շաբաթավերջին մեծ խանդավառութեան առիթ հանդիսացաւ։ Տղաքը ամբողջ տարուան իրենց աշխատանքին արդիւնքը ներկայացուցին՝ արժանանալով ծափահարութիւններու:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթավերջին արարողութիւններուն նախագահեց Գուզկունճուքի Ս. Գրիգոր Լուսաւորիչ եկեղեցւոյ մէջ, ուր խօսեցաւ նաեւ քարոզ մը։
Երէկ երեկոյեան Ս. Խաչ դպրեվանքի մէջ տեղի ունեցաւ գեղարուեստական երեկոյթ մը, որու պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։ Դպրոցի թատրոնի ակումբի ջանքերով պատրաստուած ներկայացում մըն էր այս մէկը, որու առանցքին կը գտնուէր անմոռանալի նկարիչ Արշիլ Կորքի։
