Լրահոս

Էրտողան եւ Ռայիսի վճռական պատգամներ տուին ահաբեկչութեան դէմ համատեղ պայքարի համար:
Անգարա-Թեհրան երէկուան բանակցութիւններու ընթացքին օրակարգի վրայ եկաւ նաեւ Կովկասի առկայ իրադրութիւնը:

Ազգային մեծ ժողովին կողմէ Շուէտի ՆԱԹՕ-ի անդամակցութեան համար տրուած հաւանութիւնը անմիջապէս կ՚անդրադառնայ Թուրքիա-Ամերիկայի Միացեալ Նահանգներ յարաբերութիւններուն վրայ։

Ռուսաստանի արտաքին գործոց նախարար Սերկէյ Լաւրով յայտարարեց, որ Լեռնային Ղարաբաղի մէջ ռուս խաղաղապահներու տեղակայման հարցը Հայաստանին չի վերաբերիր, սա իր երկրի եւ Ատրպէյճանի երկկողմանի յարաբերութիւններու ծիրին մէջ է։

Եւրոխորհուրդի խորհրդարանական վեհաժողովը (ԵԽԽՎ) որոշեց պատժամիջոց մը սահմանել Ատրպէյճանի դէմ։ Այսպէս, քուէարկութեան արդիւնքով որոշուեցաւ չվաւերացնել Ատրպէյճանի պատուիրակութեան լիազօրութիւնները։

Թուրքիա-Իրան բարձր մակարդակի համագործակցութեան խորհուրդի 8-րդ ժողովը այսօր տեղի կ՚ունենայ, գլխաւորութեամբ երկու երկիրներու նախագահներուն՝ Ռեճեփ Թայյիպ Էրտողանի եւ Իպրահիմ Ռայիսիի։ Այս առթիւ, Էրտողանի հրաւէրին ընդառաջ Ռայիսի պաշտօնական այցելութիւն մը կու տայ Անգարա։

Եթովպիոյ Դաշնակցային Ժողովրդավարական Հանրապետութեան մօտ Հայաստանի Հանրապետութեան նորանշանակ արտակարգ ու լիազօր դեսպան Սահակ Սարգսեան երէկ մեկնեցաւ Ատիս Ապապա։

Երեւան Պաքուի մօտ քաղաքական կամքի բացակայութիւն կը տեսնէ՝ խաղաղութեան հաստատման համար:
Ըստ նախարար Արարատ Միրզոյեանի՝ Ատրպէյճանի հետ սահմանին վրայ նոր մագլցման հաւանականութիւնը միշտ առկայ է եւ Հայաստան նոր դաշնակիցներու կարիք կը զգայ անվտանգային հարցերը լուծելու ուղղութեամբ:

ՄԱԿ-ի Անվտանգութեան խորհուրդին բարձր մակարդակով յատուկ նիստը՝ Կազզէի հրատապ օրակարգով:
Հաքան Ֆիտան Նիւ Եորքի մէջ ընդգծեց, որ Իսրայէլի ինքնապաշտպանութեան պնդումները համոզիչ ըլլալէ դադրած են:

Ազգային մեծ ժողովը երէկ հաւանութիւն տուաւ Շուէտի ՆԱԹՕ-ի անդամակցութեան։ Համապատասխան արձանագրութիւնը խորհրդարանին կողմէ ընդունուեցաւ՝ ԱՔ կուսակցութեան, ՄՀՓ-ի, ՃՀՓ-ի եւ «Կելեճէք» կուսակցութեան երեսփոխաններու քուէներով։

ՄԻԹ-ի խորհրդական Իպրահիմ Քալըն երէկ Պաղտատի մէջ հանդիպումներ ունեցաւ Իրաքի Հանրապետութեան նախագահ Ապտիւլլաթիֆ Ռեշիտի եւ վարչապետ Մուհամմէտ Շիա Էս-Սուտանիի հետ։ Ան տեսակցեցաւ նաեւ շիի եւ սիւննի, ինչպէս նաեւ թիւրքմէն խմբաւորումներու ներկայացուցիչներուն հետ։