Լրահոս

ԴՐԱԿԱՆ ԱՌԱՋԱՐԿՆԵՐ

Թուրքիա այս շրջանին Մերձաւոր Արեւելքի ուղղեալ նախաձեռնութիւններուն մէջ Կազզէի պատերազմին համազօր առաջնահերթութիւն կ՚ընծայէ նաեւ Սուրիոյ իրադարձութիւններուն։ Անգարա-Դամասկոս առանցքին վրայ, ըստ երեւոյթին, հասունցած է բնականոնացման գործընթաց մը։

ԱՆՓՈՓՈԽ ՊԱՀԱՆՋ

Պաքուի ղեկավարութիւնը շաբաթավերջին հիւրընկալեց ԵԱՀԿ-ի ընդհանուր քարտուղար Հելկա Շմիթը, որ ընդունուեցաւ Ատրպէյճանի նախագահ Իլհամ Ալիեւի եւ արտաքին գործոց նախարար Ճէյհուն Պայրամովի կողմէ։

ԲԱԶՄԱՈԼՈՐՏ ԳՈՐԾԱԿՑՈՒԹԻՒՆ

Ամերիկայի Միացեալ Նահանգներու պետական քարտուղարի տեղակալ Ուզրա Զէյա շաբաթավերջին այցելեց Երեւան։ Բարձրաստիճան դիւանագէտը դէպի Հարաւային Կովկաս ձեռնարկած է ուղեւորութեան մը, որու առաջին փուլին շփումներ ունեցաւ Թիֆլիզի մէջ, ուրկէ անցաւ Երեւան։

ԱՂՄԿԱՐԱՐ ՅԱՐՁԱԿՈՒՄ

Ամերիկայի Միացեալ Նահանգներու մէջ, յառաջիկայ աշնան նախատեսուած նախագահական ընտրութեան ընդառաջ զգայացունց իրադարձութիւն մը տեղի ունեցաւ։ Այսպէս, շաբաթավերջին ձախող մահափորձ մը տեղի ունեցաւ նախկին նախագահ Տանըլտ Թրամփի դէմ, որ Հանրապետական կուսակցութեան կողմէ վերստին թեկնածու առաջադրուած է։

ՈՍԿԷ ՕՂԱԿՆԵՐՈՒ ՇԱՐԱՆ

Երեւանի «Ոսկէ ծիրան» 21-րդ շարժանկարի միջազգային փառատօնը շաբաթավերջին եզրափակուեցաւ հանդիսաւոր պայմաններու ներքեւ։ «Արմէնփրէս»ի հաղորդումներով, փառատօնի եզրափակիչ փուլը բնորոշեց մրցանակաբաշխման արարողութիւնը, որ տեղի ունեցաւ Երեւանի Շարժանկարի տան համալիրէն ներս։

ՀԱՅԿԱԿԱՆ ՊԱՍՔԵԹՊՈԼԻՆ ՏԵՍԱԿԷՏԷ ՀԵՌԱՆԿԱՐԱՅԻՆ ՅԱՋՈՂՈՒԹԻՒՆ

Հայկական մարզաշխարհը վերջին օրերուն ուշադրութեամբ հետեւեցաւ Եւրոպայի պասքեթպոլի առաջնութեան։ ՖԻՊԱ-ի կողմէ կազմակերպուած՝ մինչեւ 16 տարեկաններու «Եւրոպասքեթ-2024»ի C խմբաւորման մէջ Հայաստան նուաճեց երրորդ հորիզոնականը։

ՍՊԱՆԻԱ ԵՒՐՈՊԱՅԻ ԱԽՈՅԵԱՆ

Ամբողջ մարզական աշխարհի ուշադրութիւնը երէկ կեդրոնացած էր Եւրոպայի ֆութպոլի առաջնութեան աւարտականին վրայ։ Այսպէս, «Եւրօ-2024»ի ախոյեանը դարձաւ Սպանիոյ ազգային հաւաքականը, որ 2-1 արդիւնքով պարտութեան մատնեց Անգլիան։

ՄԻՋԱՆՑՔԻ ԲԱՑՈՒՄԸ ՄԻՇՏ ԿԻԶԱԿԷՏԻՆ

Հանրապետութեան նախագահ Ռեճեփ Թայյիպ Էրտողան ՆԱԹՕ-ի Ուաշինկթընի գագաթաժողովէն վերադարձի ճանապարհին հերթական անգամ խօսեցաւ Հայաստան-Ատրպէյճան յարաբերութիւններուն մասին։ Օդանաւին մէջ լրագրողներու հետ զրուցելու ժամանակ ան պատասխանեց հետեւեալ հարցման. «Իրանի մէջ նախագահ փոխուեցաւ։ Հայաստանի մէջ Փաշինեան խաղաղութեան կողմնակից նախադասութիւններ կը գործածէ։

Էջեր