Լրահոս

Ատրպէյճանի արտաքին գործոց նախարարութեան բանբեր Այհան Հաճիզատէ յայտնեց, որ Հայաստանի Սահմանադրութեան փոփոխութեան պահանջը օրինական է իր երկրին տեսակէտէ։

Ատրպէյճանի նախագահ Իլհամ Ալիեւ յայտնեց, որ Երեւանի եւ Պաքուի միջեւ խաղաղութեան պայմանագրի կնքումը անկարելի է, եթէ Հայաստանի Սահմանադրութիւնը մնայ անփոփոխ։ Ան պնդեց, որ իր երկիրը երբեւէ որեւէ տարածքային պահանջք չէ ունեցած՝ ներառեալ Հայաստանը։

Հայաստանի վարչապետ Նիկոլ Փաշինեան երէկ հեռախօսազրոյց մը ունեցաւ Հնդկաստանի վարչապետ Նարենտրա Մոտիի հետ։ Այս վերջնոյն կողմէ գլխաւորուած Ազգային ժողովրդավարական դաշինքը Հնդկաստանի վերջին խորհրդարանական ընտրութիւններէն յաղթական դուրս եկած է եւ այս կապակցութեամբ Փաշինեան շնորհաւորեց իր պաշտօնակիցը։

Երեւան-Սեւան մայրուղիին վրայ երէկ գիշեր կազալցակայանի մը մէջ ահաւոր դէպք մը. կան վիրաւորներ:
Հրշէջ գունդը մինչեւ առաւօտ աշխատեցաւ հրդեհը զսպելու եւ մարելու համար, երթեւեկն ալ արդէն վերսկսաւ:

Հայաստանի հեղեղներու պատճառով կառավարութիւնը կ՚ակնկալէ միջազգային աջակցութիւն:
Նախարար Գնել Սանոսեան. «Ենթակառուցուածքներու պարագային այլեւս գոյութիւն չունին խոշոր վնասներ»:

Արամ Խաչատուրեանի յիշատակին ձօնուած միջազգային մրցոյթը այս տարի տեղի կ՚ունենայ 20-րդ անգամ:
Երեւանի Օփերայի համալիրէն ներս համախմբուած երաժշտասէրները երէկ երեկոյեան անմոռանալի ապրումներ ունեցան:

Գոհունակութեամբ վերահասու կ՚ըլլանք, թէ Հայաստանի մէջ ճատրակի գծով ուշագրաւ վերելք մը կ՚արձանագրէ Յովակ Քորթմոսեան։ Խոստմնալից այս պատանին թերթիս սիւնակագիրներէն Վարանդ Քորթմոսեանի որդին է՝ իբր այդ ԺԱՄԱՆԱԿ-ի ընտանիքի հարազատներէն։

Հեղեղներէն վերջ առաջին անգամ Վրաստանէն երկաթուղիով Հայաստան պենզին եւ տիզել վառելանիւթ փոխադրուեցան:
Բազմաշերտ վնասներու պայմաններուն ներքեւ աղէտի գօտիէն ներս համաճարակի վտանգ՝ տիղմի եւ սատկած անասուններու պատճառով:

Հանրապետութեան նախագահ Ռեճեփ Թայյիպ Էրտողան երէկ հիւրընկալեց Կալաթասարայ մարզակումբին կողմէ բազմանդամ պատուիրակութիւն մը։ Հանդիպումը տեղի ունեցաւ Պեշթեփէի համալիրին մէջ, Անգարա։

Ատրպէյճանի արտաքին գործոց նախարար Ճէյհուն Պայրամով յայտարարեց, որ Հայաստանի հետ ենթադրեալ խաղաղութեան համաձայնագրի նախագիծին մէջ առկայ չլուծուած հարցերու թիւը նուազած է։