ՄԱԿ-ի ընդհանուր քարտուղար Անթոնիօ Կութերես Իսրայէլ-Պաղեստին պատերազմի առկայ մթնոլորտին մէջ զգուշացուց. «Անդունդի եզրին ենք»։ Ընդհանուր քարտուղարը կոչ ուղղեց, որպէսզի Իսրայէլ թոյլ տայ դէպի Կազզէ մարդասիրական օժանդակութեան, իսկ «Համաս»ն ալ ազատ արձակէ գերիները։
Հայաստանի արտաքին գործոց փոխ-նախարար Վահան Կոստանեան երէկ հերթական անգամ անդրադարձաւ Թուրքիոյ հետ յարաբերութիւններուն։ Իր խօսքով՝ հայկական կողմը պատրաստ է սահմանը բանալու եւ ներկայիս գնդակը կը գտնուի թրքական կողմի դաշտին մէջ։
Շաբաթավերջին Արցախի մայրաքաղաքը Ստեփանակերտի մէջ պաշտօնապէս ծածանիլ սկսաւ Ատրպէյճանի դրօշը։ Այսպէս, Ատրպէյճանի նախագահ Իլհամ Ալիեւ այցելեց Լեռնային Ղարաբաղ։ Ստեփանակերտի Վերածնունդի հրապարակին վրայ, Արցախի նախագահի ապարանքի շէնքին առջեւ ան պաշտօնապէս բարձրացուց իր երկրին դրօշակը։
Աշխարհահռչակ ջութակահար Արա Մալիքեան շաբաթավերջին համերգով մը հանդէս եկաւ Երեւանի մէջ։ «Կարէն Տեմիրճեան» մարզահամերգային համալիրի երդիքին տակ տեղի ունեցաւ ձեռնարկը, որ համախմբեց հոծ թիւով երաժշտասէրներ, որոնք ջերմօրէն ողջունեցին Արա Մալիքեանը։
Մերձաւոր Արեւելքի մէջ ծագած հրդեհը կը շարունակէ միջազգային օրակարգի կիզակէտին մնալ՝ մինչ համաշխարհային գետնի վրայ մեծ մտահոգութիւն կը տիրէ Իսրայէլ-Պաղեստին առկայ պատերազմի ողբերգական հետեւանքներուն եւ հաւանական ընդլայնման հեռանկարներուն բերումով։
Ռուսաստանի նախագահ Վլատիմիր Փութին յայտարարեց, որ այժմ՝ Ղարաբաղի իրադարձութիւններէն վերջ որեւէ խոչընդոտ չի տեսներ՝ Հայաստան-Ատրպէյճան խաղաղութեան պայմանագրի կնքման համար։ «Համոզուած եմ, թէ սա միանգամայն հնարաւոր է։ Կան զուտ թեքնիք հարցեր՝ կապուած սահմանազատման ու սահմանագծման հետ։
Իրանի արտաքին գործոց նախարար Ամիր Ապտուլլահիան յայտարարեց, որ եթէ Կազզէի հատուածին վրայ Իսրայէլի յարձակումները չդադրին, ապա հակամարտութիւնը կրնայ ընդլայնուիլ եւ այլ կողմեր եւս կրնան ներգրաւուիլ։ «Եթէ սիոնիստական վարչախումբին կողմէ իրականացուած այս կազմակերպուած պատերազմական յանցագործութիւնները անմիջապէս չդադրին, ապա կրնանք որեւէ հաւանականութիւն պատկերացնել», ըսաւ ան՝ Պէյրութի մէջ ունեցած շփումներուն զուգահեռ սարքած մամլոյ ասուլիսին ժամանակ։
Ամերիկայի Միացեալ Նահանգներու պետական քարտուղար Էնթընի Պլինքըն Իսրայէլ-Պաղեստին առկայ սաստիկ պատերազմի մթնոլորտին մէջ կ՚իրականացնէ տարածաշրջանային ուղեւորութիւն մը։ Շփումներու առաջին փուլին Իսրայէլի վարչապետ Պենիամին Նեթանիյահուի հետ տեսակցելէ վերջ, Էնթընի Պլինքըն հանդիպում մըն ալ ունեցաւ Պաղեստինի Ինքնավարութեան ղեկավար Մահմուտ Ապպասի հետ։
Երեւանի մէջ երէկ սկսաւ «Տիճիթեք-2023» տեղեկատուութեան փորձագիտութիւններու եռօրեայ տօնավաճառը, որ կազմակերպուած է 18-րդ անգամ։ Սա, ըստ էութեան, մեծ ցուցահանդէս մըն է, որուն կը մասնակցին բազում ընկերութիւններ, որոնք կ՚արտադրեն տրոններ, ելեկտրական մեքենաներ, կը զբաղին գիտահետազօտական ու տիեզերական հետազօտութիւններով, կը կատարեն ծրագրային ապահովման աութսորս ու կ՚իրականացնեն տեղական արտադրութիւն։
Ամերիկայի Միացեալ Նահանգներու պետական քարտուղար Էնթընի Պլինքըն երէկ Թել Աւիւի մէջ հանդիպում մը ունեցաւ Իսրայէլի վարչապետ Պենիամին Նեթանիյահուի հետ։ Պատերազմական ծանր իրավիճակի մէջ տեղի ունեցաւ պետական քարտուղարին ուղեւորութիւնը, որու շրջանակներէն ներս ան անցաւ նաեւ Յորդանան։
