«Ակօս» շաբաթաթերթի հիմնադիր, նահատակ լրագրող Հրանդ Տինքի ոճրագործը՝ Օկիւն Սամաստ պիտի դատուի քրէական ատեանի մէջ։ Ծանօթ է, որ ան վերջերս բանտէն ազատ արձակուած էր, սակայն Իսթանպուլի Հանրապետական աւագ դատախազութիւնը անմիջապէս նոր մեղադրական մը պատրաստած էր անոր համար։
Իսրայէլ-Պաղեստին արիւնալի իրադարձութիւնները միջազգային օրակարգի թիւ մէկ նիւթը մնալ կը շարունակեն։ Իսրայէլի կառավարութեան եւ «Համաս»ի միջեւ հաստատուած քառօրեայ հրադադարը թէեւ այս առաւօտ պիտի աւարտէր, սակայն միջնորդ երկիրներու ջանքերուն շնորհիւ երկարաձգուեցաւ եւս երկու օր։
Ազգային պաշտպանութեան նախարար Եաշար Կիւլէր երէկ Պաքուի մէջ եռակողմանի բանակցութիւններու մասնակցեցաւ՝ Ատրպէյճանի պաշտպանութեան նախարար Զաքիր Հասանովի եւ Վրաստանի պաշտպանութեան նախարար Ճուանշէր Պուրչուլածէի հետ։
Համաեւրոպական տօնավաճառին գծով կը ներկայացուին հայ վարպետներու ընտիր ձեռագործերը:
Հայաստան այս տարի առաջին անգամ կը մասնակցի Ս. Ծնունդի առթիւ կազմակերպուած աւանդական ձեռնարկին:
Անուշ Թրուանց կը տեղեկացնէ Երեւանէն.-
Երեւանի Շարժանկարի տան երդիքին տակ երէկ մեծարուեցաւ հայ երաժշտութեան երախտաշատ նուիրեալներէն մին:
Մաէսթրօ Չեքիճեանի կեանքին ու գործունէութեան մասին պատրաստուած վաւերագրական ժապաւէնի առաջին ցուցադրութիւնը փայլուն անցաւ:
Հայաստանի եւ Սէուտական Արաբիոյ միջեւ շաբաթավերջին պաշտօնապէս հաստատուեցան դիւանագիտական յարաբերութիւններ։ «Արմէնփրէս»ի հաղորդումներով, շաբաթավերջին երկու երկիրներու միջեւ ստորագրուեցաւ համապատասխան արձանագրութիւն մը։
Քրեմլինի բանբեր Տիմիթրի Փեսքով յայտարարեց, որ թէեւ կը փորձեն Ռուսաստանը դուրս մղել Ղարաբաղէն, սակայն բացի անկէ ոչ ոք կրնայ տարածաշրջանէն ներս խաղաղութեան ու կայունութեան նոյնպիսի երաշխաւոր մը ըլլալ։
«Հայաստան» համահայկական հիմնադրամը այս տարի եւս կազմակերպեց իր հերթական նուիրահաւաքման արշաւը։ «Քեզ համար Հայաստան» կարգախօսով կազմակերպուած այս տարուան մարաթոնի արդիւնքով հանգանակուեցաւ 8 միլիոն 400 հազար ամերիկեան տոլար։
«Մատենադարան. լուսանկարչական գանձերու յայտնութիւնը» նոր շունչ կու տայ տեսանիւթերուն:
Պատմական, աղբիւրագիտական, արուեստաբանական եւ ազգագրական առանձնայատուկ նշանակութեամբ նմոյշներ:
Հայաստանի վարչապետ Նիկոլ Փաշինեան երէկ երկարաշունչ յայտարարութիւններով հանդէս եկաւ՝ պատասխանելով թէ՛ երկրի քաղաքացիներու եւ թէ սփիւռքահայերու բազմաթիւ հարցումներուն։ Այս առթիւ ան յայտնեց, որ Ատրպէյճանի հետ ապագայ բանակցութիւններու ընթացքին Հայաստան պիտի փորձէ պարզաբանումներ ստանալ, թէ արդեօք Պաքու համաձա՞յն է խաղաղութեան պայմանագիր կնքել Եւրոմիութեան միջնորդութեամբ համաձայնեցուած երեք սկզբունքներուն հիման վրայ կամ ոչ։
