Լրահոս

Հայաստանի արտաքին գործոց նախարար Արարատ Միրզոյեան հիւրընկալեց միջազգային ճգնաժամային խումբի նախագահ Քոմֆորտ Էրոն, որ վերջին օրերուն այցելեց Երեւան։ Պաշտօնական աղբիւրներու հաղորդումներով, զրուցակիցները կարծիքներ փոխանակեցին տարածաշրջանային անվտանգութեան վերաբերեալ հարցերու շուրջ։

Վրաստանի վարչապետ Իրակլի Ղարիպաշվիլի յայտարարեց, որ Երեւանի եւ Պաքուի միջեւ յստակ արդիւնքներ ապահովուած են՝ շնորհիւ Թիֆլիզի խաղաղութեան նախաձեռնութեան։ Վրաստանի կառավարութեան 2023 թուականի գործունէութիւնը ամփոփելու ժամանակ Իրակլի Ղարիպաշվիլի շեշտեց, որ տարածաշրջանէն ներս Վրաստան սերտ բարեկամական յարաբերութիւններ ունի Ատրպէյճանի, Հայաստանի եւ Թուրքիոյ հետ։

ՄԱԿ-ի ընդհանուր քարտուղար Աթոնիօ Կութերեսի բանբերը՝ Սթեֆան Տիւժարիք յայտարարեց, որ վերջին քանի մը շաբաթներու ընթացքին Հայաստանի եւ Ատրպէյճանի յարաբերութիւններու կարգաւորման ուղղութեամբ զգալի քայլերու ձեռնարկուած են։

Ատրպէյճանի նախագահական աշխատակազմի արտաքին յարաբերութիւններու բաժնի վարիչ Հիքմէթ Հաճիեւ յայտարարեց, որ Հայաստանի հետ սահմաններու որոշուիլը կրնայ ըլլալ ենթադրեալ խաղաղութեան համաձայնագրէն անջատ։

Հայաստանի Գիտութիւններու ազգային ակադեմիան կ՚ողջունէ իր հիմնադրութեան 80-ամեակը:
Աշոտ Սաղեան երէկուան յատուկ նիստի ընթացքին անհրաժեշտ նկատեց բարեփոխումներու ծրագրի կեանքի կոչուիլը:

ԹՈՒՄՕ ստեղծարար թեքնոլոժիներու կեդրոնը կ՚ընդլայնէ իր նախաձեռնութիւնները՝ հայկական մշակութային ժառանգութեան թուայնացման ճանապարհին։ «Արմէնփրէս»ի հաղորդումներով, կեդրոնը հետամուտ է թուայնացեալ հայկական պատմամշակութային վայրերու արխիւը հարիւրաւոր կոթողներով համալրելու նպատակին։

Հայաստանի մէջ NETFLIX-ի համար պիտի նկարահանուին ժապաւէններ ու ֆիլմաշարեր։ Հայաստանի Ազգային ժողովի Գիտութեան, կրթութեան, մշակոյթի եւ մարմնամարզի հարցերու մշտական յանձնաժողովի նախագահ Սիսակ Գաբրիէլեան տեղեկացուց, որ Գերմանիայէն յայտնի դերասան ու արտադրիչ Թիլ Շվայկեր վերջերս այցելած է Երեւան։

«Արմէնփրէս»ի հիմնադրութեան 105-րդ տարեդարձին առթիւ ցուցահանդէս. «Դարու վաւերագրութիւն»:
Գործակալութեան լուսանկարներու հարուստ արխիւը խոշորացոյցի տակ կը բերէ առանցքային դէմքեր ու դէպքեր:

Եւրոմիութիւնը որոշեց Թուրքիոյ վերաբերեալ քննարկումները յետաձգել յառաջիկայ մարտի գագաթաժողովին:
Հաքան Ֆիտան եւ Օլիվէր Վարհէլյի հեռախօսազրոյցի մը ընթացքին ընդհանուր արժեւորումի ենթարկեցին ստեղծուած իրավիճակը:

Հանրապետութեան նախագահ Ռեճեփ Թայյիպ Էրտողան Պուտափեշտ այցելեց՝ Թուրքիա-Հունգարիա դիւանագիտական յարաբերութիւններու հաստատման 100-ամեակին առթիւ։ Ան հիւրընկալուեցաւ Հունգարիոյ նախագահ Քաթալին Նովաքի եւ վարչապետ Վիքթոր Օրպանի կողմէ։