Լրահոս

Հայաստանի վարչապետ Նիկոլ Փաշինեան երէկ հերթական անգամ խօսեցաւ Ատրպէյճանի հետ առկայ անվստահութեան կապակցութեամբ։ 2024 թուականի պետական պիւտճէի նախագծին վրայ ծաւալուած քննարկումներու ծիրէն ներս, Հայաստանի Ազգային ժողովի ամպիոնէն երէկ Նիկոլ Փաշինեան ունեցաւ ելոյթ մը, որու ընթացքին ըսաւ. «Եթէ Ատրպէյճանի հետ խաղաղութեան սկզբունքները համաձայնեցուած են, ապա ի՞նչ է խնդիրը, ինչո՞ւ համար չենք երթար, ինչո՞ւ չենք ստորագրեր խաղաղութեան պայմանագիրը։

ԺԻՐԱՅՐ ՉՈԼԱՔԵԱՆ

Հայաստանի Անվտանգութեան խորհուրդի քարտուղար Արմէն Գրիգորեան չէր մասնակցեր ԱՊՀ-ի Անվտանգութեան խորհուրդի (…) Մոսկուայի [վերջին] ժողովին։ Երրորդ անգամ ըլլալով Հայաստան կը խուսափի Ռուսաստանի ստեղծած յետխորհրդային կառոյցներու ժողովներուն մասնակցելէ։ Նոյնիսկ մերժած է ՀԱՊԿ-ի (Հաւաքական անվտանգութեան պայմանագրի կազմակերպութիւն) մէջ Հայաստանի ներկայացուցիչ նշանակելէ։ Ինչո՞ւ այս հեռաւորութիւնը։

Ծովափին յայտնուած են քով քովի։ Թէեւ նոյն նստարանի երկու ծայրամասերուն վրայ են, սակայն, ամենայն հաւանականութեամբ զիրար նոյնսիկ նկատած չըլլան։ Օտար են իրարու ու լրիւ անհաղորդ։ Անծանօթներու միջեւ տարրական քաղաքավարական կապ մը հաստատելու համար՝ ընդունուած ձեւերէն որեւէ մէկուն դիմելու կամքն ալ չունին, ակնյայտօրէն։

ՍԱԳՕ ԱՐԵԱՆ

Տարածաշրջանային իրադարձութիւնները ցոյց կու տան, որ Սուրիոյ մէջ նոր պատերազմի մը ծագիլը անհաւանական չէ։ Բազմաթիւ վերլուծաբաններ համոզուած են, թէ Սուրիոյ մէջ պատերազմի էջը չէ փակուած եւ այդ երկրին «մոխիրներուն» տակ կրակը դեռ կը բոցավառի։

Երեւան ամբողջ թափով կը բիւրեղացնէ տարածաշրջանային հաղորդակցութիւններու վերաբերեալ տեսլականը:
Արարատ Միրզոյեան Լոնտոնի շփումները աւարտելով անցաւ Պրիւքսել, ուր մատնանշեց Կրանատայի սկզբունքները:

Պուքրէշի մէջ նախընթաց օր տեղի ունեցաւ քննարկում մը, որ նուիրուած էր Արցախի հոգեւոր-մշակութային ժառանգութեան պահպանութեան եւ տեղահանեալ հայութեան ընկերային կացութեան։ Ռումանիոյ Կրօնից նախարարութեան եւ Հայաստանեայց Առաքելական Եկեղեցւոյ Ռումանիոյ թեմի համատեղ նախաձեռնութեամբ կազմակերպուած էր այս ժողով-քննարկումը։

«Ակօս» շաբաթաթերթի հիմնադիր Հրանդ Տինքը սպաննած Օկիւն Սամաստ երէկ դուրս եկաւ բանտէն։ 19 յունուար 2007 թուականին լուսահոգի Հրանդ Տինքը նահատակած Օկիւն Սամաստ այդ ժամանակ 17 տարեկան էր։

Դէպի Լոնտոն պաշտօնական այցելութեան շրջանակներէն ներս, Հայաստանի արտաքին գործոց նախարար Արարատ Միրզոյեան երէկ ելոյթով մը հանդէս եկաւ «Chatham House»ի (Անգլիոյ միջազգային յարաբերութիւններու արքունի կաճառ) երդիքին տակ։ «Արմէնփրէս»ի հաղորդումներով, այս հաւաքոյթի ընթացքին Արարատ Միրզոյեան ներկայացուց Հայաստանի կառավարութեան կողմէ մշակուած «Խաղաղութեան խաչմերուկ» նախագծի ընձեռած հնարաւորութիւնները։

ՍԱԳՕ ԱՐԵԱՆ

Խնդիրը միայն Արցախը չէր, խնդիրը միայն Արցախի անվտանգութեան ապահովումը չէր, այլ խնդիրը այսօր ալ կը շարունակէ մնալ իրատես ինքնաճանաչումը:
Հայաստանի ներուժը ճի՛շդ հասկնալու, անոր իրական ուժը պատկերացնելու եւ շրջապատի իրադարձութիւնները ըստ այդմ ճի՛շդ թարգմանելով ընկալելու հրամայականը միշտ արդիական:

Դէպի Լոնտոն պաշտօնական այցելութեան ծիրէն ներս, Հայաստանի արտաքին գործոց նախարար Արարատ Միրզոյեան երէկ հանդիպում մը ունեցաւ Անգլիոյ Եւրոպայի հարցերով նախարար Լէօ Տոքերթիի հետ։ Այս տեսակցութիւնը բնորոշեց նաեւ Հայաստան-Անգլիա ռազմավարական երկխօսութեան սկիզբը։