Լրահոս

Մարզադաշտի հրապոյրը. Էսկիշեհիրի մէջ այսօր տեղի կ՚ունենայ Թուրքիա-Հայաստան ֆութպոլի հանդիպումը:
«Եւրօ-2024»ի որակաւորման փուլին, D խմբաւորումը խանդավառ մրցապայքարի մը թատերաբեմը կը հանդիսանայ:

Երեւան-Ուաշինկթըն առանցքին վրայ անմիջական շփումները կը շարունակուին՝ առանց որեւէ նորութեան:
Նախարար Արարատ Միրզոյեան ԱՄԷ-ի մէջ ալ անդրադարձաւ Արցախի պաշարումով ստեղծուած ծանր կացութեան:

Անգարայի ղեկավարութիւնը երէկ հիւրընկալեց Ալճերիոյ արտաքին գործոց նախարար Ահմէտ Աթթաֆը, որու այցելութեան առթիւ թրքական կողմը Ափրիկէի վերաբերեալ կարեւոր պատգամներով հանդէս եկաւ։

Երեւան-Մոսկուա առանցքին վրայ բանավէճը կը հասնի՝ մօտենալով լեզուակռիւի եզրագծին։ Հայկական լրահոսին մէջ ուշադրութիւն կը գրաւեն մեկնաբանութիւններ, ըստ որոնց Հայաստանի ղեկավարութիւնը դիտումնաւոր ձեւով այս բանավէճը կը հրահրէ Ռուսաստանի հետ։

Արցախէն Հայաստան տեղափոխուելու ժամանակ, Ռուսաստանի խաղաղապահներու հսկողութեան տակ գտնուելով հանդերձ, Ատրպէյճանի կողմէ առեւանգուած Լեռնային Ղարաբաղի երեք երիտասարդ բնակիչները՝ Ալէն Սարգսեան, Լեւոն Գրիգորեան եւ Վահէ Յովսէփեան երէկ վերադարձուեցան Հայաստանի Հանրապետութեան։

Պետական գանձի ու ելմտական նախարար Մեհմէտ Շիմշէք յայտարարեց, որ յառաջիկայ շրջանին ամսաթոշակները պիտի կարգաւորուին՝ նպատակադրուած գնաճի համեմատութեան հիման վրայ։

Ատրպէյճանի նախագահական աշխատակազմի արտաքին յարաբերութիւններու բաժանմունքի պատասխանատու Հիքմէթ Հաճիեւ դէպի Իսրայէլ ուղեւորութեան շրջանակներէն ներս հանդիպում մը ունեցաւ վարչապետ Պենիամին Նեթանիյահուի հետ։

Հայկական բարեգործական ընդհանուր միութիւնը (ՀԲԸՄ) հրապարակեց ՄԱԿ-ի Անվտանգութեան խորհուրդին ուղղեալ կոչ մը, պահանջելով Ատրպէյճանի կողմէ Արցախի շրջափակման որպէս ցեղասպանութիւն որակուիլը։

Արցախի առկայ պաշարման մթնոլորտին մէջ ո՛չ միայն մարդասիրական տագնապը կ՚ահագնանայ, այլեւ Պաքուի կողմէ նոր արկածախնդրութիւններու հաւանականութիւնն ալ կը մագլցի։ Հայաստանի կառավարութեան այս առաւօտեան նիստի սկիզբին վարչապետ Նիկոլ Փաշինեան հանդէս եկաւ կարեւոր յայտարարութիւններով, որոնցմով վերահաստատեց այն մտահոգիչ իրադարձութիւնները, որոնք արդէն օրերէ ի վեր ուշադրութիւն կը գրաւէին լրահոսին վրայ։

Թուրքիոյ եւ Հայաստանի ֆութպոլի ազգային հաւաքականներու միջեւ վաղը հանդիպում մը տեղի պիտի ունենայ Էսկիշեհիրի մէջ։ Հայկական ընտրանին այսօր արդէն ժամանած է Թուրքիա։