Լրահոս

Անթալիոյ մէջ այս օրերուն տեղի ունեցաւ Եւրոպայի Մարմնամարզի առաջնութիւնը։ Շաբաթավերջին այս մրցաշարքի շրջանակներէն ներս ոսկէ մետայլ նուաճեց Հայաստանի ներկայացուցիչներէն Արթուր Դաւթեան։

Երէկ, Հայաստանի արտաքին գործոց նախարար Արարատ Միրզոյեան Սամարղանտի մէջ հանդիպում մը ունեցաւ Ռուսաստանի արտաքին գործոց նախարար Սերկէյ Լաւրովի հետ։

Թուրքիոյ եւ Եգիպտոսի արտաքին գործոց նախարարներուն շփումները միշտ փոխըմբռնումով կ՚ընթանան:
Անգարա եւ Գահիրէ պատրաստակամ՝ յառաջիկային բոլոր ուղղութիւններով համագործակցութիւնը զարգացնելու համար:

Խոր ցաւով վերահասու եղանք, թէ Երեւանի մէջ իր մահկանացուն կնքած է յայտնի բանասէր Վարդան Դեւրիկեան։ Բօթը, որ խոր ցաւ յառաջացուցած է, կը նշանակէ հայկական գիտական աշխարհին տեսակէտէ լուրջ կորուստ մը։

Հայաստանի վարչապետ Նիկոլ Փաշինեան երէկ ընդունեց ԵԱՀԿ-ի շրջանային նախագահ երկրի՝ Հիւսիսային Մակեդոնիայի արտաքին գործոց նախարար Պույար Օսմանին:

Հայաստանի փոխ-վարչապետ Մհեր Գրիգորեան վերջին օրերուն շփումներ կ՚ունենայ Ուաշինկթընի մէջ։ Ամերիկայի Միացեալ Նահանգներու ղեկավարութենէն բազմաթիւ դէմքերու հետ քննարկումներ կը ծաւալէ փոխ-վարչապետը։

Երէկ, Էօզպեքիստանի տանտիրութեամբ, Աֆղանիստանի հարեւան երկիրներու չորրորդ նախարարական համաժողովը տեղի ունեցաւ Սամարղանտի մէջ։ Այս ծիրէն ներս կազմակերպուեցաւ նաեւ տարածաշրջանային քառեակի երկիրներու՝ Ռուսաստանի, Չինաստանի, Իրանի եւ Փաքիստանի արտաքին գործոց նախարարներուն անպաշտօն հանդիպումը, որ երրորդն էր իր նմաններու շարքին։

Մայր Աթոռ Սուրբ Էջմիածնի միաբանին ստեղծագործութիւնները կը ներկայացուին ի նպաստ աղէտեալներուն:
Ամենապատիւ Սրբազան Պատրիարք Հայրը պատուեց Տ. Ներսեհ Վարդապետ Խալաթեանի ցուցահանդէսի բացումը:

Տերէք Հոկանի հետ հեռախօսազրոյցէ վերջ, Արարատ Միրզոյեան այս առաւօտ ընդունեց Պույար Օսմանին:
Երեւան եւ Պաքու ներկայիս կանաչ լոյս կը վառեն Մոսկուայի մէջ բանակցելու համար: Չավուշօղլու զրուցեց Պայրամովի հետ: արեւմուտքէն միշտ կը հնչեն կոչեր:
«Առանց Լեռնային Ղարաբաղի ժողովուրդի իրաւունքներու եւ անվտանգութեան խնդիրներու հասցէագրման՝ իրատեսական չի համարուիր տարածաշրջանէն ներս երկարատեւ խաղաղութեան ու կայունութեան հաստատումը»:

Անգարա-Գահիրէ բնականոնացման գործընթացը այսօր շարունակութիւն կը գտնէ բարձր մակարդակի այցելութիւնով մը։ Այսպէս, արտաքին գործոց նախարար Մեւլիւտ Չավուշօղլու կը հիւրնկալէ Եգիպտոսի արտաքին գործոց նախարար Սեմիհ Շիւքրին։