Հայաստանի եւ Ատրպէյճանի արտաքին գործոց նախարարներու Թիֆլիզի վերջին հանդիպման արձագանգները կը շարունակուին միջազգային գետնի վրայ։ Ուաշինկթընի եւ Փարիզի ղեկավարութիւնները արդէն ողջունեցին այդ տեսակցութիւնը։ Ամերիկայի Միացեալ Նահանգներու պետական քարտուղարութեան բանբեր Նետ Փրայս ըսաւ. «Մենք աշխոյժ դերակատարութիւն ունինք։
Թուրքիա-Ռուսաստան-Իրան առանցքին վրայ հերթական անգամ կը շօշափուի Սուրիոյ տագնապը:
Այս առաւօտ Ռաիսիի կողմէ ընդունուելէ վերջ, նախագահ Էրտողան օրուան տեւողութեան կը տեսակցի Փութինի հետ:
Ազգային երախտաշատ բարերար հոգելոյս Գալուստ Կիւլպէնկեան վաղը պիտի ոգեկոչուի Լիզպոնի մէջ։ Գալուստ Կիւլպէնկեան, որ կեանքի վերջը անցուցած է Փորթուգալի մէջ, վառ հետքեր թողած է նաեւ այդ երկրի հասարակութեան հաւաքական յիշողութեան մէջ։
Եւրոմիութիւնը մտադիր է յառաջիկային կրկնապատկել Ատրպէյճանէն կազի մատակարարումները:
Ուրսուլա ֆոն տէր Լէյէն եւ Իլհամ Ալիեւ երէկ Պաքուի մէջ հանդիսաւորապէս ստորագրեցին կարեւոր պայմանագիր մը:
Հայաստանի վարչապետ Նիկոլ Փաշինեան երէկ հեռախօսազրոյց մը ունեցաւ Ռուսաստանի վարչապետ Միխայիլ Միշուսթինի հետ։ Պաշտօնական աղբիւրներու հաղորդումներով, երկու վարչապետները քննարկեցին Հայաստան-Ռուսաստան համագործակցութեան, ինչպէս նաեւ Եւրոասիոյ տնտեսական միութեան (ԵԱՏՄ) օրակարգին վերաբերեալ հարցեր։
Հայաստանի Արտաքին գործոց նախարար Արարատ Միրզոյեան այսօր պաշտօնական այցելութիւն մը կու տայ Վարշաւիա, ուր կը հիւրընկալուի Լեհաստանի Արտաքին գործոց նախարար Զպիկնիեւ Ռաուի կողմէ։ Այցելութեան ընթացքին նախարարը հանդիպումներ կ՚ունենայ նաեւ երկրի ղեկավարութենէն այլ յառաջատար դէմքերու հետ։
Երեւանի «Հայաստանի Հանրապետութիւն» օրաթերթը այսօր հարցազրոյց մը հրատարակած է Արաբական ծոցի երկիրներու Աստուածաշունչի ընկերութեան ընդհանուր քարտուղար վերապատուելի Հրայր Ճէպէճեանի հետ։ Այս առթիւ ան կոչ ուղղած է, որպէսզի բոլորը ապաւինին հայութեան համահաւաք ներուժին։
Հայաստանի եւ Ատրպէյճանի արտաքին գործոց նախարարները հանդիպում մը ունեցան Թիֆլիզի մէջ:
Արարատ Միրզոյեան եւ Ճէյհուն Պայրամով ընդունուեցան նաեւ Վրաստանի վարչապետ Իրակլի Ղարիպաշվիլիի կողմէ:
Երեւան եւ Պաքու թէեւ միշտ հակադիր մօտեցումներ կ՚արտայայտեն, սակայն, կ՚ընդգծեն նաեւ իրենց խաղաղութեան ձգտումները:
Գոհունակութեամբ վերահասու կ՚ըլլանք, թէ մեր նոր սերունդի արժէքաւոր ներկայացուցիչներէն Արփի Սարուխանեան փայլուն յաջողութեամբ աւարտած է Անգլիոյ Exeter-ի համալսարանը։ Ան վկայուած է այդ հեղինակաւոր համալսարանի ֆիզիքի եւ ասթրօֆիզիքի բաժնէն։
Երեւանի մէջ, երէկ երեկոյեան եզրափակուեցաւ «Ոսկէ ծիրան» շարժանկարի փառատօնը, որ այս տարի կազմակերպուեցաւ 19-րդ անգամ։ Յուլիսի 10-ին սկիզբ առած փառատօնի ծրագրի աւարտը բնորոշեց երէկուան մրցանակաբաշխման արարողութիւնը, որ տեղի ունեցաւ Օփերայի համալիրէն ներս։
