Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան ընդունեց Պէյօղլուի Ս. Յարութիւն եկեղեցւոյ Լուսաւորիչ դպրաց դաս-երգչախումբի տնօրէն խորհուրդի անդամները եւ խմբավար Յակոբ Մամիկոնեանը։ Ընդունելութեան ներկայ գտնուեցաւ նաեւ Պատրիարքական փոխանորդ Տ. Գրիգոր Աւ. Քհնյ. Տամատեան։
Կը տեղեկանանք, որ «Արաս» հրատարակչութիւնը ընթերցասէր հասարակութեան տրամադրութեան տակ դրած է հայկական երգիծաբանութեան տիտաններէն Երուանդ Օտեանի «Անիծեալ տարիներ» կոթողային գործը։
Թուրքիա-Հայաստան յարաբերութիւններու բնականոնացման գործընթացը կ՚ընթանայ երկու երկիրներու յատուկ ներկայացուցիչներու՝ Սերտար Քըլըչի եւ Ռուբէն Ռուբինեանի շփումներով։ Անգարայի եւ Երեւանի պաշտօնական աղբիւրները երէկ նոյնաժամանակ տեղեկացուցին, որ յատուկ ներկայացուցիչներու հերթական՝ արդէն երրորդ ժամադրութեան մանրամասնութիւնները յստակացած են։
Հանրապետութեան նախագահ Ռեճեփ Թայյիպ Էրտողան երէկ այցելութեան մը ձեռնարկեց դէպի Սէուտական Արաբիա՝ Սելման թագաւորի հրաւէրին ընդառաջ։ Այս ուղեւորութիւնը կը յաջորդէ Թուրքիոյ եւ Սէուտական Արաբիոյ միջեւ տագնապալի շրջանի մը եւ կը համարուի նոր էջի մը բացուիլը։
Վերջին օրերու շարժման զուգահեռ՝ Հայաստանի ընդդիմութիւնը մեծ հանրահաւաքի մը կը պատրաստուի:
Իշխանութիւններու դէմ բարձրացած հակազդեցութեան ալիքի պայմաններով հնչած միտքերն ալ չեն ընկալուիր միանշանակ:
Ամերիկայի Միացեալ Նահանգներու պետական քարտուղար Էնթընի Պլինքըն Լեռնային Ղարաբաղի հիմնախնդրին անդրադարձաւ՝ Քոնկրէսէ ներս, Ներկայացուցիչներու տան Արտաքին յարաբերութիւններու յանձնաժողովի լսումներուն ժամանակ։
Ֆէրիգիւղի «Շիրինօղլու» սրահի երդիքին տակ երէկ երեկոյեան բացառիկ հաւաքոյթ մը տեղի ունեցաւ:
Ամեն. Ս. Պատրիարք Հայրը նախագահեց ԱՔ կուսակցութեան շրջանակներէն յառաջատար դէմքերու մասնակցութեամբ կազմակերպուած իֆթարին: Տքթ. Սեւան Սվաճըօղլուի նախաձեռնութիւնը փայլուն յաջողութեամբ պսակուեցաւ: Մանուկ Էօղէր կոչ ուղղեց, որպէսզի Մէրամէթճեան վարժարանի համար նոր համալիր մը կառուցուի պետական միջոցներով:
Մեր աշխատակից Վարանդ Քորթմոսեան կը տեղեկացնէ Երեւանէն.-
Երէկ երեկոյեան, Երեւանի «Առնօ Բաբաջանեան» համերգասրահէն ներս տեղի ունեցաւ «Ծիծաղելի է, բայց փաստ է իրաւ» համերգը՝ կատարողութեամբ Վահան Արծրունիի՝ կատարում եւ կիթառ, Նելլի Մանուկեանի՝ ֆլուտա եւ համերագային ծրագիրին յատուկ հիւր՝ դաշնակահար Մատաթ Աւանեսովի:
Արտաքին գործոց նախարար Մեւլիւտ Չավուշօղլու յառաջիկայ շրջանին պիտի մէկտեղուի Իրանի Արտաքին գործոց նախարար Ամիր Ապտուլլահիանի եւ Ատրպէյճանի Արտաքին գործոց նախարար Ճէյհուն Պայրամովի հետ։ Իրանի Արտաքին գործոց նախարարութեան բանբեր Սաիտ Խաթիպզատէ տեղեկացուց, որ եռակողմանի հանդիպումը նախատեսուած է Թեհրանի մէջ։
Դէպի Հնդկաստան աշխատանքային այցելութեան ծիրէն ներս, Հայաստանի Արտաքին գործոց նախարար Արարատ Միրզոյեան այցելեց Մումպայ, որ կը համարուի այդ երկրի ելմտական կեդրոնը։ Ան այց մը կատարեց Մումպայի հայկական առեւտրային գրասենեակը, որ կը գործէ Հայաստանի տեղւոյն պատուոյ հիւպատոսութեան առընթեր։
